bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Chronicles 9
2 Chronicles 9
Quechuan QXO (Biblia en Quechua del sur de Conchucos)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 10 →
1
Salomón pasaypa yachaq kanqanta musyarmi Sabá nacionpa mandaqnin warmi aywarqan aja tapukuykunata tapunanpä. Atska sirviqninkunawanmi Jerusalénman charqan mushkuq jachakunata, atska qorita y kuyayllapä cuestaq rumikunata camëllukunaman chaqnashqa. Salomónman chaykurmi llapan yarpanqankunata tapurqan.
2
Tapuyllantam Salomónqa ushaypa ushar llapanta contestarqan. Imata tapunqanpis paypäqa manam ajatsu karqan.
3
Salomón yachaq kanqanta y palaciunta ruratsinqanta rikarmi Sabá nacionpa mandaqnin warmi
4
pasaypa espantashqa quëdarqan. Tsaynöllam espantashqa karqan alli mikuykunata rikar, mandar yanapaqninkunapa cuartunkunata rikar, sirviqninkunata y jatiranqan röpanta rikar, cöpa sirviqninkunata rikar y Tayta Diospä sacrificiukunata templuchö rupatsinqanta rikar.
5
Tsaymi rey Salomónta nirqan: «Llapan ruranqaykita y yachaq kanqaykita nacionnïchö willayämanqanqa rasunpam kanä.
6
Tsaynö willayämaptinpis kikï rikanqäyaq manam criyirqätsu. Peru kananmi sïqa tantiyakü willayämanqanpitapis mas yachaq y imaykayuqpis kanqaykita.
7
Llapan ruranqaykita y alli yachaynikiwan parlanqaykita wiyar ¡ima kushishqarä mandakur yanapashuqnikikuna y sirvishuqnikikuna kayan!
8
¡ Tayta Diosniki alabashqa kaykullätsun kuyashurniki Israel nacionpa mandaqnin rey kanaykipä churashunqaykipita! Israel runakunata imaypis kuyarmi rïcutapis pobritapis alli rikanaykipä churashurquyki. Pay munanqannö mandaptikim Israel nación imayyaqpis kanqa».
9
Tsaypitam Salomónta qararqan kimsa waranqa isqun pachak joqta chunka (3,960) kïlu qorita, atska perfümikunata y kuyayllapä cuestaq atska rumikunatapis. Salomónta atska perfümita qaranqantanöqa manam imaypis Israel nacionman apayämurqantsu.
10
(Tsaynöllam rey Hirampa y rey Salomónpa negociunta apaq büquikunawan Ofir partipita apayämuq atska qorita, sándalo jutiyuq qerukunata y kuyayllapä cuestaq rumikunatapis.
11
Tsay sándalo qerupitam rey Salomón ruratsirqan Tayta Diospa templunpa grädankunata y palaciunpa grädankunatapis. Tsaynöllam tukaqkuna tukayänanpä arpakunata y salteriukunata ruratsirqan. Manam imaypis Judáman chätsiyarqantsu sándalo qeruta tsaynö atskataqa.)
12
Sabá nacionpa mandaqnin warmi apamunqanta atskata qaraptinmi rey Salomónpis atska qaraykunata qararqan. Tsay jananmanmi tsay warmi imata mañakunqantapis qararqan. Tsaypitanam mandaq warmiqa nacionninman sirviqninkunawan kutikuyarqan.
13
Salomónqa cada watam chaskiq ishkay chunka ishkay waranqa (22,000) kïlu qorita.
14
Tsay jananmanmi negociantikuna y Israel nacionman chaq runakuna pägayanqan impuestutapis chaskiq. Tsaynöllam Arabia nacionpa mandaqnin reykuna y Israel nacionpa gobernadorninkuna qorita y qellayta Salomónpä apayaq.
15
Ishkay pachak (200) escüdukunatam rey Salomón qoripita ruratsirqan martilluwan takayllapa. Tsay escüdukunaqa cada ünunmi joqta kïlu pësarqan.
16
Tsaynöllam mas kimsa pachak (300) escüdukunatapis martilluwan takayllapa qoripita ruratsirqan. Tsay escüdukunaqa cada ünunkuna kimsa kïlu masmi pësarqan. Tsaykunataqa Líbano Munti jutiyuq palaciunmanmi churatsirqan.
17
Tsaynöllam trönuntapis marfilpita ruraskatsir qori püruwan enchapatsirqan.
18
Trönu kanqan patakpis qoripitam karqan. Tsaynöllam ishkan lädunpa rikran churakunankuna karqan. Trönupa cada lädunchömi ruratsinqan león ichirarqan. Trönuman jamananpäpis joqta grädatam witsaq.
19
Grädakunapa lädunkunachöpis chunka ishkay ruratsinqan leonkunam karqan. Grädakunapa jukaq lädunchömi joqta leonkuna karqan y jukaq lädunchöpis joqta leonkuna karqan. Tsay kuyayllapä trönutanöqa manam mayqan nacionpa mandaqnin reypis ruratsirqantsu.
20
Rey Salomónpa cöpankunapis y Líbano Munti jutiyuq palaciuchö llapan manëjukunapis qoripitam karqan. Qellaypita kaqtaqa Salomón rey kanqan witsan manam pipis cäsuyaqtsu.
21
Rey Salomónpa büquinkuna cada kimsa watachö rey Hirampa büquinkunawan Tarsisman juntu kutimurmi qorita, yuraq qellayta, marfilta, mönukunata y pävu realkunatapis apayämuq.
22
Rey Salomónqa maytsay nación reykunapitapis mas imaykayuq y mas yachaqmi karqan.
23
Yachaq kananpä Tayta Dios yanapaptinmi llapan nacionpitapis reykuna payman aywayarqan yachatsinqanta wiyayänanpä.
24
Aywarmi yuraq qellaypita y qoripita ruratsiyanqanta Salomónpä apayaq. Tsaynöllam apayaq röpakunata, armakunata, mushkuq jachakunata, caballukunata y mulakunatapis. Cada watam atska qarayta Salomón chaskiq.
25
Salomónpam karqan chusku waranqa (4,000) corralkuna caballukunata wichqayänanpä y guërra carrëtankunata churayänanpä. Tsaynöllam chunka ishkay waranqa (12,000) caballu muntakuqkuna karqan. Tsay caballu muntaqkunatam wakinta churarqan guërra carrëtakuna kayanqan cuartelkunachö kayänanpä y wakintana churarqan Jerusalén palaciu cercachö kayänanpä.
26
Salomónpa poderninchömi reykuna kayarqan Éufrates mayupita hasta Filistea nacionpa lindërunyaq y Egipto nacionpa lindërunyaq.
27
Rey Salomón qoritsinqan qellaypis ruminörämi Jerusalénchö atska karqan. Tsaynöllam cedrutapis Sefelachö plantatsirqan hïgus muntinörä tsaytsika kananpä.
28
Egiptupita y wakin nacionkunapitam caballukunata Salomónpä rantiyämuq.
29
Rey Salomón ruranqankunam qallanqanpita ushanqanyaq qellqashqa kaykan profëta Natán qellqanqanchö y Silupita kaq profëta Ahías qellqanqanchö. Tsaynöllam qellqashqa kaykan Nabatpa tsurin Jeroboam imanö kanqanpita profëta Iddo qellqanqanchö.
30
Chusku chunka (40) watam Israel runakunata Jerusalénpita Salomón mandarqan.
31
Wanuskiptinmi papänin Davidpa Markanman pampayarqan. Salomónpa trokinnam tsurin Roboamna rey karqan.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36