bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Chronicles 29
2 Chronicles 29
Quechuan QXO (Biblia en Quechua del sur de Conchucos)
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 30 →
1
Mandayta qallanqan witsanmi Ezequías ishkay chunka pitsqa (25) watayuq karqan. Payqa ishkay chunka isqun (29) watam Jerusalénpita mandarqan. Mamanmi Zacaríaspa tsurin Abías karqan.
2
Tayta Diosta cäsur unay castan David kawanqannömi Ezequíaspis kawarqan.
3
Paymi mandaq kayman yaykur punta kaq watachö y punta kaq killachö Tayta Diospa templun patiuman yaykuna punkukunata kichaskatsir allitsatsirqan.
4
Tsaypitanam sacerdötikunata y levitakunata qayatsirqan rupay yarqamunan kaq lädu patiuman.
5
Paykuna qorikaskiyaptinnam nirqan: «Levitakuna, purificakuyänaykipä llapaykikuna bäñakuyay. Tsaypita unay castantsikkuna yärakuyanqan Tayta Diospa templuntapis purificayay. Tsaychö impüru kaqkunata tarirqa waqtaman jitayay.
6
«Tayta Diosnintsikta mana cäsurmi castantsikkuna pasaypa jutsayuq kayashqa. Tsaynö karmi Tayta Diosta manana adorar täranqan templutapis despreciayashqa.
7
Tsaynöllam templupa patiunpa punkunkunatapis wichqatsiyashqa. Templu rurinchö tsariykaq lamparakunatapis upitsiyashqam. Inciensiutapis manam qoshnitsiyashqanatsu. Rupatsina kaq sacrificiutapis kuyamaqnintsik Tayta Diospä manam rupatsiyashqanatsu.
8
Tsaypitam Tayta Dios pasaypa rabyar Jerusalénchö täraqkunata y Judáchö kaykaq wakin markakunachö täraqkunatapis castigarqan. Tsaynöllam pasaypa mantsakashqa, llakishqa y penqakuyman churashqa kawayarqan. Tsaynö päsanqantaqa kikintsikmi musyantsik.
9
Mana cäsukuq kayanqanpitam wakin castantsikkunapis guërrachö wanuyashqa. Wakin warmi tsurinkunata, ollqu tsurinkunata y warminkunatapis prësum apayashqa.
10
«Tsaymi yarpachakurqü kuyamaqnintsik Tayta Dioswan pactuta ruranantsikpä. Tsaynöpam rabyaynin päsaptin castigamäshunnatsu.
11
Taytakuna, mana qelanaypa Tayta Diosta templunchö yapay sirviyay. Qamkunatam akrayäshurquyki templunchö sirviyänaykipä, adorayänaykipä y inciensiuta qoshnitsiyänaykipä».
12
Tsaynö niptinmi levitakuna ras awniyarqan. Tsay runakunam kayarqan: Amasaipa tsurin Mahat, Azaríaspa tsurin Joel (Mahat y Joel kayarqan Coat castam), Abdipa tsurin Cis, Jehalelelpa tsurin Azarías (Cis y Azarías kayarqan Merari castam), Zimapa tsurin Joa, Joapa tsurin Edén (Joa y Edén kayarqan Gersón castam),
13
Simri, Jehiel (Simri y Jehiel kayarqan Elizafán castam), Zacarías, Matanías (Zacarías y Matanías kayarqan Asaf castam),
14
Jehiel, Simei (Jehielwan Simei kayarqan Hemán castam), Semaías y Uziel (Semaíaswan Uziel Jedutún castam kayarqan).
15
Paykunam castankunawan qorikaykur bäñakur purificakuyarqan. Tsaypitanam templupa patiunman yaykuskir tsaychö kaqkunata purificayarqan. Llapantapis rurayarqan Tayta Diospa mandamientunchö qellqashqa kanqannö y rey ninqannömi.
16
Tsaypitanam Tayta Diospa templunman sacerdötikunapis yaykuskir purificayarqan. Tsaychö imatapis impüru kaqkunata patiuman jipiskayämuptinmi levitakuna Cedrón raqraman apayarqan.
17
Tayta Diospa templunta purificar qallaykuyarqan wata qallaykunan punta kaq junaqchömi. Tsaypita puwaq junaqmi templupa patiunta purificayta ushayarqan. Tsaypita puwaq junaq mastam templu rurintapis purificayta ushayarqan. Tsaynöpam llapanta purificar chunka joqta junaqta ushayarqan.
18
Tsaypitanam palaciunman aywaykur rey Ezequíasta levitakuna niyarqan: «Templuta purificayta ushayarqünam. Tsaymi purificayarqü sacrificiuta rupatsina altarta, altarpa manëjunkunata, sagrädu tanta churakuna mësata y mësapa manëjunkunatapis.
19
Tayta Diosta mana cäsur rey Acaz jitarinqan manëjukunatapis purificaskirmi Tayta Diospa altarnin läduman kutitsiyarqü».
20
Tsaynö willayaptinmi waraynin wäray tsaka tsakalla marka autoridäkunata rey Ezequías qoriskir paykunawan Tayta Diospa templunman aywayarqan.
21
Tsaymi purificatsina sacrificiupä apayarqan qanchis torïtukunata, qanchis carnërukunata, qanchis carnishkunata y qanchis chïvukunata. Tsay ashmakunata Tayta Diospa altarninchö rupatsiyänanpämi Aarónpita miraq sacerdötikunata rey ordenarqan. Tsaykunata rupatsiyarqan rey castakuna y Judá runakuna purificashqa kayänanpämi. Tsaynöllam rupatsiyarqan templu purificashqa kananpäpis.
22
Tsaypitanam torïtukunata pishtarnin yawarninta qoriskir altarpa lädunkunata sacerdötikuna tsaqtsuyarqan. Tsaynöllam carnërukunapa y carnishkunapa yawarninwanpis tsaqtsuyarqan.
23
Tsaypitanam purificatsina sacrificiupä apayämunqan chïvukunata reypa puntanman y autoridäkunapa puntanman apayarqan. Chïvukunapa umanman makinta churaskiptinmi
24
chïvukunapa kunkanta sacerdötikuna roquyarqan. Tsaypitam purificatsina sacrificiupä tsay ashmakunapa yawarninwan altarpa lädunkunata tsaqtsuyarqan. Rey ninqannöllam altarchö rupatsiyarqan llapan Israel runakuna jutsata rurayanqanpita perdonashqa kayänanpä.
25
Rey Ezequíasmi levitakunata churarqan platïllukunata, salteriukunata y arpakunata Tayta Diospa templunchö tukayänanpä. Tsaynö tukayänanpämi rey Davidpa yanapaqnin profëta Gadwan y profëta Natánwan rey Davidta Tayta Dios willakatsirqan.
26
Levitakunaqa templupa patiunchömi ichiraykäyarqan David ruratsinqan instrumentunkuna aptashqa y sacerdötikunana ichiraykäyarqan cornëtankuna aptashqa.
27
Tsay höram Ezequías nirqan rupatsina kaq sacrificiuta altarchö rupatsiyänanpä. Rupatsir qallaykuyaptinmi Tayta Diosta alabar qallaykuyarqan y cornëtakunatapis tukar qallaykuyarqan. Tsaynöllam David ruratsinqan instrumentukunatapis tukayarqan.
28
Sacrificiu rupar ushanqanyaqmi cantaqkuna alabayarqan, cornëtata sacerdötikuna tukayarqan y juntaraykaq llapan runakuna Tayta Diosta adorayarqan.
29
Rupar ushaskiptinmi rey y tsaychö kaykaq llapan runakunapis qonquriykur Tayta Diosta adorayarqan.
30
Tsaypitanam rey Ezequías y autoridäkuna levitakunata niyarqan David y Asaf qellqanqan salmukunata cantar Tayta Diosta alabayänanpä. Tsaymi pasaypa kushishqa cantarnin qonquriykur adorayarqan.
31
Tsaypitanam rey Ezequías runakunata nirqan: «Tayta Diosta sirviyänaykipä awnishqana kaykarqa ashmakunata templunman apayämuy rupatsir payta adoranantsikpä. Tsaynölla payta agradëcikur alli päsakuy sacrificiupäpis apayämuy». Tsaynö niptinmi runakunaqa Ezequías ninqannölla apayarqan. Wakinkunaqa alli shonqu karmi rupatsina kaq sacrificiukunapäpis apayarqan.
32
Rupatsina sacrificiupä apayanqan ashmakunam kayarqan qanchis chunka (70) torïtukuna, pachak (100) carnërukuna y ishkay pachak (200) carnishkuna.
33
Tsaychö llapan rupatsiyanqan ashmakunam karqan joqta pachak (600) torïtukuna y kimsa waranqa (3,000) üshakuna.
34
Wakin kaq sacerdötikuna mana purificakushqa kayaptinmi purificashqa kaq sacerdötikunaqa wallkaqlla kayarqan ashmakunata pishtar sacrificiuta rupatsiyänanpä. Peru wakin sacerdötikuna mana purificakuyaptinpis levitakunaqa jinan höram purificakuyarqan. Wakin sacerdötikuna purificakuyanqanyaqmi ashmakunata pishtar levitakuna yanapayarqan.
35
Tsaytsika ashmakunata pishtaskirmi sacrificiuta rupatsiyarqan. Alli päsakuy sacrificiupä pishtayanqan ashmakunapa wiranpis atskam karqan. Tsaynöllam atska vïnupis sacrificiu rupaptin jananman wiñayänanpä karqan. Tsaynömi templuchö yapay Tayta Diosta sirvir qallaykuyarqan.
36
Templuta ras purificayänanpä Tayta Dios yanapanqanta tantiyarmi Ezequías y llapan runakunapis kushikuyarqan.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36