bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Samuel 1
2 Samuel 1
Sukuma 2019
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
1
Ū Saulo aho alīcha, ū Daūdi akasangwa alī na shikū ibīlī wizile ī Zikilagi, kūfuma ūko akajūūlwa na Baamaleki ūbapyeena.
2
Ha lūshikū lwa kadatū lwaho wiza munhū kūfuma ū kū ng'hambī ya ng'wa Saulo; ī shizwalo shakwe shitandagūkile, nū kū ntwe okalaga lūbuubu. Aho washika a halī Daūdi ūgwa ū kū būtongi wakwe ūntugīja mazwi ng'wikūjo.
3
Ū Daūdi ūmūūja, “Wafuma halī?” Nang'hwe ūshosha, “Napūlūgūka kūfuma kū ng'hambī ya Baisilaeli.”
4
Ū Daūdi ūbūūja hangī, “Aliniwīlage yaja ko kinehe?” Sūmba ūhaya, “A banhū babūpeela ū būlūgū, babūlagwa bingī no; nīyo nū Saulo wachaaga, nū ng'witūnja wakwe ū Yonasani.”
5
Hūna ū Daūdi ūmūja ū nsūmba ūyo akang'wīla ī mihayo yenīyo, “Bebe wadeeba kinehe ī gīkī ū Saulo nū Yonasani bachaaga?”
6
Ū nsūmba ng'wenūyo ūhaya, “Naalī nasangwa nalī kū lūgūlū lwa Giliboa, hūna numona ū Saulo wichimaga ichimu lyakwe lyūpulung'hanya; a bashilikale ba magogoteni nabo nūbabona bang'wegeelaga gete.
7
Ū mu kwilalangīja kwakwe ūnibona ūnitana; nane niidīka, ‘Nene ūūyū baba.’
8
Ūnibūūja, ‘Ūlī nani ū bebe?’ Nūng'wīla, ‘Nalī ūmò wa Baamaleki.’
9
Hūna ūniwīla, ‘Egeelaga aha ūnimalīje nache, nguno nalumīlaga kībi no, hama nalīsaatwa kīngī nasho, alīyo hangī nataalī nalīmpanga!’
10
Ng'hana nūng'wegeela nūmūlaga, nguno naalī nabona gīkī ūmo wagwīlaga ng'wenūmo atūdūla ū kūpīla; hūna nīsola ī ngikili īyo yalī ū kū ntwe gwakwe, nī ndeji īyo yalī ū mu nkono gwakwe, shiish'aha nakwenhela baba būgonzo.”
11
Ū Daūdi na a banhū bakwe būshidima ī shizwalo shabo būshitandūla kūlwa būpīna.
12
Būlīla ng'hūngū bakūnīlaga ū Saulo nū ng'witūnja wakwe ū Yonasani, nī libità lya ng'wa SEEBA, pyī nī numba ya Isilaeli, nguno ya kūgwishiwa na līlūshū; ū lūshikū lwenūlo būfunga kūshisha mhīndī.
13
Ū Daūdi ūnshokeela kūmūja hangī ū nsūmba ūyo akang'wenhela ī mhola jenījo; ūng'wīla, “Bebe ūlī muna halī?” Ūhaya, “Nalī ng'witūnja wa nobeji, muna Amaleki.”
14
Ū Daūdi ūmūja, “Ni kinehe walī waleka kogoha kūbūūcha nkono gwako kūnyagaja ū ng'witīīlwa magūta o ng'wa SEEBA?”
15
A henaho ū Daūdi witana ūmò wa banhū bakwe ūng'wīla, “Nsangage hoi ūkamūlage!” Ng'hana ūntūla ū munhū ng'wenūyo ūmūlaga.
16
Ū Daūdi numho wamalaga kūng'wīla, “A mininga gako gidīkīle ha ntwe gwako bebe ng'wenekīlī. Nguno wikaanīla bebe ng'wenekīlī na nomo gwako ūlīyomba gīkī, ‘Namūlagaga ū ng'witīīlwa maguta o ng'wa SEEBA.’”
17
Hanuma ya henaho ū Daūdi ūlīla ng'hūngū akūnīlaga ū Saulo nū ng'witūnja wakwe ū Yonasani,
18
ūlagīla gīkī a banhū ba Yuda balangwe ī mihayo ya ng'hūngū yenīyī, (yandīkilwe mu shitabo sha ng'wa Yashaali). Ūhaya:
19
“Ee Isilaeli, abo baalī shingilima yako balambalalaga kū magūlya ga sī yako, būchīla kwenūko! Aī mandūgūlū, bagosha ba makaya bagwaga būlī!
20
Yaya gete ū kwīkumūcha ī yenīyī ū mu Gaasi, yaya ū kwīsambaaja nū mu mapanda ga Ashikeloni; bashīke ba Bafilisiti batizūyega, batizūdoosa a bashīke ba banhū abo batasaalilwe benabo.
21
“Ee bing'we ngūlū ja Giliboa, ni lūtizagūgwa lūme nūūlū kūtūla mbula a ha bing'we; nūūlū gatizūbiza ho matongo kūlwa matwajo ga shakwinha. Nguno a henaho h'aho lwasosohagījiagwa ū lūmūda lwakwe ū wa nguzu; ū lūmūda lwa ng'wa Saulo, lūtīko kūbilwa maguta hangī!
22
Ū būta bo ng'wa Yonasani walī būtashokaga numa ū kū mininga ga babūlagwa; nūūlū ī līlūshū lya ng'wa Saulo lyalī lītashokaga dalali ū kū mibimba ya bagosha ba nguzu.
23
Ū Saulo nū Yonasani baalī bawiza no, na ba kūyeja no ū mu būpanga wabo; baalī batalekanaga, nūūlū ī licha lītabalekanije. Baalī bapeeji kūtinda kalalīle ka ng'hoonà; hama baalī na nguzu kūtinda ja shimba.
24
Bing'we bashīke ba Isilaeli, nīlagi ū Saulo; ū munhū ūyo walūmuzwīkaga shizwalo shaza sha būbeeleji; ūyo wayītūūlīlaga myenda ying'we būlenji wa zahabu.
25
Aī mandūgūlū, bagosha ba makaya bagwaaga mu būlūgū! Ū Yonasani walambalalaga kū magūlya ga sī yako ūchīla kwenūko!
26
“Napīnīhalaga no kūlwa nguno yako Yonasani ng'wanong'wise; ū kūlī nene walī munhū wa mpango ntaale. Ū būtogwa wako ū kūlī nene walī būtaale no, walī būtaale kūtinda būtogwa wa bakīma.
27
Aī mandūgūlū, bagosha ba makaya bagwaaga būlī! Shajimīlaga gete ī shilanga sha būlūgū!”
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24