bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Chronicles 35
2 Chronicles 35
Quechuan QXO (Biblia en Quechua del sur de Conchucos)
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
1
Tsaypitanam rey Josías nirqan Tayta Diosta adorar Pascua fiestata Jerusalénchö rurayänanpä. Tsaymi mushuq wata qallaykunan killa chunka chusku junaqchö Pascua fiestata rurar carnishkunata pishtayarqan.
2
Rey Josías Pascua fiestata manarä rurarmi sacerdötikunata churarqan Tayta Diospa templunchö aruyänanpä. Tsaypitam paykunata parlaparqan mana qelanaypa tsaychö sirviyänanpä.
3
Israel runakunata yachatsiq kayaptin y Tayta Diospä santu kayaptinmi levitakunatapis Josías nirqan: «Amana sagrädu babulta umrushqa puritsiyaynatsu. Tsaypa rantinqa Davidpa tsurin rey Salomón shäritsinqan templuman churayay. Kananpitaqa Tayta Diosnintsikta y kuyanqan Israel runakunata templuchö sirviyay.
4
«Tsaynö kaykaptinqa Israel nacionnintsikpa mandaqnin rey David y tsurin Salomón qellqayanqanchö ninqannö castanpa castanpa churanakuyay templuchö trocanakuypa aruyänaykipä.
5
Castaykita turnu töcaptin shuyäyänaykipä llapayki templuman aywayay. Tsaynöpam Israel mayikikuna castanpa castanpa shayämuptin töcayäshunqayki kaq castakunata atiendiyanki.
6
Tsaynö kaykaptinqa ras purificakuskir Pascua fiestapä apayämunqan carnishkunata pishtayay. Tayta Dios mandanqanta Moisés qellqanqannö Pascua fiestata runakuna cumpliyänanpä llapanta alistapäyay».
7
Pascua fiestapämi rey Josías kikinpa ashmankunapita alistaparqan kimsa chunka waranqa (30,000) üshakunata y cabrakunata. Tsaynöllam alistaparqan kimsa waranqa (3,000) torïtukunatapis.
8
Tsaynöllam reyta mandar yanapaqninkunapis y Tayta Diospa templunchö aruqkunapa mandaqninkunapis kikinkunapa voluntäninkunapita Pascua fiestapä ashmakunata alistapäyarqan. Tayta Diospa templunchö aruqkunapa mandaqninkunam Hilcías, Zacarías y Jehiel kayarqan. Paykunam alistapäyarqan ishkay waranqa joqta pachak (2,600) üshakunata y cabrakunata y kimsa pachak (300) torïtukunata. Tsay alistapäyanqan ashmakunam wakin karqan sacerdötikunapä y levitakunapä y wakinna común runakunapä.
9
Conanías y aruq mayinkuna Semaías y Natanaelpis alistapäyarqanmi ashmakunata. Tsaynöllam ashmakunata alistapäyarqan levitakunapa mandaqninkuna Hasabías, Jeiel y Josabadpis. Paykuna alistapäyanqan ashmakunam karqan pitsqa waranqa (5,000) üshakuna cabrakuna y pitsqa pachak (500) torïtukuna.
10
Llapanpis alistashqa kaptinmi aruyänanpä sitiunkunaman sacerdötikuna churanakuyarqan. Levitakunapis rey ninqannö cada castapa turnun chämuptinmi aruyänanpä churanakuyarqan.
11
Pascua fiestapä ashmakunata pishtarmi levitakuna yawarta sacerdötikunata makyarqan. Paykunanam chaskiyanqan yawarwan altarta tsaqtsuyarqan.
12
Tsaypitanam levitakuna pishtayanqan ashmakunapa wirankunata jipiskir runakunata castanpa castanpa entregayarqan. Chaskiskirnam Moisés qellqanqanchö ninqannölla Tayta Diospä rupatsiyarqan. Törukunata pishtarpis tsaynöllam rurayarqan.
13
Tsaymi mandamientuchö ninqannölla Pascua fiestata rurar mikuyänanpä levitakuna aytsata kankayarqan. Sagrädu kaq aytsatam mankawan, caserölawan y sartinwan ankaskir llapan runakunata ras qarayarqan.
14
Rupatsina sacrificiukunata y ashmakunapa wiranta altarchö patsa tsakanqanyaq sacerdötikuna rupatsiyaptinmi tiempu karqantsu kusinakuyänanpä. Tsaymi Aarónpita miraq sacerdötikunapä y kikinkunapä levitakuna kusinakuyarqan.
15
David, Asaf, Hemán y Jedutún niyanqannömi Asafpita miraq cantaqkunapis cantayarqan. (Jedutúnqa Tayta Dios revelanqankunata reyta tantiyatsiqmi karqan.) Tsaynöllam punku cuidaqkunapis mana dëjaypa punkunta cuidayarqan. Tsaynö cantar y punkuta cuidar tiempun mana kaptinmi levita mayinkuna paykunapäpis mikuyänanpä kaq derëchunta apayarqan.
16
Rey Josías ninqannöllam tsay junaq Pascua fiestata rurar Tayta Diospa altarninchö rupatsina sacrificiukunata rupatsiyarqan.
17
Pascua fiestata ruraskirmi tsaychö kaykaq llapan Israel runakuna Levadüraynaq Tanta Mikuna fiestatapis qanchis junaq rurayarqan.
18
Josíasqa Pascua fiestata rurarqan sacerdötikunawan, levitakunawan, Jerusalénchö täraq runakunawan y entëru Judápita y Israelpita shamuq runakunawanmi. Profëta Samuel kawanqan witsanpita Israel runakuna manam imaypis tsaynöqa Pascua fiestata rurayarqantsu. Rey Josías Pascua fiestata ruranqannöqa Israel nacionchö ni mayqan reypis manam fiestata rurarqantsu.
19
Tsay Pascua fiestata rurayarqan Josías chunka puwaq wata rey kaykaptinmi.
20
Tayta Diospa templunta Josías allitsatsiyta ushanqanchönam Egipto nacionpa mandaqnin rey Necao Carquemischö guërrata rurananpä Éufrates mayuman soldädunkunawan aywarqan. Tsayman aywar Israel nacionpa päsaptinmi Josías payta atacananpä soldädunkunawan aywarqan.
21
Tsaymi Necao willakuqkunata mandarqan niyänanpä: «Judá nacionpa mandaqnin rey, ama wajupämaytsu. Manam qamwan pelyaqtsu shamurqü, sinöqa juk nacionwan pelyanäpämi aywaykä. Tsayman ras aywanäpämi Tayta Dios mandaykäman. Atacamarqa Tayta Diospa contran shärinqaykipitam wanunki».
22
Necaowan Tayta Dios willakatsishqa kaykaptinpis Josíasqa manam kutikurqantsu, sinöqa soldädunkunawanmi Egipto runakunata Meguido pampachö atacarqan.
23
Tsaychö atacanakur flëchawan flëchaq soldädukuna Josíasta flëchaskiyaptinmi rey Josías capitanninkunata nirqan: «Flëchaskayämashqam. Kaypita ras jipiyämay».
24
Tsaymi carrëtanpita capitankuna jipiskir juk carrëtawan Jerusalénman apayarqan. Tsaychö wanuskiptinmi unay castankuna pamparanqan kaqman pampayarqan. Josíaspämi Jerusalénchö täraq runakuna y Judáchö täraq runakunapis lütur pasaypa waqayarqan.
25
Josías wanuskiptinmi Jeremías juk cantuta inventarqan pampay höra cantayänanpä. Tsaymi kananyaqpis warmipis ollqupis tsay cantuta cantar Josías wanunqanta yarpäyan. Paykuna cantayanqankunam cantukuna libruchö qellqashqa kaykan.
26
Josías ruranqankuna y Tayta Diospa leyninkunata cäsunqankuna
27
qallanqanpita ushanqanyaq llapanmi Israel nacionpa y Judá nacionpa mandaqnin reykunapa acta librunchö qellqashqa kaykan.
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36