bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Chronicles 13
2 Chronicles 13
Quechuan QXO (Biblia en Quechua del sur de Conchucos)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 14 →
1
Jeroboam chunka puwaq wata Israel nacionchö rey kaykaptinmi Judá nacionchö Abías rey kayta qallaykurqan.
2
Jerusalénchö kimsa watam rey karqan. Mamanmi Gabaapita Urielpa tsurin Micaías karqan. Jeroboamwan Abíasmi guërrata rurayarqan.
3
Tsaymi rey Abías pelyaq aywananpä chusku pachak waranqa (400,000) allish chölu runakunata qorirqan. Rey Jeroboamnam rey Abíaswan pelyaq aywananpä puwaq pachak waranqa (800,000) allish chölu runakunata qorirqan.
4
Tsaymi Efraín jallqakunaman paykunawan chaykur Zemaraim jirkaman witsarkur Abías qayakurqan: «¡Llapayki Israel runakuna y Jeroboam, wiyayämay!
5
Qamkuna ¿manaku musyayanki David y paypita miraqkuna Israel nacionchö imayyaqpis rey kayänanpä Tayta Dios pactuta rurar awninqanta? Awninqantaqa imaypis cumplinqam.
6
«Peru tsaynö kaykaptinpis mana cäsuypam Nabatpa tsurin Jeroboam reypa contran shärirqan. Jeroboamqa Davidpa tsurin Salomónpa sirviqnin kaykarmi tsaynö rurarqan.
7
Contran shärirmi qela runakunawan y lïsu runakunawan Jeroboam qorikarqan. Salomónpa tsurin rey Roboam jövinllarä kar shumaq mana yarpachakurmi michaytapis puëdirqantsu.
8
«Davidpita miraqkunarämi Tayta Diospa mandakuyninchö rey kaykäyan. Tsaynö kaptinpis qamkunaqa atskaq kayanqaykiman yärakur y Jeroboam ruratsinqan qori torïtu diosnikikunaman yärakurmi paypa contran shäriykäyanki.
9
«Qamkunaqa Aarónpita miraq sacerdötikunatam Tayta Dios churashqa kaykaptinpis markaykikunapita qarquyarquyki. Tsaynöllam Leví trïbu wakin runakunatapis qarquyarquyki. Tsaypitam wakin nación runakunanölla pipis juk torïtuta y qanchis carnërukunata apamuptin churaykäyanki diosnikikunata sirviq sacerdöti kayänanpä. Tsay diosnikikunaqa manam rasunpatsu Dios kaykan.
10
«Peru noqakunam sïqa Tayta Diosnintsik ninqanta cumplir dëjayätsu. Payta sirviq sacerdötikunapis Aarónpita miraqkunallam kaykäyan. Tsaynöllam sacerdötikunata yanapayänanpä levitakunalla kaykäyan.
11
Tayta Dios ninqannöllam paykunaqa wäraypapis tardipapis rupatsina sacrificiukunata rupaykätsiyan y inciensiutapis qoshniykätsiyan. Tsaynöllam purificashqa mësamanpis sagrädu tantakunata churaykäyan. Qori candelërukunamanpis cada tardim aktsitapis tsaritsiyan. Tsaynömi noqakunaqa Tayta Diosnintsik ninqanta cumpliykäyä. Qamkunaqa manam pay ninqanta cäsuyankitsu.
12
«Noqakunawanmi Tayta Dios kaykan. Qamkunawan pelyayta qallaykuyänäpä sacerdötinkunapis listunam kaykäyan cornëtankunata tukayänanpä. Noqakunawan pelyarqa unay castantsikkuna yärakuyanqan Tayta Dioswanmi pelyayanki. Paywanqa ama churakäyaytsu. Paytaqa manam vinciyankitsu».
13
Tsaynö parlanqanyaqmi Jeroboamqa pakayllapa wakin kaq soldädunkunata mandarqan qepanpa yaykuykur Judá soldädukunata atacayänanpä. Wakin kaq soldädunkunanam puntanpa atacayarqan.
14
Judá runakuna tikrayanqanchömi qepanpa y puntanpa atacaykäyanqanta rikayarqan. Tsaymi Tayta Diosta mañakuyaptin sacerdötikunapis cornëtakunata tukayarqan jinan höra pelyayänanpä.
15
Pelyayta qallaykur qayaräyaptinmi Jeroboamta y Israel runakunata vinciyänanpä Abíasta y Judá runakunata Tayta Dios yanaparqan.
16
Vinciyaptinmi Israel runakuna qeshpir aywakuyarqan. Tsaynö kaptinpis qeshpiykaqta Judá runakuna wanutsiyänanpämi Tayta Dios yanaparqan.
17
Tsaynö pelyarmi Abías y soldädunkuna pitsqa pachak waranqa (500,000) allin Israel soldädukunata wanutsiyarqan.
18
Tsaynö vinciyarqan unay castankuna yärakuyanqan Tayta Diosman yärakurmi. Peru Israel runakunam sïqa penqakushqa aywakuyarqan.
19
Jeroboamta vinciskirmi Abías qechurqan Bet-el markata jallqantinta, Jesana markata jallqantinta y Efraín markatapis jallqantinta.
20
Abías kawanqanyaq manam tsay markakunata Jeroboam qoriyta puëdirqantsu. Tsaypitanam Tayta Diospa castïgunwan Jeroboam wanurqan.
21
Peru Abíasmi sïqa mas poderyuq karqan. Abíaspa warminkuna chunka chuskum karqan. Paypa ollqu tsurinkunam ishkay chunka ishkay (22) karqan y warmi tsurinkunanam chunka joqta kayarqan.
22
Abías imanö kawanqanpis y imata ruranqankunapis Diospa profëtan Iddo qellqanqanchömi qellqashqa kaykan.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36