bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Samuel 5
2 Samuel 5
Sukuma 2019
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
1
Hanuma ya henaho, a Baisilaeli būja balī ng'anda jabo jose, būūkashika ī Hebuloni ū kūlī Daūdi; aho bashika būng'wīla, “A bise tūlī mīlī na mininga gako gete.
2
Ī shikū ījo Saulo walī ntemi wise, ū bebe h'ūyo wagatongeelaga a mabità ga Baisilaeli ū mu makanza ga kūja kū būlūgū na kūshoka. Nīyo ū SEEBA wakūwīla hape gīkī, ‘Ū bebe hū ūkūbadīīma a banhū bane a Baisilseli, hama ūkūbiza nsugi wabo.’”
3
Na lūūlū a banamhala bose ba Baisilaeli aho biza ī Hebuloni ū kūlī ntemi Daūdi, ū ntemi ūbeeja būlagane hamò nabo ī Hebuloni kū būtongi bo ng'wa SEEBA; būng'witīīla maguta ū Daūdi kūbiza ntemi wa Isilaeli.
4
Ū Daūdi aho alandya kūbiza ntemi walī na myaka makūmi adatū; ūsuga ikanza lya myaka makūmi anè.
5
Ī Hebuloni akikala ikanza lya myaka mpungatī na myeji ītandatū alī nsugi wa Yuda; ī Yelusalemu wikala myaka makūmi adatū na idatū abasugile a Baisilaeli a bose nī Yuda.
6
Hūna ū ntemi ūja na a bashilikale bakwe kūjūgūdumīla ū nzengo gwa Yelusalemu, kwilwisha būlūgū na a Bayebusi a bazengi baamo. A Bayebusi būng'wīla ū Daūdi, “Ūtūdūla ū kūshika ū ng'wenūmu, nguno nūūlū babboku dūhū na balemehazu bakūkūhangīja!” A boi biganikaga, “Ū Daūdi atūdūla ū kwingīla ū ng'wenūmu.”
7
Alīyo naheene ū Daūdi akīdima ī ng'hambī ya kūpīlīla ī ya mu Sayuni, gūbiza nzengo go ng'wa Daūdi.
8
Ū lūshikū lwenūlo ū Daūdi ūhaya, “Ose ose ūyo atogilwe kūbaheeba a Bayebusi, shing'wigeleelilwe abītīle ī nzīla īyo badahi ba minzī bakabītīlaga, alinhe ko abasange a ‘balemehazu na a babboku’ abo ng'holò ya ng'wa Daūdi ībakolilwe.” H'ī nguno yene lūlīho lūsumo lūhayile, “A babboku na a balemehazu batīko ū kwingīla ū ng'wikūlū.”
9
Na lūūlū ū Daūdi ūbiza ng'wikaji wamo ū mu ng'hambī ya kūpīlīla, wīyitana “Nzengo go ng'wa Daūdi.” Ūzenga ho chiza a h'ipandī lyenīlo, kwandīja ipandī lya Milo, kwingīīla mu gatī.
10
Hūna wiseema kūbiza na būdūla, nguno ū SEEBA Mulungu wa Būdūla bose walī hamò nang'hwe.
11
Lītabītile ikanza ntemi Hilamu wa Tulo ūntūmīla ū Daūdi banhū; būja na mitī ya ng'wininga, hamò na baselemala na bazengi ba numba, būūkanzengela ū Daūdi numba y'ikūlū.
12
Ū Daūdi ūbona hape gīkī ū SEEBA wantūūlaga a ha būtemi wa Isilaeli, na gīkī ū būtemi wakwe wabūgūngūhyaga kūlwa nguno ya banhū bakwe a Baisilaeli.
13
Ū Daūdi aho wīnga ī Hebuloni, akongeja kūtoola bakīma bangī ū mu Yelusalemu; ūbyalīlwa baana bangī bagosha na bakīma.
14
A mina ga baana abo bakabyalīlwa kwenūko gaya aha: Shamua, Shobabu, Nasani, Solomoni,
15
Ibuhaali, Elishua, Nefegi, Yafia,
16
Elishama, Eliada, na Elifeleti.
17
A Bafilisiti aho bigwa gīkī ū Daūdi witīīlilwe maguta kūbiza ntemi wa Baisilaeli, būja koi pye a bose kūjūnkooba; alīyo ū Daūdi wigwa, wika mu ng'hambī ya kūpīlīla ūkibisa ng'wenūmo.
18
A Bafilisti aho bashika, biyiita kū ntulumenho gwa Lefaimu;
19
hūna ū Daūdi ūmūja ū SEEBA, “Nabasange koi a Bafilisiti nakabadumīle? Ūkūbatūūla ū mu nkono gwane?” Ū SEEBA ūnshokeja, “Jaga koi ng'hana, nguno a Bafilisiti nakūbatūūla mu nkono gwako.”
20
Hūna ū Daūdi ūja Baali-pelazimu, ūūkabapyenela kwenūko; ūhaya, “Ūmo ihūūma lya minzī līkapyagūlīlaga, h'ūmo wabapyagūlīla ū SEEBA a banishi bane ū kū būtongi wane.” Na lūūlū ī lipandī lyenīlo litanwa Baali-pelazimu.
21
A Bafilisiti būpeela, būleka henaho mashikolo gabo ga kwitongelegeja; ū Daūdi na a banhū bakwe biza būgasola būgajana.
22
A Bafilisiti batadīīlile biza hangī biyita ū kū ntulumenho gwa Lefaimu;
23
ū Daūdi ūmūja hangī ū SEEBA. Ūng'wīla, “Yaya ū kūja wabisongaga, pīndaga ūkabizīīle kū numa yabo, ūlabadumīle wishīkīgije mu mitī ya mifolosadi.
24
Na lūūlū ūlū wigwa mishaadūko kwigūlya ya matambī ga mifolosaadi gītī banhū bingī bakūshimīzaga, a henaho kalaganaga lūūlū wandye milīmo; nguno numho ū SEEBA watongelaga ū kū būtongi wako, akūlītūlaga ī libità lya Bafilisiti.”
25
Ng'hana ū Daūdi wīta gīt'ūmo SEEBA akanagīīlīla; ūbatūlagūla a Bafilisiti nzīla ngima kwandīja Geba kūshisha Gezeeli.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24