bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Chronicles 20
2 Chronicles 20
Quechuan QXO (Biblia en Quechua del sur de Conchucos)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
1
Tsaypita juk tiempu päsaskiptinnam moabita, amonita y meunita runakuna willanakuskir Josafatta atacayänanpä aywayarqan.
2
Tsaynö aywaykäyanqanta rikaykurmi rey Josafat kaqman aywayarqan willayänanpä. Chaykurmi niyarqan: «Kachi Lamar wak tsimpan Edompitam atskaq soldädukuna shamuykäyan atacayäshunaykipä. ¡Paykunaqa Hazezon-tamarchönam kaykäyan!» (Hazezon-tamarqa En-gadi niyanqan partillam kaykan.)
3
Tsaymi Josafat pasaypa mantsarir Tayta Diosta mañakurqan yanapananpä. Tsaynöllam llapan Judá runakunaman willakatsirqan ayunayänanpä.
4
Tsaymi Judá nacionchö kaykaq llapan markakunapita Jerusalénman runakuna qorikäyarqan Tayta Diosta mañakuyänanpä.
5
Llapan Judá runakuna qorikaskiyaptinmi Tayta Diospa templunchö kaykaq mushuq patiu yaykunaman ichiykur Josafat
6
Tayta Diosta mañakur nirqan: «Unay castäkuna yärakuyanqan Tayta Dios, ciëlutapis y kay patsachö kaq llapan nacionkunatapis qamllam podernikichö tsararanki. Llapanpä poderösu kaptikim michäshunaykipä ni pipapis valornin kantsu.
7
«Tayta Diosllä, unay castäkuna kay nacionchö täyänanpä kikikim kaychö täraq unay runakunata qarqurquyki. Tsaypitam amïguyki Abrahampita miraq kayaptï imayyaqpis kaychö täyänäpä churayämarquyki.
8
«Unay castäkuna kay nacionchö tarnam qamta adorayäshunaykipä kay templutapis shäritsiyarqan. Tsaypitanam niyäshurqayki:
9
«Ima desgraciapis chämuptin, atacayämänanpä runakuna shamuptin, qeshya o hambrüna kaptin kay täkunqayki templuman shamuykur mañakayämuptï wiyayämar salvaykayällämay».
10
«Egiptupita yarqayämuptinmi unay castäkunata nirqayki amonita y moabita runakuna täyanqanman y Seir jallqakuna kinran täraq runakuna täranqanmanpis mana yaykuyänanpä. Tsaymi ninqaykinölla juk nänipa päsar paykunata ushakätsiyarqantsu.
11
Tsaynö alli rikaykäyaptïmi paykunapita miraqkuna churayämanqayki nacionpita qarqayämänanpä shamuykäyan.
12
«Tayta Diosllä, paykunata castigaykullay. Atska soldädukuna shamur atacayämaptin manam pärapuytapis puëdiyäshätsu. Manam ima ruraytapis puëdiyätsu. Tsaymi qamllaman yärakamur mañakayämü».
13
Llapan Judá runakunam warmintin wamrankunantin Tayta Diospa puntanchö ichiraykäyarqan.
14
Tsaychömi Benaíapa willkan y Zacaríaspa tsurin Jahazielpis kaykarqan. Jahazielpa awilun Benaíaqa Jeielpa tsurin y Mataníaspa willkanmi karqan. Paykunaqa Leví trïbu Asafpita miraq runakunam kayarqan. Jahazielmi Tayta Diospa Espïritun parlatsiptin
15
nirqan: «Rey Josafat, Jerusalénchö täraq runakuna y Judá nación wakin markakunachö täraq runakunapis, shumaq wiyayämay. Tayta Diosmi nin: «Ama mantsariyaytsu ni llakikuyaytsu atska soldädukuna shamuykäyanqanta musyar. Kay guërrachöqa manam qamkunatsu pelyayanki, sinöqa kikïmi pelyashä.
16
«Waray junaq uräyay paykunata atacayänaykipä. Contraykikunaqa Sis cuestapam witsäyämunqa. Paykunawanmi tinkuyanki Jeruel desiertuman chaq raqra lädunchö.
17
Qamkunapa trokikikunam paykunawan noqa pelyashä. Tsaynö kaykaptinqa contraykikuna kanqan kaqman chaykur ama atacayankitsu, sinöqa imanö salvanqäta rikayänaykipä churakäyanki. Jerusalénchö y Judáchö täraq runakuna, ama mantsariyaytsu ni llakikuyaytsu. Qamkunawan kaykaptïqa paykunata pärapuyänaykipä waray aywayay».
18
Tsaynö niptinmi rey Josafat y tsaychö kaykaq llapan runakunapis patsaman lätaykur Tayta Diosta adorayarqan.
19
Coatpita y Corépita miraq levitakunam ichiykur Israel runakunata kuyaq Tayta Diosta llapan shonqunkunawan jinchipa alabayarqan.
20
Waraynin wäraynam tsaka tsakalla Tecoa desiertupa aywayänanpä llapan qorikäyarqan. Yarquyänanpäna kaykaptinmi rey Josafat nirqan: «Jerusalénchö y Judáchö täraq runakuna, Tayta Diosnillantsikman yärakushqaqa salvamäshunmi. Profëtakuna niyanqanta criyishqaqa manam imapis päsamäshuntsu».
21
Runakunawan willanakuskirmi Tayta Diosta alabayänanpä cantaqkunata Josafat churarqan. Tsay cantaqkunam sagrädu röpankunata jatikurkur Tayta Diosta alabaraykar soldädukunapa puntanta aywayarqan. Cantarmi niyarqan: «¡Allillata ruraq kanqanpita Tayta Diosta agradëcikuyay! ¡Kuyakuq kayninqa imaypis manam ushakantsu!»
22
Alabayta qallayanqan höram amonita runakunata, moabita runakunata y Seir jallqakunachö täraq runakunata Tayta Dios pantakätsirqan kikinkunapura wanutsinakuyänanpä.
23
Tsaymi Seir jallqakunapita aywaq runakunapa contran shärir amonita runakuna y moabita runakuna chipyaq wanutsiyarqan. Tsaypitanam kikinkunapura atacanakur wanutsinakuyarqan.
24
Judá runakuna rikachakuna törriman charmi rikayarqan contrankunapa ayankuna desiertuchö jitaraykaqta. Manam ni jukllayllapis kawaykar quëdayarqantsu.
25
Josafatnam llapan runakunawan aywayarqan contrankunapa imaykankunatapis qoriyämunanpä. Chaykurnam tariyarqan atska ashmakunata, armakunata, röpakunata y chanin cuestaq alhäjakunata. Llapan tariyanqantam kikinkunapä qorikuyarqan. Imaykapis atska kaptinmi kimsa junaqtarä qoriyta ushayarqan.
26
Tsaypita chusku kaq junaqchömi juk pampaman qorikar Tayta Diosta alabayarqan. Tsay pampatam jutitsiyarqan Beraca jutin kananpä. Kananyaqpis tsay jutillam kaykan.
27
Contrankunapita Tayta Dios salvashqa kaptinmi Jerusalénchö y Judáchö täraq runakunata pushakurkur rey Josafat Jerusalénman kushishqa kutikurqan.
28
Jerusalénman chaykurmi salteriukunata, arpakunata y cornëtakunata tukaraykar Tayta Diospa templunman aywayarqan.
29
Israel runakunapa contrankunawan Tayta Dios pelyanqanta musyaskirmi maytsay nacionkunachö täraq runakuna pasaypa mantsariyarqan.
30
Cercan nacionchö täraq runakunawan alli kawayänanpä Tayta Dios yanapaptinmi rey Josafat mandanqan nacionchö tranquïlu kawayarqan.
31
Josafat kimsa chunka pitsqa (35) watayuq kaykarmi Judá nacionchö rey kayta qallaykurqan. Payqa ishkay chunka pitsqa (25) watam Jerusalénpita mandarqan. Mamanmi Silhipa tsurin Azuba karqan.
32
Josafatqa papänin Asanöllam Tayta Dios munanqannö kawarqan.
33
Tsaynö kaptinpis Judáchö täraq runakunaqa unay castankuna yärakuyanqan Tayta Diosta mana cäsurmi markakunachö kaq altarkunata juchutsiyarqantsu.
34
Josafat ruranqankunaqa qallanqanpita ushanqanyaqmi Jehúpa tsurin Hanani qellqanqanchö qellqashqa kaykan. Tsay qellqanqankunam Israel reykunapa acta librunchömi kaykan.
35
Guërrachö vincinqanpita qepatanam Judá nacionpa mandaqnin rey Josafat Israel nacionpa mandaqnin rey Ocozíaswan yanapanakuyänanpä willanakuyarqan. Ocozíasqa pasaypa jutsa ruraq runam karqan.
36
Paywan Josafat willanakurmi Tarsisman aywayänanpä büquikunata Ezión-geberchö ruratsiyarqan.
37
Maresa runa Dodavapa tsurin Eliezermi Tayta Dios ninqanta willar Josafatta nirqan: «Yanapanakuyänaykipä Ocozíaswan willanakuyanqaykipitam büqui ruratsiyanqaykita Tayta Dios ushakätsinqa». Ninqannöllam büquinkuna chipyaq pakir ushakaptin Tarsismanpis aywayarqannatsu.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36