bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Chronicles 18
2 Chronicles 18
Quechuan QXO (Biblia en Quechua del sur de Conchucos)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
1
Josafat rïcu kaptinmi maytsaychöpis runakuna payta respitar kuyayaq. Josafatqa Acabpa warmi tsurinwanmi tsurinta casaratsirqan.
2
Tsaypita juk ishkay watatam Acabta watukaqnin Samariaman Josafat aywarqan. Yanapaqninkunawan Josafat chaykuyaptinmi Acabqa fiestata rurar üshakunata, cabrakunata y wäkakunata pishtatsirqan. Tsaychömi Josafatta Acab rugarqan Galaadchö kaykaq Ramot markata qorir yanapananpä.
3
Tsaymi Judá nacionpa mandaqnin rey Josafatta Israel nacionpa mandaqnin rey Acab nirqan: «¿Yanapamankimantsurä Galaadchö kaykaq Ramot markata qorinäpä aywaptï?» Tsaynö niptinmi Josafat nirqan: «Soldädükunawan yanapanäpä listum kaykä.
4
Peru Tayta Diostarä tapukushun».
5
Tsaymi chusku pachak (400) profëtankunata qayaykatsir rey Acab tapukur nirqan: «Galaadchö kaykaq Ramot markata qoriq ¿aywayämanku o manaku?» Profëtakunanam niyarqan: «Aywayay. Tayta Dios yanapayäshunkim tsay markata qoriyämunaykipä».
6
Peru Josafatnam nirqan: «¿Manatsurä Tayta Diospa profëtan kaychö kan tapukunantsikpä?»
7
Rey Acabnam nirqan: «Awmi, kaychö kanmi Tayta Diospa juk profëtan. Payqa Imlapa tsurin Micaíasmi. Peru payta tapukuptï imaypis mana allikuna päsamänanpä kanqantam niman. Tsaymi paytaqa pasaypa chikï». Rey Josafatnam nirqan: «Ama tsaynöqa parlaytsu».
8
Tsaymi juk capitanninta qayaskatsir rey Acab nirqan: «Imlapa tsurin Micaíasta ras pushamuy».
9
Israel nacionpa mandaqnin rey Acab y Judá nacionpa mandaqnin rey Josafatmi Samaria marka yaykuna punkuchö mandaq kay röpankuna jatishqa trönunkunachö jamaraykäyarqan. Paykunapa puntanchömi profëtakunapis willakuykäyarqan.
10
Quenaanapa tsurin profëta Sedequíaspis fiërrupita waqrakunata ruraskirmi nirqan: «Tayta Diosmi nin: «Runata töru waqraqnömi Siria nación runakunata ushakätsinki».
11
Tsaynöllam llapan profëtakunapis reyta niyarqan: «Galaadchö kaykaq Ramot markata atacayay. Tayta Diosmi yanapayäshunki tsay markata qoriyämunaykipä».
12
Willakuq aywaqnam Micaías kaqman chaykur nirqan: «Llapan profëtakunam rey Acabta nikäyan tsay markaman aywar soldädunkunawan vinciyänanpä kanqanta. Qampis paykuna willakuyanqannölla niykullay».
13
Tsaynö niptinmi Micaías nirqan: «Noqaqa Tayta Dios nimanqallantam nishä. Nimanqallanta mana niptïqa pasaypa castigamätsun». Tsayman Micaías chaykuptinmi
14
rey Acab nirqan: «Galaadchö kaykaq Ramot markata qorinäpä ¿atacayämanku o manaku?» Micaíasnam nirqan: «Aywar atacayay. Vinciyänaykipämi Tayta Dios yanapayäshunki».
15
Llullapaykanqanta yarparmi rey Acab nirqan: «¡Ayka kutitä nishayki Tayta Diospa jutinchö rasun kaqllata willamänaykipä!»
16
Tsaynö niptinmi Micaías nirqan: «Tayta Dios revelamaptinmi Israel runakuna mitsiqniynaq üshakunanö maytsaypa mashtakashqa kaykaqta rikarqü. Tayta Diosmi nin: «Duëñuynaq üshanö kaykarqa Israel runakuna wayinkunapa tranquïlu kutikuyätsun».
17
Tsaynam Josafatta rey Acab nirqan: «¿Manaku nirqä desgracia päsamänanpä kaqllata kay runa imaypis nimanqanta?»
18
Micaíasnam yapay nirqan: «Kanan wiyay Tayta Dios imata ninqantapis. Revelacionchömi rikarqü trönunchö Tayta Dios jamaraykaqta. Tsaynöllam rikarqü llapan angelninkuna itsuq kaq lädunchö y derëcha kaq lädunchö ishniyparä ichiraykaqta.
19
Tayta Diosmi nirqan: «¿Pirä rey Acabta yarpayta qonman Galaadchö kaykaq Ramot markata atacaq aywar tsaychö wanunanpä?» «Tsaynam wakin angelkuna juknöpa niyarqan y wakin kaqkunapis juknöpa niyarqan.
20
Tsaynö nikäyaptinmi juk espíritu Tayta Diospa puntanman aywaykur nirqan: «Noqam yarpayta qoshä». «Tsaymi Tayta Dios tapurqan: «¿Imanötä yarpayta qonki?»
21
«Tsaymi nirqan: «Acabpa llapan profëtankunatam llullakuyänanpä yarpayta qoshä». «Tsaynö niptinmi Tayta Dios nirqan: «Yarpanqaykinö ruraptiki allim kanqa. Tsaynö ruranaykipä ras ayway».
22
Tsaynö niskirmi rey Acabta profëta Micaías nirqan: «Tayta Dios tsaynö mandamuptinmi tsay espíritu shamur llapan profëtaykikunata llullakaykätsin. Tsaynö llullapaykäyäshunki wanutsiyäshunaykipä hörayki chämuptinmi».
23
Tsaynö niptinmi Quenaanapa tsurin Sedequías Micaíasta laqyaskir nirqan: «¡Imanirtä yarpaykanki Tayta Diospa Espïritun noqata dëjaskamar qamllatana parlapäshunqaykita!»
24
Micaíasnam nirqan: «Wayin wayin pakakur purinqayki höram musyanki rasun kaqta willanqäta».
25
Tsaynam rey Acab yanapaqninkunata nirqan: «Micaíasta prësu tsariskir markapa gobernadornin Amónpa y tsurï Joáspa despächunman apayay.
26
Paykunata willayanki carcelman wichqaskir kawananpä tinkulla yakutapis mikuytapis qarayänanpä. Tsaychö wichqarätsun llapantapis vinciskir kutimunqäyaq».
27
Micaíasnam nirqan: «Vinciskir kutimunaykipä kanqanta yarpaptikipis Tayta Diosmi nin wanunaykipä kanqanta. Tsay ninqätaqa llapaykikuna wiyayay».
28
Tsaypitanam Israel nacionpa mandaqnin rey Acab y Judá nacionpa mandaqnin rey Josafat Galaadchö kaykaq Ramot markata atacaq aywayarqan.
29
Manarä atacarmi rey Acab nirqan: «Contrantsik soldädukuna mana reqiyämänanpä noqaqa pelyakuna röpata jatikurkur pelyashä. Peru qamqa mandaq kay röpallaykiwan pelyay». Tsaynö nirmi Acabqa pelyakuna röpata jatikurkur pelyaq yaykurqan.
30
Siria nacionpa mandaqnin reynam carrëtakunawan aywaq capitanninkunata yätsir nirqan: «Soldädukunata atacayänaykipa rantin rey Acabllata imanöpapis atacayanki».
31
Tsaynam tsay capitankuna pelyaman yaykur Josafatta rikaykurnin yarpäyarqan Israel nacionpa mandaqnin rey Acab kanqanta. Atacayänanpä corralaskiyaptinmi Josafatqa ausiliuta mañakur qayararqan. Tsaymi Tayta Dios tsapaptin soldädukuna
32
atacayarqannatsu Acab mana kanqanta tantiyaskir.
33
Tsaypita pelyaykanqanchömi juk soldädu llutalla flëchanqanchö rey Acabpa bronci chalëcun tinkuraqninpa flëcha yaykuskirqan. Tsaymi carrëtan manijaqta Acab nirqan: «Ras kaypita jipimay. Flëchaskayämashqam».
34
Pasaypa mantsariypä tsay junaq pelyayaptinmi rey Acabta antsa kaykaqta carrëtanman soldädunkuna ichïtsiyarqan pelyayanqanta rikananpä. Tsay tardim rupay ullunqan höra wanuskirqan.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36