bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Chronicles 8
2 Chronicles 8
Quechuan QXO (Biblia en Quechua del sur de Conchucos)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 9 →
1
Tayta Diospa templunta y rey täkunan palaciuta ishkay chunka (20) watachörämi Salomón shäritsiyta usharqan.
2
Tsaypitanam Hiram entreganqan markakunatapis allitsaskatsir Israel mayinkuna täyänanpä tsayman churarqan.
3
Tsaypitanam soldädunkunata pushakurkur aywar Soba nacionchö Hamat markata atacarqan. Paykunata vinciskirnam tsay markata qechurqan.
4
Tsaypitanam desiertuchö Tadmor markatapis allitsatsirqan. Tsaynöllam Hamat partichö mikuy churakuna markakunatapis allitsatsirqan.
5
Tsaynöllam jana kaq Bet-horónta y ura kaq Bet-horóntapis allitsatsirqan. Tsay markakunata murallaskatsirmi punkunkunatapis cerröjuyuqta churatsirqan.
6
Tsaynöllam allitsatsirqan Baalat markata, mikuy churakunan markakunata, guërra carrëta churakunan wayikunata y caballun muntashqa aywaq soldädukunapa cuartelninkunatapis. Tsaynöllam llapan yarpanqanta ruratsirqan Jerusalénchö, Líbanuchö y maytsaychöpis mandanqan kaqchöqa.
7
Tsay witsan Israel nacionchö taykäyarqanrämi amorreo runakuna, heteo runakuna, ferezeo runakuna, heveo runakuna y jebuseo runakunapis. Paykunaqa manam Israel runakunatsu kayarqan.
8
Tsay runakunapa unay castankunataqa nacionninman yaykur Israel runakuna manam wanutsiyarqantsu. Tsaynöpam tsay runakunapita miraqkuna Israel nacionchö kayaptinrä Salomón churarqan faenakunachö aruyänanpä. Kananyaqpis tsaynöllam paykunaqa faenakunachö aruyan.
9
Peru Israel runakunatam sïqa obligarqantsu faenachö aruyänanpä. Tsaypa rantinmi paykunata churarqan soldädukuna, capitankuna, carrëta manijaq soldädukuna y caballun muntashqa aywaq soldädukuna kayänanpä.
10
Salomónpa aruqninkunapa capatazninkunam ishkay pachak pitsqa chunka (250) karqan. Paykunam faenachö aruqkunata controlayaq.
11
Faraónpa warmi tsurin Davidpa Markanchö taykaptinmi Salomón nirqan: «Tayta Diospa babulnin Israel nacionpa mandaqnin rey Davidpa wayinman yaykatsishqa kaptinmi tsay cuartukuna sagräduna kaykan. Tsaymi tsay wayichö warmï täranmantsu». Tsaynö nirmi tsay warminta ruratsinqan juklä palaciuman Salomón aparqan.
12
Tayta Diospä ruratsinqan altarchömi rupatsina sacrificiukunata Salomón rupatsiq. Tsay altarqa templupa punkun frentinchömi karqan.
13
Mayqan junaqkunachö rupatsiyänanpä Moisés qellqanqan leykuna ninqannöllam tsay sacrificiukunata Salomón cada vezlla rupatsiq. Tsaymi rupatsirqan jamay junaqkunachö, llullu killa fiestakunachö y cada wata kimsa fiestata rurayanqanchöpis. Tsay fiestakunam karqan Levadüraynaq Tanta Mikuna fiesta, Semäna fiesta y Ramäda fiesta.
14
Papänin David ninqannöllam trocanakuypa aruyänanpä sacerdötikunata Salomón churarqan. Tsaynöllam levitakunatapis churarqan trocanakuypa Tayta Diosta alabayänanpä y sacerdötikunata cada junaq yanapayänanpä. Templu punkukunachö trocanakuypa cuidayänanpämi punku cuidaqkunatapis churarqan. Tsaynömi llapantapis Tayta Diospa sirviqnin David mandanqannölla churarqan.
15
Tsaymi rey David ninqannölla sacerdötikunapis, levitakunapis y tesöruta churaränan cuartukunata cuidaqkunapis llapanta rurayarqan.
16
Templupa cimientunta ruratsir qallanqanpita hasta templuta shäritsiyta ushanqanyaqmi llapantapis rurananpä kanqantanölla Salomón ruratsirqan. Tsaynöpam Tayta Diospa templun kuyayllapä karqan.
17
Tsaypitanam Salomónqa Ezión-geber markaman y Elot markaman büquikunata ruratsinanpä aywarqan. Tsay markakunaqa Edom nacionchö kaykaq lamar kuchunchömi kaykäyan.
18
Payta yanapayänanpämi rey Hiram tsayman mandarqan büquikunata y büqui manijay yachaq capitankunata. Tsaynöpam tsay runakuna Salomónpa capitanninkunawan juntu lamarpa aywarnin Ofirman chäyarqan. Ofirpitam chunka pitsqa waranqa (15,000) kïlu qorita Salomónpä apayämurqan.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36