bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Chronicles 2
2 Chronicles 2
Quechuan QXO (Biblia en Quechua del sur de Conchucos)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 3 →
1
Tayta Diospa templunta y kikinpa palaciunta shäritsir qallaykuyänanpämi Salomónqa
2
qanchis chunka waranqa (70,000) runakunata churarqan imatapis ashtayänanpä. Tsaynöllam puwaq chunka waranqa (80,000) runakunata churarqan jallqachö rumita llaqllayämunanpä y kimsa waranqa joqta pachak (3,600) runakunatanam churarqan capatazninkuna kayänanpä.
3
Tsaypitanam Tiro nacionpa mandaqnin rey Hiramman runakunata Salomón mandarqan. Paykuna chaykurmi niyarqan: «Rey Salomónmi nin: «Papänï David palaciunta shäritsinanpä qeruta apatsimunqaykinö noqapäpis cedru qerukunata apaykatsillämuy.
4
Tsay qerukunatam munä Tayta Diosnïpa wayinta shäritsinäpä. Tsay wayichömi payta adorar mushkuq inciensiuta rupatsiyäshä y sagrädu tantatapis fïlayllanpa churayäshä. Wäraypa y tardipa rupatsina kaq sacrificiutapis tsaychömi rupatsiyäshä. Tsaynöllam rupatsiyäshä jamay junaqkunachö, llullu killa fiestakunachö y Tayta Diospa wakin fiestankunachöpis. Tsay fiestakunata imaypis rurayänäpämi Tayta Dios nirqan.
5
«Tayta Diosnintsik ima diospitapis mas poderösu kaptinmi wayintapis jatunta y kuyayllapäta ruratsishä.
6
Ciëlu tsayläya jatun kaykarpis Tayta Dios tänanpä mana aypaykaptinqa ¡ima tamäñutarä wayinta shäritsishä! Tsaynö kaykaptinqa noqa ¡pitä kä wayinta shäritsinäpä! Peru imanö kaptinpis puntanchö inciensiuta qoshnitsiyänalläpäpis shäritsishämi.
7
«Tsaymi qamta rugä imayka ruray yachaq runata mandamunaykipä. Payqa qoripita, qellaypita, broncipita, fiërrupita, granäti tëlapita, puka tëlapita y azul tëlapita imaykatapis rurayta yachaq katsun. Tsaynöllam imaykatapis dibujayta yachaq katsun. Tsay runam kay Judáchö y Jerusalénchö kaq peonnïkunawan yanapanakur llapanta rurayanqa. Tsay peonnïkunataqa papänï Davidmi unayna minkakurqan.
8
«Markaykichö täraq runakuna qeru mutuyta allim yachayan. Paykunawan Líbanupita cedru qerukunata, ciprés qerukunata y sándalo qerukunata mututsipaykallämay. Qeru mutuqkunata yanapayänanpämi peonnïkunata mandamushä.
9
Tayta Diospa templun jatun y kuyayllapä kananpä kaykaptinqa atskatam qerukunata munashä.
10
Qeru mutuqkuna mikuyänanpämi apatsimushä chusku millón chusku pachak waranqa (4'400,000) kïlu trïguta, chusku millón chusku pachak waranqa kïlu cebädata, chusku pachak chusku chunka waranqa (440,000) litru vïnuta y chusku pachak chusku chunka waranqa litru olïvus aceitita».
11
Tsaymi Tiro nacionpa mandaqnin rey Hiram Salomónman cartakur nirqan: «Israel runakunata kuyar Tayta Dios allim churashurquyki rey kanaykipä».
12
Mastam tsay cartanchö rey Hiram nirqan: «Kay patsata y ciëluta kamaq Tayta Dios alabashqa kaykullätsun. Israel runakunata kuyaq Dios karmi rey Davidpa tsurin kaptiki yanapaykäshunki shumaq yachaq, tantiyakuq y yarpachakuq kanaykipä. Tsaynö tantiyaq karmi Tayta Diospa templunta y kikikipa palaciuykitapis shumaq shäritsinki.
13
«Tsaymi kanan mandaykämü Hiram-abita. Payqa imaykata rurananpäpis habilösum.
14
Paypa mamanqa Dan trïbupitam y papäninnam Tiro markapita. Payqa imayka aruytapis yachanmi. Tsaymi qoripita, yuraq qellaypita, broncipita, fiërrupita, rumipita, qerupita, granäti tëlapita, azul tëlapita, lïnu tëlapita y puka tëlapita imaykatapis rurayta yachan. Munanqaykinömi imaykatapis dibujapäshunki. Papäniki David minkakunqan runakunawanmi pay arunqa.
15
«Taytay, apatsimunaykipä ninqaykinölla trïguta, cebädata, olïvus aceitita y vïnutapis apaykatsillämuy.
16
Aykatapis munanqaykitam Líbanupita cedru qerukunata mututsimushä. Lamar kuchunman chaykatsirmi tsay qerukunata watarkur balsatanö yakullapa Jope markayaq apatsimushä. Tsaypitanam Jerusalénman ashtatsikunki».
17
Papänin rey David censatsinqannömi Salomónpis Israel nacionchö täraq jäpa runakunata censatsirqan. Censatsirmi musyarqan pachak pitsqa chunka kimsa waranqa joqta pachak (153,600) jäpa runakuna Israelchö täyanqanta.
18
Tsay runakunapitam qanchis chunka waranqa (70,000) runakunata churarqan alistayllanta ashtayänanpä, puwaq chunka waranqa (80,000) runakunatanam churarqan jallqachö rumita llaqllayänanpä y kimsa waranqa joqta pachak (3,600) runakunatanam churarqan capatazninkuna kayänanpä.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36