bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Chronicles 24
2 Chronicles 24
Quechuan QXO (Biblia en Quechua del sur de Conchucos)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 25 →
1
Mandayta qallanqan witsan qanchis watayuqllarämi Joás karqan. Payqa chusku chunka (40) watam Jerusalénchö rey karqan. Mamanmi Beerseba markapita Sibia karqan.
2
Sacerdöti Joiada kawanqanyaqqa Tayta Dios munanqannömi llapantapis Joás rurarqan.
3
Joásta ishkay warmiwanmi Joiada casaratsirqan. Joáspa tsurinkuna ollqupis warmipis karqanmi.
4
Atska watana rey kaykarmi Joás yarpachakurqan Tayta Diospa templunta allitsatsinanpä.
5
Tsaymi sacerdötikunata y yanapaqnin levitakunata qoriskir nirqan: «Ras aywayay nacionnintsikchö kaq markakunaman. Tayta Diosnintsikpa templunta allitsatsinäpä tsay markakunachö täraq runakuna cada wata ofrenda qoriyanqanta apayämuy». Tsaynö niptinpis levitakunaqa manam aywayarqantsu.
6
Tsaymi mandaq sacerdöti Joiadata qayaskatsir rey nirqan: «Pactu Toldupa gastunkunapä ofrendata qorinantsikpämi Tayta Diospa sirviqnin Moiséspis y Israel mayor runakunapis mandayarqan. Tsaynö mandaykaptinqa ¿imanirtä Judá nacionnintsikman y Jerusalénman tsay ofrendata apayämunanpä levitakunata mandarquykitsu?
7
Musyanqaykinöpis Atalíaqa mana allikunata rurarmi wamrankunawan Diospa templunman yaykuskir tsaychö kaykaq sagrädu manëjukunatapis manijayashqa Baal dioskunata adorayänanpä. Tsaymi tsay ofrendata nisitantsik templuta allitsatsinantsikpä».
8
Tsaypitanam juk ichik babulta ruraskatsir ofrendakunata wiñayänanpä Tayta Diospa templun yaykuna punku waqta läduman rey churatsirqan.
9
Tsaypitanam Jerusalénchö täraq runakunaman y Judá nacionchö täraq runakunaman willakatsirqan llapan runakuna ofrendata apayämunanpä. Tsay ofrendata qoriyänanpämi Tayta Diospa sirviqnin Moisés desiertuchö kaykar mandarqan.
10
Tsaymi llapan autoridäkuna y llapan runakuna templuman qellayta kushishqa apar babulman juntaqpä wiñayarqan.
11
Sacerdötikunapa yanapaqnin levitakunam tsay babulta apayaq reypa yanapaqninkuna rikayänanpä. Babul juntana kaptinqa reypa secretariunta y mandaq sacerdötipa yanapaqnintam willayaq babulta jäkatsiyänanpä. Jäkaskatsirnam kanqallanman yapay kutitsiyaq. Qoyay qoyay tsaynö rurarmi atska qellayta qoriyarqan.
12
Tsay qellaytam rey y sacerdöti Joiada Tayta Diospa templunta allitsatsiqkunata entregayaq. Paykunanam rumi llaqllaqkunata, carpintërukunata, herrërukunata y bronci takaqkunata templuta allitsayänanpä pägayaq.
13
Tsaynö maki maki arurmi templuta ras allitsayarqan. Tsaynöpam punta kanqannö templu kuyayllapä yapay karqan.
14
Allitsayta ushaskirnam sobraq qellayta reyta y sacerdöti Joiadata entregayarqan. Paykunanam tsay qellaypita manëjukunata ruratsiyarqan. Tsay manëjukunam wakin karqan templuchö Tayta Diosta adorar manijayänanpä y wakinna karqan sacrificiukunata rupatsir manijayänanpä. Tsaykunam karqan cucharonkuna, qoripita väsukuna y qellaypita väsukunapis. Mandaq sacerdöti Joiada kawanqanyaqqa Tayta Diospa templunchö rupatsina kaq sacrificiukunatam imaypis rupatsiyaq.
15
Sacerdöti Joiadaqa pachak kimsa chunka (130) watayuq kaykarmi pasaypa rukuyashqana wanukurqan.
16
Payqa Tayta Dios munanqannö kawarmi Israel runakunata y templutapis alli rikarqan. Tsaypitanam Davidpa Markanchö reykuna pamparäyanqan kaqman pampayarqan.
17
Joiada wanuskiptinnam Judá nacionpa autoridäninkuna rey Joásta alli shimillanpa parlapar llutanta yätsir qallaykuyarqan.
18
Unay castankuna adorayanqan Tayta Diosta templuchö adorayänanpa rantinmi Asera diösapä jawiyanqan raku qerukunata y ïdulukunata adorayarqan. Tsaynö adorayaptinmi Tayta Dios pasaypa rabyarqan.
19
Tsaynö rabyashqa karpis profëtankunatam Tayta Dios mandarqan paykunata willayänanpä. Peru tsaynö willayaptinpis paykunaqa manam cäsuyarqantsu.
20
Tsaymi Tayta Diospa Espïritun tantiyatsiptin sacerdöti Joiadapa tsurin Zacarías juk patakman witsarkur runakunata nirqan: «Tayta Diosmi nin: «¡Imanirtä mandamientükunata cumpliyankitsu! ¡Imanirtä desgraciata qayaykäyanki! ¡Noqata dëjayämanqaykinömi qamkunatapis dëjayäshayki!»
21
Tsaynö niptinmi Zacaríaspa contran shäriyarqan. Rey mandaptinmi Tayta Diospa templun patiuchö saqmar wanutsiyarqan.
22
Tsaynö wanutsiyänanpä mandarmi rey Joás yarparqantsu Zacaríaspa papänin Joiada imanö kuyapanqanta. Tsaynö mal agradecïdu kaptinmi Zacarías wanunanpä kaykarna nirqan: «¡ Tayta Dios, kaynö rurayämanqanpita juzgaykullay!»
23
Tsaypita juk wata päsaskiptinmi Siria soldädukuna Jerusalénta y Judáchö kaykaq wakin markakunata atacayarqan. Judá nacionpa llapan autoridäninkunata wanuskatsirmi imayka tariyanqankunatapis Damascuchö mandaqnin reyman apatsiyarqan.
24
Siria soldädukunaqa wallkalla karpis Tayta Dios yanapaptinmi Judá nacionpa atska soldädunkunata vinciyarqan. Paykunata tsaynö vinciyarqan Judá runakuna unay castankuna yärakuyanqan Tayta Diosta manana cäsukuyanqanpitam. Tsaynöpam Joásta Tayta Dios castigarqan.
25
Judá soldädukunata vinciskirmi Siria soldädukuna aywakuyarqan. Tsay guërrapita kutimur rey Joás antsa ujuraykaptinmi kikinpa yanapaqninkunalla wanuskatsiyarqan. Tsaynö wanutsiyarqan sacerdöti Joiadapa tsurin Zacaríasta wanutsinqanpitam. Tsaypitanam Davidpa Markanman Joásta pampayarqan. Peru manam reykuna pamparäyanqanmanqa pampayarqantsu.
26
Joásta wanutsiqkunam kayarqan amonita warmi Simeatpa wamran Zabad y moabita warmi Simritpa wamran Jozabad.
27
Joáspa tsurinkuna rurayanqanpis, Joáspa contran profëtakuna atska kuti willakuyanqanpis y templuta imanö allitsatsinqanpis llapanmi reykunapa acta librunchö qellqashqa kaykan. Joáspa rantinmi tsurin Amasíasna rey karqan.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36