bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Chronicles 3
2 Chronicles 3
Quechuan QXO (Biblia en Quechua del sur de Conchucos)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 4 →
1
Jerusalénchö kaykaq Moriah jirkanchömi Tayta Diospa templunta rey Salomón shäritsirqan. Tsay jirkanchömi jebuseo runa Ornánpa ëran karqan. Tsay ërachö Tayta Dios yuripunqanpitam templuta tsaychö shäritsinanpä rey David rantirqan.
2
Salomón chusku wata rey kaykarmi ishkay kaq killachö y ishkay kaq junaqchö templuta arutsir qallaykatsirqan.
3
Templuta ruratsirqan ishkay chunka qanchis (27) metru larguta y anchuntana ruratsirqan isqun metruta.
4
Templupa anchun isqun metru kanqannöllam templu yaykuna lädupa kaykaq punkunpapis anchun isqun metru karqan. Tsaynöllam altunpis isqun metru karqan. Punkutam qoriwan chipyaq enchapatsirqan.
5
Templupa jatun kaq cuartuntanam ciprés tablakunawan entablatsirqan. Tsay tablakuna jananpam mas allin kaq qoriwan enchapatsir dibujatsirqan palmërakunata y cadënakunata.
6
Tsaypitam tsay cuartuta kuyayllapä rumikunawan adornatsirqan. Enchapatsinanpämi allin kaq qorita Parvaim partipita apatsimurqan.
7
Tsay qoriwanmi terrädukunata, numbralkunata, paredkunata, punkukunata y templu rurinchö kaqta llapanta enchapatsirqan. Paredmanmi querubinkunapa reträtuntapis dibujatsirqan.
8
Templupa rurin kaq cuartutam Lugar Santïsimu kananpä ruratsirqan. Jatun kaq cuartupa anchun isqun metru kanqannöllam Lugar Santïsimupa anchunpis isqun metru karqan. Tsaynöllam largunpis isqun metru karqan. Lugar Santïsimuta ishkay chunka waranqa (20,000) kïlu mas allin kaq qoriwanmi enchapatsirqan.
9
Tsaypämi qori clävukuna karqan. Cada clävum mediu kïlu masllan pësarqan. Altuschö kaykaq cuartukunatapis qoriwanmi llapanta enchapatsirqan.
10
Lugar Santïsimu rurinmanmi ishkay querubinkunata qerupita ruraskatsir ichïtsirqan. Tsay querubinkunatapis qoriwanmi enchapatsirqan.
11
Juk querubinpa älanmi pirqaman töparqan y jukaq älannam jukaq querubinpa älanman töparqan. Juk querubinpa älanpa puntanpita hasta jukaq querubinpa älanpa puntanyaqmi isqun metru karqan. Cada älanpa largunmi ishkay metru juk cuarta mas karqan.
12
Jukaq querubinpa älankunapis tsay tamäñullam karqan. Tsaymi juk älan töparqan jukaq kaq pirqaman y jukaq älannam töparqan jukaq querubinpa älanman.
13
Tsay querubinkunaqa punku lädupa tikrashqam ichiraykäyarqan. Juk querubinpa älanpa puntanpita hasta jukaq querubinpa älanpa puntanyaqmi isqun metru karqan.
14
Lugar Santupita Lugar Santïsimuman cortïna tsaparänanpämi awatsirqan azul, granäti y puka millwa jïluwan y llanulla putskashqa lïnu jïluwan. Tsay cortïna jananmanmi querubinkunata bordayarqan.
15
Templupa punkunchö ichiränanpämi ishkay jatusaq paradorkunata Salomón ruratsirqan. Cada paradorpa largunmi chunka joqta metrunö karqan. Parador puntanchö kananpämi adornuntapis ruratsirqan ishkay metru juk cuarta altuta.
16
Cadënatapis tukupa ñawintanö ruraskatsirmi tsay paradorkuna puntanchö kaykaq capitelkunaman warkutsirqan. Tsaypitam pachak (100) granadïlla frütakunatanö ruraskatsir cadënakunaman warkurqan.
17
Tsay paradorkunatam templupa punkuman ichïtsirqan jukta derëcha kaq lädunman y jukaqtana itsuq kaq lädunman. Derëcha kaq läduchö ichiraqtam jutitsirqan Jaquín jutin kananpä y itsuq kaq läduchö ichiraqtam jutitsirqan Boaz jutin kananpä.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36