bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Chronicles 34
2 Chronicles 34
Quechuan QXO (Biblia en Quechua del sur de Conchucos)
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 35 →
1
Josías puwaq watayuq kaykarmi rey kayta qallaykurqan. Payqa kimsa chunka juk (31) watam Jerusalénpita mandarqan.
2
Josíasqa unay castan Davidnömi Tayta Dios munanqannö imaypis kawarqan.
3
Yaykunqanpita puwaq watana rey kaykarmi wamrallarä karpis Josíasqa unay castan David yärakunqan Tayta Diosta ashiyta qallaykurqan. Chunka ishkay watana rey kaykarmi Jerusalénta y Judá nacionchö kaykaq wakin markakunatapis purificar qallaykurqan. Purificarmi markakunachö kaq altarkunata, Asera diösapä jawiyanqan raku qerukunata, llaqllaypa rurayanqan ïdulukunata y fundiypa rurayanqan ïdulukunatapis ushakätsirqan.
4
Kikin rikaraykarmi Baalpä ruratsiyanqan altarkunatapis chipyaq juchutsirqan. Tsaynöllam mandarqan inciensiu qoshnitsikuyänan altarkunata juchutsiyänanpä, Asera diösapä jawiyanqan raku qerukunata pedäzu pedäzu pakiyänanpä y llaqllaypa rurayanqan ïdulukunata y fundiypa rurayanqan ïdulukunata ushakätsiyänanpä. Pakiyanqankunata ñuchquskatsirmi tsay ïdulukunata adoraqkuna pamparaykäyanqan jananman jicharqan.
5
Altarkunata manarä ushakätsirmi ïdulukunata adoraq sacerdötikunapa tullunkunatapis pamparäyanqan kaqpita jipiskamur tsay altarkuna jananchö rupatsirqan. Tsaynöpam Judá nacionta y Jerusalénta purificarqan.
6
Tsaynöllam Josías purificarqan Manasés partichö markakunata, Efraín partichö markakunata, Simeón partichö markakunata y Neftalí partichö markakunatapis. Tsay markakunata purificarmi ñöpankunachö kaykaq markakunatapis purificarqan.
7
Tsaynöpam Israel nacionchö kaykaq llapan altarkunata, Asera diösapä jawiyanqan raku qerukunata y wakin ïdulukunatapis pakir usharqan. Inciensiuta qoshnitsiyänanpä kaq altarkunatapis llapantam juchutsir usharqan. Llapanta purificaskirnam Jerusalénman kutikurqan.
8
Chunka puwaq watana rey kaykarmi Judá nacionta y templuta purificaskir rey Josías runakunata mandarqan Tayta Diospa templunta allitsatsiyänanpä. Tsay mandanqan runakunam kayarqan Azalíapa tsurin Safán, markapa gobernadornin Maasías y Joacazpa tsurin Joa.
9
Paykunaqa mandaq sacerdöti Hilcíasman aywarmi Tayta Diospa templunchö qoriyanqan qellayta entregayarqan. Tsay qellaytaqa punku cuidaq levitakunam qoriyarqan templuman shamuq runakunapita. Tsay runakunam kayarqan Manasés partipita, Efraín partipita, Judá partipita, Benjamín partipita y Jerusalén markapita.
10
Tsay qellaytam Tayta Diospa templunta allitsatsiyänanpä encargädu runakunata entregayarqan. Paykunanam templu allitsaqkunata pägayarqan.
11
Tsaynöllam qellayta entregayarqan carpintërukunata y albañilkunata. Tsay qellaywanmi carpintërukuna qeruta rantiyarqan vïgakunapä y tijiralkunapä. Albañilkunanam llaqllashqa rumikunata rantiyarqan. Tsaykunatam rantiyarqan Judá nacionpa mandaqnin reykuna templuta mana cäsuyaptin malogranqanta allitsatsiyänanpä.
12
Tsay encargädu runakunaqa chaskiyanqan qellayta mana suwakuypam aruqkunata pägayarqan. Encargädu runakunapa mandaqninkunam kayarqan Jahat, Abdías, Zacarías y Mesulam. Tsay mandaqkuna llapanpis levitakunam kayarqan. Jahatwan Abdíasqa Merari castam kayarqan. Zacaríaswan Mesulamnam Coat casta kayarqan. Llapanpis tsay levitakunaqa instrumentu tukaqmi kayarqan.
13
Wakinmi encargädu kayarqan ashtaqkunata y tsaychö aruq runakunata rikayänanpä. Wakinmi secretariu kayarqan, wakinmi capataz kayarqan y wakinnam templu punku cuidaq kayarqan.
14
Qoriyanqan qellayta Tayta Diospa templunpita jipinqanchömi sacerdöti Hilcías Moisés chaskinqan mandamientukuna qellqashqa libruta tarirqan.
15
Tariskirmi secretariu Safánta nirqan: «Tayta Diospa templunchömi leyninkuna qellqashqa kaq libruta tarirqü». Tsaynö nirmi entregarqan.
16
Safánqa libruta apakurkurmi rey kaqman aywarqan. Chaykurmi imanö aruykäyanqanta willar nirqan: «Tayta rey, aruyänanpä mandanqaykinöllam llapanpis aruykäyan.
17
Tayta Diospa templunman apayanqan qellaytam encargädu runakunata entregayashqa templuta allitsatsiyänanpä».
18
Tsaypitam nirqan: «Templuchö libruta tariskirmi sacerdöti Hilcías entregamashqa». Tsaynö willarmi Safánqa reyta liyiparqan.
19
Tsay libruchö qellqashqa kaykaq leykunata liyipaptinmi reyqa pasaypa llakikurnin röpanta rachiskirqan.
20
Tsaypitanam Hilcíasta, Safánpa tsurin Ahicamta, Micaíapa tsurin Abdónta, secretariu Safánta y yätsiqnin Asaíasta qayaykur nirqan:
21
«Kay libruchö Tayta Dios ninqanta manam noqantsikpis ni unay castantsikkunapis cäsushqatsu ni cumplishqatsu. Tsaynö mana cumplinqantsikpita quizasmi Tayta Dios pasaypa rabyar castigamäshun. Tayta Diosta tapukayämuy noqapä, Israel nacionchö quëdaq runakunapä y kay nacionnintsikchö kaq runakunapäpis».
22
Tsaypitanam rey mandanqan runakunawan Hilcías aywayarqan Salumpa warmin profetïsa Huldaman tapukuq. Huldapa runan Salumqa Ticvapa tsurin y Harhaspa willkanmi karqan. Tsaynöllam Salumqa templuchö röpakunata cuidaq karqan. Huldaqa runanwan Jerusalénpa lädun mushuq barriuchömi täyarqan.
23
Tapukuptinmi Hulda nirqan: «Israel runakunata kuyaq Tayta Diosmi nin: «Mandamushuqniki runaman kutiykur ninqäkunata willar niyay:
24
Liyipäshunqayki libruchö castiganäpä ninqänöllam kay markachö täraqkunata castigar kay markatapis ushakätsishä.
25
Paykunaqa mana cäsumarmi juk dioskunapä sacrificiukunata rupaykätsiyan. Tsaynö kayanqanpitam pasaypa rabyar mana kuyapaypa castigashä».
26
Tsaypita mastam Hulda nirqan: «Tayta Diosta tapukunanpä mandamushuqniki reyman kutiykur willayanki: «Tsay libruchö qellqashqa kaykaqta cäsunqaykipitam Israel runakunata kuyaq Tayta Dios nin:
27
«Kay marka y kay markachö täraqkuna ushakätsishqa kayänanpä kanqanta musyar llakikunqaykitam y mantsapakunqaykitam rikarqü. Tsaynöllam röpaykikunata rachir waqanqaykita rikarqü.
28
Tsaymi kawanqaykiyaqqa kaychö täraq runakunata castigashätsu. Wanuskiptikinam unay castaykikuna pamparäyanqanman pampayäshunki». Profetïsa Hulda tsaynö ninqantam mandanqan runakuna kutiykur reyta willayarqan.
29
Tsaynö willayaptinmi rey Josíasqa Jerusalénchö y Judáchö täraq mayor runakunata qayatsirqan.
30
Tsaymi Jerusalénchö y Judá nacionchö täraq runakuna, sacerdötikuna, levitakuna y wakin runakunapis wamrapita qallaykur hasta rukuyaq Tayta Diospa templunman qorikäyarqan. Reypis chaykurmi tsaychö tarinqan Pactu Libruta jinchipa liyiparqan.
31
Liyipaskirnam rey ichiräkunan paradornin lädunman ichiykur Tayta Diospa puntanchö rey Josías pactuta rurar awnirqan libruchö qellqashqa pactuta cumplir mandamientunkunata, yätsinqankunata y leyninkunata llapan shonqunwan imaypis cumplinanpä.
32
Tsaynöllam Jerusalénchö täraq runakunata y tsaychö kaq Benjamín trïbu runakunata nirqan unay castankuna yärakuyanqan Tayta Dioswan pactu rurayanqanta cumpliyänanpä. Tsaynö niptinmi cumpliyänanpä llapanpis awniyarqan.
33
Tsaymi Israel runakuna täyanqan llapan partikunachö ïdulukunata Josías ushakätsirqan. Tsaypitam Israel nacionchö täraq runakunata mandarqan Tayta Diosta cäsur kawayänanpä. Josías kawanqanyaqqa unay castankuna yärakuyanqan Tayta Diosllatam sirviyarqan.
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 35 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36