bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Chronicles 23
2 Chronicles 23
Quechuan QXO (Biblia en Quechua del sur de Conchucos)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
1
Tsaypita qanchis watachönam sacerdöti Joiada soldädukunapa capitanninkunata qayatsirqan qorikäyänanpä. Qorikaskirmi pactuta rurayarqan reyta churayänanpä. Tsay capitankunam kayarqan Jerohampa tsurin Azarías, Johanánpa tsurin Ismael, Obedpa tsurin Azarías, Adaíapa tsurin Maasías y Zicripa tsurin Elisafat.
2
Willanakurmi entëru Judá nacionman aywar llapan markakunapita Jerusalénman qoriyämurqan levitakunata y Israel runakunapa mandaqninkunatapis.
3
Tayta Diospa templunman qorikaskiyaptinnam paykunapa puntanman Joásta sacerdöti Joiada pusharqan. Tsaypitanam nirqan: «¡Paymi Ocozíaspa tsurin! David casta karmi Tayta Dios awninqannö kay wamra rey kanqa». Tsaynö niptinmi llapan runakuna pactuta rurar reypa janan shäriyänanpä awniyarqan.
4
Tsaypitanam sacerdöti Joiada yätsir nirqan: «Sacerdötikuna y levitakuna, templunchö Tayta Diosta jamay junaq sirviyänaykipä töcayäshuptiki kimsa grüpuman rakikäyanki. Juk grüpu kanqa templu punkunta cuidayänanpä.
5
Juk grüpunam kanqa reypa palaciunta cuidayänanpä. Jukaq grüpunam kanqa Cimientu jutiyuq punkuta cuidayänanpä. Wakin kaq runakunaqa templupa patiunchömi kayanqa.
6
«Templuman yaykuyänanpäqa unaypitam sacerdötikunallata y levitakunallata Tayta Dios akrarqan. Tsaymi templuchö aruyänanpä töcaptin paykunalla tsaymanqa yaykuyanqa. Wakin runakunaqa patiuchömi Tayta Dios ninqannö cuidayanqa.
7
Levitakuna, armaykikuna aptashqa llapayki reyta tumaypa cuidayanki. Pipis payta wanutsinanpä yaykuyta munaptinqa ras wanutsiyanki. Reytaqa maypa aywaptinpis mana dëjaypa cuidayanki».
8
Tsaymi levitakuna y Judá runakuna sacerdöti Joiada mandanqankunata llapanta cumpliyarqan. Tsaynöpam turnunkuna cumpliq vigilaqkunata y jamay junaqchö vigilayänanpä yaykuqkunatapis wayinkunaman kutikuyänanta capitankuna munayarqantsu.
9
Tsay vigilaqkunatam Joiada entregarqan rey David ruratsinqan lanzakunata, jatun escüdukunata y taksha escüdukunata. Tsaykunaqa templu rurinchömi churararqan.
10
Entregaskiptinnam reyman pipis wanutsiq mana yaykunanpä tsay vigilaqkuna lanzan aptashqa tumaypa churanakuyarqan. Tsaynö churanakuyarqan templupa sur kaq lädunpita qallaykur altar puntanpa tumar norti kaq lädunyaqmi.
11
Tsaypitanam tsurinkunawan Joiadaqa reypa tsurinta pushaykamur corönata jatitsiyarqan. Jatirkatsirnam Israel runakunawan Tayta Dios ruranqan Pactu Libruta entregayarqan y aceitita umanman wiñapäyarqan. Wiñapaskiyaptinnam tsaychö kaykaq runakuna niyarqan: «¡Viva mandamaqnintsik rey!»
12
Runakuna cörriyanqanta y kushikur qayaykachäyanqanta wiyaskirmi Atalíaqa Tayta Diospa templunman aywarqan ima päsanqantapis musyananpä.
13
Chaykurnam templu yaykuna parador lädunchö rey ichiraykaqta rikarqan. Reypa puntanchömi mayor runakuna y cornëta tukaq runakuna kaykäyarqan. Tsaynömi entëru Judá nación runakunapis kushikur cornëtata tukayarqan. Wakinnam instrumentunkunata tukar cantukunata cantaykätsiyarqan. Tsaynö kaykaqta rikaykurmi Atalíaqa röpanta rachiskir: «¡Traicionëru! ¡Traicionëru!» nirqan.
14
Sacerdöti Joiadanam soldädukunapa capitanninkunata nirqan: «Atalíata templupita jukläman jipiskir wanutsiyay. Pipis janan shäriptinqa paytapis espädawan wanutsiyay». Templupita jukläman apaykur wanutsiyänanpä niptinmi
15
Atalíata prësu tsariskir caballukuna yaykukunan palaciupa punkunman apayarqan. Tsaychömi wanutsiyarqan.
16
Tsaypitanam Tayta Dioswan pactuta rurar runakunata y reyta Joiada promititsirqan Tayta Diosta cäsur kawayänanpä.
17
Tsaymi llapan runakuna aywar Baalpa templunta juchutsiyarqan. Tsaynöllam Baal ïdulukunata y altarninkunata juchutsir ushayarqan. Juchutsiyanqan altarkunapa lädunchömi Baalpa sacerdötin Matánta wanutsiyarqan.
18
Tsaypita kutiykurnam Tayta Diospa templunta cuidayänanpä wardiakunata Joiada churarqan. Tsay wardiakunaqa sacerdötikunapa y levitakunapa poderninchömi kayarqan. Sacerdötikunata y levitakunatam Moisés qellqanqan leykunachö ninqannölla rey David unay churarqan. Tsaymi Tayta Diospä rupatsina kaq sacrificiukunata templuchö trocanakuypa rupatsiyaq y kushishqa alabayaq.
19
Tsaynöllam templupa patiun yaykuna punkukunaman wardiakunata Joiada churarqan pipis impüru kaptin yaykunanta mana dëjayänanpä.
20
Tsaypitanam capitankunawan, respitashqa runakunawan, autoridäkunawan y tsaychö kaykaq llapan runakunawan rey Joásta templupita palaciuman pushayarqan. Jana kaq punkupa yaykaskatsirmi rey jamakunan trönuman jamatsiyarqan.
21
Tsaymi llapan runakuna pasaypa kushikuyarqan. Atalíata espädawan wanutsiyanqanpitam llapanpis tranquïluna kayarqan.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36