bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Samuel 22
2 Samuel 22
Sukuma 2019
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
1
Ū Daūdi ūng'wīmbīla ū SEEBA, aho ū SEEBA wampīja ū kū banishi bakwe bose pye, nū kūfuma ū mu nkono go ng'wa Saulo. Wīmba alīhaya mihayo īyī:
2
“Ū SEEBA alī shiganga shane, hū ng'wene ipeelelo lyane na nkomooji wane;
3
Ū Mulungu wane h'ūyo alī shiganga shane, h'ūko nakapeelelaga; hū ng'wene ūyo alī lūmūda lwane na mhembe ya būpīji wane. Alī ibūngīlo lyane, hama alī ipeelelo lyane na mpīja wane; ūlī mpīja wane kūfuma mu nkono gwa biboneeji.
4
Ū SEEBA ūyo igeleelilwe kūkumīlījiwa hū ng'wene nakanīlīīlaga wanipīja ū kū banishi bane.
5
Mahuuli ga kūcha gaalī gaanipīndije, mihūūmo ya būkenaagūji yegeela kūnikundīkīja.
6
Ngoye ja kūlimu jūnibohya, mitego ya kūcha yūnikiimaalīla.
7
Aho naalī mu makoye nakanīlīīla SEEBA, nūng'witana ū Mulungu wane. Ūniigwa ī lilaka lyane kūfuma mu hekalu yakwe; ū kūlīla kwane kūshika ū mu matū gakwe.
8
Ī sī yūtingina, na kūyengeela, Ī misingi ya ng'wigūlū yūdetema; yūdetema nguno akasaaya no.
9
Ū mu mūūlū gakwe lyūfuma lyochi; nū mu nomo gwakwe gūfuma moto nkalī, makala gaaza gūfuma mo gakūbakaga.
10
Ūlīlugūla ī ligūlū wika hasī, Ī mhambala jakwe jīmīīla ha malunde gaapi.
11
Hūna ūdamhīla makelubi ūlala ajile; wigasha ha manana ga lūyaga, ūlelema ajile.
12
Giiti shūmpīndya, hūbiza wikalo wakwe, malunde ga mbula madito gūmpīndya.
13
Kūlwa nguno ya būng'weku w'ikūjo lyakwe, ndali ja moto jūng'weng'weeta.
14
Ū SEEBA ūpalalūka kūfuma ng'wilunde. Ūyo alī higūlya no ūtūma mihilimo yakwe.
15
Ūlasa masonga gakwe ūbasambaaja a banishi; ūtūma būpalalūki wa ng'hūba jakwe ūbakenaagūla.
16
Kūlwa kahamīle ka ng'wa SEEBA, alichene, kūlwa kafuulīle ka myūyī ya mūūlū gakwe, ī nzīla ja mu būjiba wa nyanza jiyeeleka ha ng'wape, nī misingi ya sī yūbiza hape.
17
Winama kūfuma ng'wigūlū ūnidima; ūnizubūla kūfuma mu būjiba wa minzī mashimu.
18
Ūnipīja kūfuma kūlī ng'wanishi wane ū wa nguzu ningī, kūfuma kūbo abo banikolilwe, abo nī nguzu baniheebile.
19
Bakiza kūnūbūkīla ng'wikanza lya makoye gane, alīyo ū SEEBA ūnigunanha.
20
Ūnisola ūnitūūla h'ipandī lya ng'wanya ngalī; ūnipīja nguno aniyegelile.
21
Ū SEEBA wanītīlile yawiza kūlenganīla na būtūngīlīja wane; waninong'hile kūlenganīla na wela wa makono gane.
22
Nguno najidimile ī nzīla ja ng'wa SEEBA. Nataalī kwīta yabūbi kūlwa kūgalūka na kūneka ū Mulungu wane.
23
Ī nzīla jakwe jose jilī kū būtongi wane; nataalī kūgalūka kūshileka ī shilagīlo shakwe.
24
Ū kūlī we natī na shilingo; nū kū mihayo yabūbi nalī ng'wilang'hani.
25
Ū SEEBA waninong'hile kūlenganīla na būtūngīlīja wane; kūlenganīla na wela wane kū būtongi wakwe.
26
Ū kūlī nsanyiwa ūkiyoolechaga gīkī ūlī wa kūsanyiwa; ū kūlī we ūyo atī na shilingo ūkiyoolechaga ūtī na shilingo.
27
Ū kūlī ng'wela ūkiyoolechaga ūlī ng'wela; alīyo ū kūlī nkenaagūji ūkiyoolechaga ūlī nkalī.
28
A bidoohya ūkabapījaga; alīyo a miso gako gabalolile a bikumīlīja kūlwa kūbagwisha.
29
SEEBA ūlī tala yane; ū SEEBA akashigalūchaga ī giiti shane lyabiza isana.
30
Kūlwa būgunanhi wako nadūgije kūpyena'ibità lya bilwisha; kūlwa būgunanhi bo ng'wa Mulungu wane nakizwanukaga ndugu.
31
Ū SEEBA ū ng'wene ī nzīla yakwe ngololoku; ū mhayo go ng'wa SEEBA gūtī na būka. Ū wei alī lūmūda kū bose abo bakūpeelela kūlī we.
32
Angū, nani ūngī ū Mulungu ūlū atī SEEBA we wike? Nū Shiganga alīho nani ūlū atī ū Mulungu wise?
33
Ū ng'winhi wane wa nguzu ng'wene Mulungu; nī nzīla yane hū wei akanigoloolelaga.
34
Ī mhambala jane akajinhaga būdūla wa kūpeela gītī saala; akanigunanhaga kwīmīīla ha gūngūhu ha ngūlya.
35
A makono gane akagalangaga mihayo ya būlūgū; nose nadūgije kūgoma nūūlū būta wa chūma sha shaba.
36
Ūkaninhaga lūmūda lwa būtindi wako; ūkinamaga wanegeela gīkī ūnīte kūbiza nalī nkūjiwa.
37
Ī nzīla yane ūkanigalīhījaga a ha kūpanda, Ī mhambala jane jitizūtala jikīnga ū mu nzīla.
38
“A banishi bane nakaboolomya kūshisha nūbakenaagūla; natashokile kū numa kūshisha kūbamala gete.
39
Nakabatobagūla gete batabūūkile hangī, bakagwa hasī kū mhambala jane.
40
Ūkaninha nguzu ja kūlwīla mu būlūgū; a banishi bane ūbinamya kū mhambala jane.
41
A banishi bane ūkabīīta kūninhīla ngongo būpeela; abo banikolilwe nūbakenaagūla.
42
Bakalīla no balīkooba wa kūbagunanha, alīyo atigelile ū wa kūbapīja; būnīlīīla ū SEEBA, alīyo atabashokegije mhayo gose gose.
43
Nakabatobagūla, nūbashigina gītī lūbuubu lwa hasī; nūbapandagīla na kūbatobanga gītī tembe mu makūūwa.
44
“Nū mu kūgomelwa na banhū bane wanipīgije bebe; ūnilang'hana ūnīta kūbiza ntwe higūlya ya mahanga; na a babo naalī natabamanile balī ha sīlīlī ya būsugi wane.
45
Banhū bageni bakwizaga mu wibeeleleja wa higūlya gūlya; ūlū baalwigwa ū lūkumo lwane bakūgalūkaga wangū babiza bigwi.
46
Pye gete bakūgwaga ng'holò; bakwizaga kūnū bakūdetemaga kūfuma ū kū wibisīlo wabo.
47
“Ū SEEBA alī mpanga! Akumīlījiwe ūyo alī Shiganga shane! Agūngūhiwe ū Mulungu ūyo alī Shiganga, ū Mpīja wane!
48
Ū ng'wenūyo alī Mulungu ūyo akanilīpīlaga shiilī; hū ng'wene ūyo akūgatūūlaga mahanga ha sīlīlī yane,
49
hū ng'wene ūyo akūnīnjaga mu makono ga banishi bane. Ūkūnigūngūhyaga higūlya ya banhū abo banikolilwe; nū kūfuma ū mu nkono gwa ng'wiboneeji ūkūnipījaga bebe.
50
Na lūūlū nakūkūkumīlīja SEEBA ū mu mahanga; nakwīmba mīmbo ga kūlīgongoola ī lina lyako.
51
Akang'winhaga būtindi būtaale ū ntemi wakwe; ū ng'witīīlwa maguta wakwe akang'olekejaga wiza būtī wa kūkalīka, ū Daūdi nī shibyalīlwe shakwe kūshisha welelo bose.”
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24