bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Chronicles 1
2 Chronicles 1
Quechuan QXO (Biblia en Quechua del sur de Conchucos)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 2 →
1
Tayta Dios yanapaptinmi Davidpa tsurin Salomón llapan mandanqanchö poderyuq karqan.
2
Israel autoridäkunata Salomón qayatsiptinmi soldädukunapa llapan capitanninkuna, juezkuna y Israel runakunapa cada castapa mandaqninkunapis qorikäyarqan.
3
Paykunawanmi Gabaón markachö kaykaq altarman Salomón aywarqan. Tsaychömi Tayta Dioswan Tinkuna Toldu kaykarqan. Tsay toldutaqa Tayta Diospa sirviqnin Moisésmi desiertuchö ruratsishqa karqan.
4
Tayta Diospa babulninqa manam Tinkuna Tolduchönatsu karqan, sinöqa Jerusalénchö David ruratsinqan tolduchömi. Tsay tolduchö churaränanpämi Quiriat-Jearim markapita Jerusalénman David apatsirqan.
5
Hurpa willkan y Uripa tsurin Bezaleel ruranqan bronci altarqa Gabaónllachörämi kaykarqan. Tsay altarqa Tayta Dioswan Tinkuna Toldu lädunchömi karqan. Tsaymanmi llapan runakunawan Tayta Diosta mañakuq Salomón aywayarqan.
6
Tayta Diospa puntanchö kaykaq bronci altarchömi sacrificiuta rupatsir waranqa (1,000) ashmakunata Salomón rupatsirqan.
7
Tsay paqasmi Salomónta yuripaskir Tayta Dios nirqan: «Imatapis mañakamanqaykitam alistapäshayki».
8
Tsaymi Salomón nirqan: «Tayta Dios, qamqa allim yanaparquyki papänï Davidta. Kananqa noqatanam paypa trokin rey kanäpä churamarquyki.
9
Mandanqä runakunaqa lamar kuchunchö arënanörämi yupaytapis mana atipaypä kaykäyan. Tsaymi Tayta Dios, mañakamü papänï Davidta awninqaykinölla yanapaykamänaykipä.
10
Kuyanqayki Israel runakunata shumaq mandanäpä alli yarpayta y yachayta qaraykallämay. Yarpaynï shumaq mana kaptinqa kaytsika runakunata manam mandayta puëdishätsu».
11
Tayta Diosnam nirqan: «Kushikümi kuyanqä Israel runakunata shumaq mandanaykipä alli yarpayta y yachayta mañakamaptiki. Qamqa manam mañakamarquykitsu rïcuyänaykipä, respitashqa kanaykipä, contrayki runakunata ushakätsinäpä ni atska wata kawanaykipäpis.
12
Mañakamanqaykinöllam yanapashayki alli yarpayyuq y yachaq kanaykipä. Tsaynöllam yanapashayki rïcu kanaykipä y respitashqa kanaykipä. Punta kaq reykunapis manam qam kanaykipä kanqannöqa kayashqatsu. Tsaynöllam qepa yaykuq reykunapis qammanqa iwalayanqatsu».
13
Tsaypitanam Gabaón markachö Tinkuna Toldu kaqpita Jerusalénman Salomón kutiykur Israel runakunata mandar qallaykurqan.
14
Salomónmi atska carrëtakunata y caballukunata rantirqan. Tsaynöpam paypa karqan waranqa chusku pachak (1,400) carrëtankuna y chunka ishkay waranqa (12,000) caballunkuna. Tsay caballukunatam wakinta churarqan guërra carrëtakuna kaykäyanqan cuartelkunachö kayänanpä y wakintana churarqan Jerusalén palaciun cercachö kayänanpä.
15
Rey Salomón qoritsinqan qoripis yuraq qellaypis ruminörämi Jerusalénchö atska karqan. Tsaynöllam cedrutapis Sefelachö plantatsirqan hïgus muntinörä tsaytsika kananpä.
16
Salomón mandanqan negociantikunam Egiptupita y Ciliciapita caballukunata rantiyämuq.
17
Egiptupita rantiyämunqan juk carrëtam joqta pachak (600) qellay cuestaq y juk caballunam pachak pitsqa chunka (150) qellay cuestaq. Tsay caballukunata y carrëtakunatam wakintaqa rantikuyaq heteo runakunapa mandaqnin reykunata y wakintana Siria runakunapa mandaqnin reykunata.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36