bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Chronicles 30
2 Chronicles 30
Quechuan QXO (Biblia en Quechua del sur de Conchucos)
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 31 →
1
Tsaypitanam Tayta Diospa templunman qorikaykur Pascua fiestata rurayänanpä rey Ezequías entëru Israel nacionman y Judá nacionman willakuqkunata mandarqan. Tsaynöllam tsay fiestaman shayämunanpä Efraín trïbu runakunaman y Manasés trïbu runakunamanpis cartakurqan. Tsay fiestaqa Israel runakunata kuyaq Tayta Diosta adorayänanpämi karqan.
2
Autoridäninkunawan y Jerusalénchö täraq runakunawanmi rey willanakuyarqan ishkay kaq killachö Pascua fiestata rurayänanpä.
3
Wakin sacerdötikuna manarä purificakushqa kayaptin y wakin runakuna Jerusalénman manarä qorikashqa kayaptinmi diyanchöqa Pascua fiestata rurayarqantsu.
4
Qepallatapis Pascua fiestata rurayänanpä willanakurmi rey y llapan runakunapis kushikuyarqan.
5
Tsaypitanam Israel runakunata kuyaq Tayta Diosta adorar Pascua fiestata rurayänanpä willakatsirqan Beersebapita qallaykur hasta Danyaq. Pascua fiestata llapan runakuna rurayänanpä Tayta Dios nishqa kaptinpis atska watanam fiestata pay ninqannö rurayashqatsu kayarqan.
6
Tsaymi rey y autoridäkuna qellqayanqan cartata apakurkur willakuqkuna aywayarqan Israel runakuna y Judá runakuna täyanqan markakunaman. Cartakunata chätsirmi liyipar niyarqan: «Israel runakuna, Asiria nacionpa mandaqnin reykunapa poderninpita qeshpiykarqa Tayta Diosta yapay cäsuyay. Payqa Abraham, Isaac y Israel yärakuyanqan Diosmi. Cäsuyaptikiqa paymi yanapayäshunki.
7
«Unay castantsikkunanö y marka mayintsikkunanöqa Tayta Diospa contran ama shäriyaytsu. Contran shäriyanqanpitam marka mayintsikkunata rikanqantsiknöpis wakinta ushakätsiyänanpä y wakinta prësu apayänanpä Tayta Dios permitirqan.
8
«Unay castaykikunanöqa chukru shonqu ama kayaytsu. Tsaypa rantinqa Tayta Diosta cäsur templunman shayämuy. Tsay templutam Tayta Dios akrarqan tsaychö imaypis tänanpä. Payta cäsur sirviyaptikiqa rabyaynin päsanqam.
9
«Tayta Diosta cäsuyaptikiqa wawqikikunatawan tsurikikunata prësu apaq juklä nación runakunapis kuyaparmi dëjayämunqa nacionnintsikman kutiyämunanpä. Tayta Diosnintsikqa kuyapäkuq y yanapakuqmi. Jutsa rurayta dëjashqam imaypis yanapamäshun».
10
Willakuqkuna tsaynö willarmi Efraín trïbu runakuna y Manasés trïbu runakuna täyanqankunapa marka marka puriyarqan hasta Zabulón trïbu runakuna täyanqanyaq. Willakuyanqanta wiyarmi runakuna asiparnin penqakuyman churayarqan.
11
Tsaynö asipäyaptinpis wakin runakunaqa Tayta Diosta cäsurmi Jerusalénman aywayarqan. Jerusalénman aywaq runakunaqa Aser trïbu runakuna, Manasés trïbu runakuna y Zabulón trïbu runakunam kayarqan.
12
Tsay runakunata Tayta Dios valuratsinqannömi Judá runakunatapis Tayta Dios valuratsirqan mandanqannö Pascua fiestata rurayänanpä. Tsaymi reywan autoridäkuna willakatsiyanqannö
13
ishkay kaq killachö atskaq runakuna Jerusalénman qorikaykur Levadüraynaq Tanta Mikuna fiestata rurayarqan.
14
Pascua fiestata rurar qallaykuyänanpäqa Jerusalénchö ïdulukunapä pirqayanqan altarkunata y inciensiuta qoshnitsiyänan altarkunata Cedrón raqramanmi llapanta jitariyarqan.
15
Wakin kaq levitakuna y sacerdötikuna mana purificakushqa karmi penqakur jinan höra purificakuyarqan. Tsaypitam rupatsina sacrificiukunata rupatsiyänanpä ashmakunata Tayta Diospa templunman apayarqan. Ishkay kaq killa chunka chusku junaqchö Pascua fiesta sacrificiupä apayämunqan üshakunatam pishtayarqan.
16
Üshapa yawarninta altarman tsaqtsuyänanpämi levitakuna y sacerdötikuna Tayta Diosta sirviq Moisés qellqanqan leykunachö ninqannö churanakuyarqan. Tsaymi ashmakunata pishtayllanta yawarninta sacerdötikunata levitakuna makyayarqan. Sacerdötikunanam tsay yawarwan altarpa lädunkunata tsaqtsuyarqan.
17
Ashmakunata apamuq runakunaqa wakin manarämi purificakushqarätsu kayarqan. Tsaymi Pascua sacrificiupä paykuna apayämunqan ashmakunata levitakunana pishtayarqan. Tsaynöpam ashmata apamuq runakuna Tayta Diospä consagrädu kayarqan.
18
Manarä purificakuq runakunaqa Efraín trïbupita, Manasés trïbupita, Isacar trïbupita y Zabulón trïbupitam kayarqan. Mana purificakushqa karpis Pascua mikuyta mikuyaptinmi rey Ezequías Tayta Diosta mañakur nirqan: «Tayta Dios, qamqa allillatam ruranki. Kay runakuna llapan shonqunkunawanmi ninqaykita cäsur Pascua fiestata ruraykäyan. Tsaynö kaykaptinqa mana purificakuypa Pascua mikuyta mikuyanqanpita paykunata perdonaykullay.
19
Qamqa kanki unay castäkuna yärakuyanqan Tayta Diosmi. Tsaynöllam nirqayki purificakuskirrä Pascua mikuyta mikuyänäpä kanqanta. Taytay, tsaynö nishqa karpis perdonaykullay».
20
Rey Ezequías tsaynö rugaptinmi runakunata Tayta Dios perdonarqan.
21
Jerusalénman qorikaq Israel runakunaqa pasaypa kushikurmi Levadüraynaq Tanta Mikuna fiestata qanchis junaq rurayarqan. Sacerdötikuna y levitakunam instrumentuta tukarnin qoyay qoyay cantar Tayta Diosta alabayarqan.
22
Instrumentukunata tukar Tayta Diosta kushishqa alabayanqanpitam rey Ezequíasqa levitakunata felicitarqan. Unay castankuna yärakuyanqan Tayta Diosta adorar y alli päsakuy sacrificiukunata rurarmi qanchis junaq fiestata rurar mikuyarqan.
23
Tsaypita llapan runakuna willanakuskirmi mas juk semäna fiestata pasaypa kushishqa rurayarqan.
24
Judá nacionpa mandaqnin rey Ezequíasmi tsay fiestapä churarqan waranqa (1,000) torïtukunata y qanchis waranqa (7,000) üshakunata y cabrakunata. Tsaynöllam autoridäkunapis churayarqan waranqa (1,000) torïtukunata y chunka waranqa (10,000) üshakunata y cabrakunata. Tsay fiestachöqa atska sacerdötikunam purificakuyarqan.
25
Tsay fiestachömi llapan Judá runakuna kushikuyarqan. Tsaynöllam kushikuyarqan sacerdötikuna, levitakuna, Israelpita shamuq runakuna, jukläpita shamuq jäpa runakuna y Judáchö täraq jäpa runakunapis.
26
Davidpa tsurin Salomón rey kaykar fiestata ruranqanpita Jerusalénchöqa fiestata manam tsaynö rurayarqantsu. Tsaymi tsay fiestata rurar llapan runakuna pasaypa kushikuyarqan.
27
Fiesta ushaynam sacerdötikuna y levitakuna ichirkur Tayta Diosta mañakuyarqan runakunata bendisananpä. Tsaynö mañakuyaptinmi täkunqan ciëlupita Israel runakunata Tayta Dios bendisarqan.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36