bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Chronicles 11
2 Chronicles 11
Quechuan QXO (Biblia en Quechua del sur de Conchucos)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 12 →
1
Jerusalénman Roboam kutiykurmi Judá trïbu runakunapita y Benjamín trïbu runakunapita pachak puwaq chunka waranqa (180,000) allin soldädukunata qorirqan rakikaq Israel runakunata poderninman kutitsiyämunanpä.
2
Peru profëta Semaíastam Tayta Dios parlapar nirqan:
3
«Salomónpa tsurin Judá nacionpa mandaqnin rey Roboamta, Judá trïbu runakunata y Benjamín trïbu runakunata willar ninki:
4
«Tayta Diosmi nin: Noqam Israel nacionta ishkay nación kananpä rakirqü. Tsaynö kaykaptinqa ama aywayaytsu Israel mayikikunawan pelyaq. Tsaypa rantinqa cada ünu wayikikunapa kutikuyay». Tayta Diospa willakuqnin tsaynö niptinmi Jeroboamta atacaq aywayänanpa rantin wayinkunapana llapan kutikuyarqan.
5
Jerusalénchö Roboam tärarmi Judáchö wakin markakunata rumiwan murallatsirqan soldädukuna atacaptin amparakur defiendikuyänanpä.
6
Tsay markakunam karqan Belén, Etam, Tecoa,
7
Bet-sur, Soco, Adulam,
8
Gat, Maresa, Zif,
9
Adoraim, Laquis, Azeca,
10
Zora, Ajalón y Hebrón. Tsay murallatsinqan markakunaqa Judá trïbu y Benjamín trïbu runakuna täyanqanchömi karqan.
11
Tsay markakunata shumaq siguraskatsirmi capitankunata tsaychö täpayänanpä churarqan. Tsaynöllam tsay markakunaman mikuykunata, aceitita y vïnuta churatsirqan.
12
Tsaynöllam escüdukunatapis lanzakunatapis tsay markakunaman churatsirqan soldädukuna tsaychö defiendikuyänanpä. Tsaynöpam Judá trïbu y Benjamín trïbu runakuna täyanqan markakuna rey Roboampa poderninchö quëdarqan.
13
Israel nacionchönam tsurinkunawan rey Jeroboamqa sacerdötikunata sacerdöti kayanqanpita qarqurqan. Tsaymi sacerdötikuna y levitakunapis ashma mitsikuyänankunatawan chakrankunata jaqiskir maytsaypita Roboam mandanqan nacionman aywakuyarqan Jerusalénchö y Judá nacionchö kaykaq markakunachöna täyänanpä.
15
Juk casta runakunatana sacerdöti kayänanpä churarmi Jeroboam tsaynö qarqurqan. Tsay sacerdötikunatam markakunachö kaq altarkunachö sacrificiukunata rupatsiyänanpä churarqan. Tsaynöllam sacrificiukunata rupatsiyarqan supaykunapä y ruratsinqan torïtukunapä.
16
Israel nacionpita Jerusalénman sacerdötikuna y levitakuna aywayanqannöllam Tayta Diosman llapan shonqunkunawan yärakuq runakunapis Israel nacionpita Jerusalénman aywakuyarqan unay castankuna yärakuyanqan Tayta Diosta adorar sacrificiukunata rupatsiyänanpä.
17
Tsaynöpam Judá nación mas fuerti tikrarqan. Tsay runakunam Davidnö y Salomónnö Tayta Diosta cäsur kimsa wata Salomónpa tsurin rey Roboampa favornin kayarqan.
18
Roboamqa Jerimotpa warmi tsurin Mahalatwanmi täkurqan. Mahalatpa papänin Jerimotqa Davidpa tsurinmi karqan. Mahalatpa mamanmi Eliabpa tsurin Abihail karqan. Mahalatpa awilunnam Isaí karqan.
19
Warmin Mahalatchömi Roboampa tsurinkuna Jehús, Semarías y Zaham kayarqan.
20
Roboamqa warmin kaykaptinpis Absalónpa warmi tsurin Maacawanmi casararqan. Tsay warminchömi Roboampa tsurinkuna Abías, Atai, Ziza y Selomit kayarqan.
21
Roboampa warminkunam chunka puwaq kayarqan. Tsaynöllam concubïnankunapis joqta chunka (60) kayarqan. Maacatam llapan warminkunapitapis mas kuyarqan. Roboampa ollqu tsurinkunam ishkay chunka puwaq (28) kayarqan. Warmi tsurinkunanam joqta chunka (60) kayarqan.
22
Maacapa wamran Abías rey kananta munarmi Roboamqa wawqinkunapa mandaqnin kananpä payta churarqan.
23
Shumaq yarpachakuskirmi wakin kaq tsurinkunata corralashqa markakunachö autoridä kayänanpä churarqan. Tsay markakunaqa Judá trïbu runakuna y Benjamín trïbu runakuna täyanqanchömi karqan. Tsay markakunamanmi mikuytapis atskata alistaparqan. Tsaynöllam atska warmikunata tsurinkunapä ashirqan.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36