bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Chronicles 32
2 Chronicles 32
Quechuan QXO (Biblia en Quechua del sur de Conchucos)
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
1
Tayta Diosta cäsur Ezequías llapanta ruraykaptinpis Asiria nacionpa mandaqnin rey Senaqueribmi Judá nacionman yaykurqan. Tsaynö yaykurmi alli murallashqa markakunata atacananpä soldädunkunawan jiruruypa tsapaskiyarqan.
2
Jerusaléntapis atacananpä Senaquerib chanqanta musyaskirmi Ezequíasqa
3
autoridäninkunawan y soldädunkunapa capitanninkunawan willanakuyarqan marka waqtanchö kaq yaku pözukunata tsapayänanpä. Llapanpis tsay yarpaylla karmi
4
atskaq runakuna qorikaskir pözukunata y sikyakunatapis tsapayarqan. Tsaynö rurayarqan Asiria nacionpa mandaqnin rey soldädunkunawan char yakuta mana tariyänanpämi.
5
Tsaynöllam juchushqa kaykaq marka murällakunata rey Ezequías allitsatsirqan. Tsaypitam murälla jananchö ruratsirqan rikachakuna törrikunata. Tsaynöllam murälla waqtanpa mas juk murällatapis shäritsirqan. Davidpa Markanchö kaq Milo niyanqan patak pirqatapis allitsatsirqanmi. Tsaypitanam espädakunata y pelyar tsapakuyänan escüdukunatapis atskata ruratsirqan.
6
Marka runakunata mandayänanpämi capitankunatapis churarqan. Markaman yaykunachö kaq pläzaman qayaykatsirmi paykunata parlapar nirqan:
7
«Asiria nacionpa mandaqnin rey atska soldädunkunawan shamuqta rikarpis ama mantsayaytsu. Noqantsikta yanapamaqnintsikqa paykunapita mas poderösum.
8
Asiria nacionpa mandaqnin reyqa soldädunkunamanmi yärakun. Noqantsikqa Tayta Diosnintsikmanmi yärakuntsik. Paymi guërrachö vincinantsikpä yanapamäshun». Rey Ezequías tsaynö niptinmi mantsariyarqannatsu.
9
Rey Senaqueribnam llapan soldädunkunawan Laquis markata atacaykarqan. Tsaypitam capitanninkunata Jerusalénman mandarqan Judá nacionpa mandaqnin rey Ezequíasta y Jerusalénchö täraq runakunata niyänanpä:
10
«Asiria nacionpa mandaqnin rey Senaqueribmi nin: «Jerusalénchö jiruruypa tsapashqa kaykarnaqa ¡piman yärakurtä yarpäyanki pipis mana vinciyäshunaykipä kanqanta!
11
¿Manaku tantiyayanki rey Ezequías ninqanta cäsur mallaqaypita y yakunaypita ushakäyänaykipä kanqanta? «Tayta Diosnintsikmi salvamäshun» nirqa llullapaykäyäshunkim.
12
¿Manaku tsay Diosnikipa altarninkunata Ezequías juchutsishqa? ¿Manaku niyäshurquyki juk altarllachöna inciensiuta qoshnitsir llapayki adorayänaykipä kanqanta?
13
«Qamkuna ¿manaku musyayanki Asiria nacionpa mandaqnin reykuna maytsay nacionkunatapis vinciyanqanta? Tsay nacionkunapa diosninkuna manam mayqanpis makïkunapita salvashqatsu.
14
Mayqan nacionpa diosninkuna makïkunapita mana salvashqa kaykaptinqa ¡imanötä Diosnikipis makïkunapita salvayäshunki!
15
Ezequías engañayäshunqaykita ama criyiyaytsu. Noqa ushakätsinqä nacionkunata diosninkuna manam salvayashqatsu. Tsaynöllam Asiria nacionpa wakin mandaqnin reykuna ushakätsiyanqan nacionkunatapis diosninkuna salvashqatsu. Tsaynö kaykaptinqa Diosnikipis podernïpita manam salvayäshunkitsu».
16
Asiria nacionpa mandaqnin rey mandanqan capitankunaqa mastapis Tayta Diospa contran y Diospa sirviqnin rey Ezequíaspa contranmi niyarqan.
17
Tsaynöllam Israel runakunata kuyaq Tayta Diospa contran qellqaykur rey Senaquerib cartata apatsirqan. Tsay cartachömi nirqan: «Wakin nacionkunapa diosninkuna makïkunapita mana salvayanqannömi Ezequíaspa Diosninpis makïkunapita salvayäshunkitsu».
18
Senaquerib mandanqan capitankuna hebreo idiömachö fuertipa tsaynö niyarqan Jerusalén markapa murällan jananchö kaykaq runakunata mantsakatsir markaman fácil yaykuyänanpämi.
19
Tsay capitankunam Jerusalén runakuna yärakuyanqan Tayta Diospa contran parlayarqan wakin nacionkunachö runa ruranqan dioskunanö kanqanta yarpar.
20
Tsaymi rey Ezequías y Amozpa tsurin profëta Isaías Tayta Diosta mañakuyarqan yanapananpä.
21
Mañakuyaptinmi juk angelninta Tayta Dios mandamurqan Asiriapita shamuq soldädukunata y capitankunata ushakätsinanpä. Ushakätsiptinmi Asiriapita shamuq reyqa pasaypa penqakushqa nacionninman kutikurqan. Nacionninchönam diosninpa templunman yaykuskiptin kikinpa tsurinkunalla espädankunawan wanutsiyarqan.
22
Tsaynöpam Jerusalénchö täraq runakunata y rey Ezequíasta Tayta Dios salvarqan Asiria nacionpa mandaqnin rey Senaqueribpita y wakin contrankunapitapis. Tsaynö salvaptinmi Israel runakuna ñöpanchö kaykaq nacionkunawan tranquïluna kawayarqan.
23
Tsaynöpam Judá nacionpa mandaqnin rey Ezequías maytsay nacionkunachöpis respitashqa karqan. Tsaymi atska runakuna rey Ezequíaspä qaraykunata Jerusalénman apayarqan y Tayta Diospä ofrendakunata apayarqan.
24
Tsay witsanmi rey Ezequías pasaypa antsa qeshyarnin allïtsinanpä Tayta Diosta mañakurqan. Mañakuptinmi juk milagruta rurarqan allïnanpä kanqanta tantiyatsinanpä.
25
Peru tsaynö alliykätsiptinpis Ezequíasqa agradëcikunanpa rantinmi orgullösu rikakurqan. Tsaynö rikakunqanpitam Tayta Dios pasaypa rabyarqan Ezequíaswan, Judá nación runakunawan y Jerusalén runakunawanpis.
26
Tayta Dios rabyanqanta tantiyarmi Ezequías orgullösu kanqanpita Jerusalénchö täraq runakunawan perdonta mañakuyarqan. Tsaymi Ezequías kawanqan witsanqa Judá nación runakunata Tayta Dios castigarqantsu.
27
Ezequíasqa pasaypa rïcu karmi pïmaypitapis reqishqa y respitashqa karqan. Paypaqa atskam yuraq qellaynin y qorinpis karqan. Tsaynöllam karqan atska kuyayllapä ruminkuna, perfüminkuna, escüdunkuna y tukuy niraq chanin kaqkunapis.
28
Tsaynöllam mikuy churakuna wayikunata shäriskatsir tsayman churatsirqan tsaki mikuyta, vïnuta y aceitita. Ashmakuna punuyänanpä ramädakunata y üshakuna punukuyänan kunchakunatapis ruratsirqanmi.
29
Tsaynöllam markakunatapis shäritsirqan. Tayta Diospa bendicionninwan pasaypa rïcuyaptinmi wäkankunapis, üshankunapis, cabrankunapis atska karqan.
30
Ezequíasqa tünilta ruraskatsirmi Gihónchö pashtaq yakuta Davidpa Markanyaq chätsirqan. Tsay yakuta chätsirqan markaman rupay ullunan kaq lädupam. Ezequías ruranqankunaqa llapanpis allim karqan.
31
Judá nacionchö milagru päsanqanta musyayämunanpämi Babiloniapita mandaq runakuna willakuqkunata Ezequíasman mandayarqan. Tsay mandayanqan runakuna chaykuyaptinmi Ezequíasta Tayta Dios dëjaskirqan. Tsaynö dëjarqan llapan shonqunwan payta cäsunqanta o mana cäsunqanta musyayta munarmi.
32
Ezequías imata ruranqanpis y Tayta Diosman imanö yärakunqanpis Amozpa tsurin profëta Isaías qellqanqan libruchömi qellqashqa kaykan. Tsaynöllam Judá nacionpa y Israel nacionpa mandaqnin reykunapa acta librunchö qellqashqa kaykan.
33
Ezequías wanuskiptinnam Davidpa castankuna pamparaykäyanqan panteonchö allin kaq sitiuman pampayarqan. Jerusalénchö täraqkuna y Judá runakunaqa respëtuwanmi Ezequíasta shumaq pampayarqan. Ezequíaspa rantinnam tsurin Manasésna rey karqan.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36