bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Chronicles 21
2 Chronicles 21
Quechuan QXO (Biblia en Quechua del sur de Conchucos)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
1
Josafat wanuskiptinmi Davidpa Markanchö unay castankuna pamparäyanqanman pampayarqan. Josafatpa trokinnam tsurin Joramna rey karqan.
2
Jorampa wawqinkunam kayarqan Azarías, Jehiel, Zacarías, Azarías, Micael y Sefatías. Paykunaqa rey Josafatpa tsurinkunam kayarqan.
3
Tsay tsurinkunatam papänin Josafat rakipurqan qorita, qellayta y imaykatapis chanin cuestaqkunata. Tsaynöllam paykunata churarqan Judá nacionchö corralashqa markakunachö autoridäkuna kayänanpä. Peru Joramtaqa mayor tsurin kaptinmi rey kananpä papänin churarqan.
4
Papäninpa rantin rey karnam pipis qarqunanta mana munar llapan wawqinkunata espädawan Joram wanutsirqan. Tsaynöllam wakin mandaq autoridäkunatapis espädawan wanutsirqan.
5
Joramqa kimsa chunka ishkay (32) watayuq kaykarmi rey kayta qallaykurqan. Payqa puwaq watam Jerusalénpita mandarqan.
6
Rey Acabpa warmi tsurinwan tarmi Acabpa castankunanölla y Israel nacionpa mandaqnin reykunanölla Tayta Diosta mana cäsur jutsata rurarqan.
7
Tsaynö kaptinpis sirviqnin Davidpita miraq runa Judáchö imaypis rey kananpä pactuta rurashqa karmi Joramta rey kanqanpita Tayta Dios qarqurqantsu.
8
Judá nacionchö Joram rey kanqan witsanmi Edom nación runakuna Judá nacionpa poderninchö kayanqanpita yarquskir kikinkunapa mandaqninkuna reyta churayarqan.
9
Tsaymi rey Joram capitankunata qayaskatsir guërra carrëtankunawan Edomta atacayänanpä aywayarqan. Edomita soldädukuna pelyayänanpä yarqurmi rey Joramta y carrëtakunawan aywaq capitankunata tumaypa tsapaskiyarqan. Tsaynö tsapaskiyaptinmi Israel soldädukunaqa imaykanöpapis paqaspa qeshpiyarqan.
10
Tsaypitam Edom nación runakunaqa kananyaqpis Judá nacionpa poderninchönatsu kayan. Unay castankuna yärakuyanqan Tayta Diosta Joram mana cäsuptinmi Tayta Dios permitirqan Libna marka runakunapis Judá nacionpa poderninpita yarqukuyänanpä.
11
Jerusalénchö täraq runakuna juk dioskunata adorayänanpämi Joramqa Judá jallqakunachö altarkunata ruratsirqan. Tsaynöpam Judá nación runakuna Tayta Diosta cäsuyarqannatsu.
12
Tsay witsanmi profëta Elías rey Joramman cartakur nirqan: «Unay castayki rey David yärakunqan Tayta Diosmi nin: «Papäniki Josafat y awiluyki Asa cäsuyämanqannö ¿imanirtä cäsumankitsu?
13
Tsaynö karqa Israel nacionpa mandaqnin reykunanöllam llutanta ruraykanki. Juk dioskunata adorayänanpä unay rey Acab parlapanqannömi qampis Judáchö täraq runakunata y Jerusalénchö täraq runakunata parlaparquyki. Tsaynöllam qampita mas alli kaykäyaptin wawqikikunatapis wanutsirquyki.
14
Tsaynö kanqaykipitam nacionnikichö desgracia päsananpä permitiptï tsurikikunata, warmikikunata y llapan imaykaykikunatapis chipyaq apayanqa.
15
Qamtaqa imayka qeshyawanmi castigashayki. Pacha nanaywan qeshyarmi qoyay qoyay antsanki oqitikipis yarqamunqanyaq».
16
Tsaypitam filisteo runakunapa y Arabia runakunapa yarpayninman Tayta Dios churarqan rey Jorampa contran shäriyänanpä. Tsay Arabia runakunaqa Etiopía runakuna täyanqan lädupam täyarqan.
17
Judá nacionman chaykur atacarmi reypa palaciunchö imayka riquëzankunatapis apayarqan. Tsaynöllam Jorampa tsurinkunatapis warminkunatapis apayarqan. Jerusalénchöqa Joramwan ñuñush tsurin Joacazllam quëdarqan.
18
Rey Joramta Tayta Dios pacha nanaywan castigaptinmi ni ima jampipis allïtsirqantsu.
19
Ishkay wata tsaynölla qeshyaptinmi oqitin tikrakarqan. Tsaynöpam pasaypa llakipaypä ñakaykanqanchö wanurqan. Wanuskiptin marka mayinkuna yantallatapis manam waykuyarqantsu unay reykuna wanuptin waykuyanqannöqa.
20
Joramqa kimsa chunka ishkay (32) watayuq kaykarmi rey kayta qallaykurqan. Jerusalénpita puwaq watallam mandarqan. Wanuskiptin manam pipis lüturqantsu ni waqarqantsu. Davidpa Markanman pamparpis manam reykuna pamparäyanqan kaqmanqa pampayarqantsu.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36