bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Samuel 8
2 Samuel 8
Sukuma 2019
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 9 →
1
Hanuma ya yose yenīyī, ū Daūdi ūbapyena a Bafilisiti; nīyo ūbasuga būbiza ha sīlīlī yakwe gete. Nū nzengo gwa Metegama ūgūsola kūfuma ū mu makono gabo.
2
Na a Bamoabu ūbapyeena, nīyo a bene ūlagīla balambalale hasī, hūna lūyūtūmamīlwa lūgoye lwa būlīhu būlebe, lwagoloolwa shipimo shibīlī wababūlaga a benabo, ī sha kadatū wabaleka bikala bapanga. Na lūūlū ū mu gīko a Bamoabu būbiza ha sīlīlī ya ng'wa Daūdi, ūyūbatobisha goodi.
3
Ikanza ilebe ū Daūdi wajaga kū mongo gwa Flati kūtūūla meng'ho ja lūbīmbī lwa būsugi wakwe, aho alī mu nzīla wilwisha būlūgū na ntemi Hadadeza wa Zoba, ng'witūnja o ng'wa Lehobu.
4
Ū Daūdi ūdima magogoteni ga būlūgū shihūmbī shimò ga ng'wa Hadadeza, na badamhīji ba falasa shihūmbī mpungatī, na bashilikale shihūmbī makūmi abīlī ba kūshimīza bo magūlū. Ī falasa ī ningī ūjitīna a matimba, ūlekeela igana līmò.
5
Biza Baalamu ba Damasiko kūngunanha ū Hadadeza ū ntemi wa Zoba, alīyo ū Daūdi ūbabūlaga banhū shihūmbī makūmi abīlī ū mubo.
6
Ū Daūdi ūtūūla ng'hambī ja bashilikale ba kūlang'hana ū mu Alamu ya Damasiko; na a Baalamu būbiza ha sīlīlī ya būsugi wakwe, nabo ūyūbatobisha goodi. Ū SEEBA wang'winhaga ū Daūdi būtindi būlī kwene ūko wajaga.
7
Batūmami ba ng'wa Hadadeza baalī na mūda ja zahabu ūjisola ū Daūdi, ūja najo Yelusalemu.
8
Ū Daūdi ūsola shaba ningī no kūfuma ū mu mizengo ya ng'wa Hadadeza ya Teba na Belotai.
9
Ntemi Toi wa Hamati aho wigwa gīkī ū Daūdi walīpyenile pyī ī libità lya ng'wa Hadadeza,
10
ūntūma ng'witūnja wakwe Yolamu ūja ū kūlī ntemi Daūdi kūngīsha na kūnūmba, kūlwa nguno ya kūmpyena ū Hadadeza ū mu būlūgū, nguno ng'hangala ningī ū Hadadeza wikalaga wiza kūndumīla ū Toi. Ū Yolamu aho wiza akenha shikolo sha feza, na sha zahabu, na sha shaba.
11
Ī shose shenīshi ū ntemi Daūdi ūmfunīja SEEBA, gīt'ūmo walī wajīītīla ī feza nī zahabu ja kūfuma kū mahanga a gangī, ayo walī wagapyena,
12
mahanga gītī ga Edomu, Moabu, Baamoni na Bafilisiti, na Baamaleki. Nī shisho shikading'wa kūfuma kūlī Hadadeza ng'witūnja o ng'wa Lehobu ntemi wa Zoba.
13
Ū lūkumo lwa ng'wa Daūdi lūkongeja no ū kūsambaala aho wafuma kūbabūlaga Baedomu shihūmbī ikūmi na shinaane kū sī ya ntubīlo, īyo yalī sī ya munhu.
14
Ū mu sī ya Edomu ūtūūla ng'hambī ningī ja bashilikale ba kūlang'hana, nīyo pye a Baedomu būbiza ha sīlīlī ya būsugi bo ng'wa Daūdi. Nguno ū SEEBA wang'winhaga ū Daūdi būtindi būlī kwene ūko wajaga.
15
Hūna lūūlū ū Daūdi ūbiza nsugi wabo pye a Baisilaeli, ū būsugi wakwe ū kū banhū bakwe bose walī wawiza na būtūngīlīgije.
16
Ū ntaale wa mabità ga bashilikale walī Yoabu ng'wana Seluya; ū ng'wandīki wa mihayo ya būsugi walī Yehoshafati ng'witūnja o ng'wa Ahiludi.
17
A bagabīji baalī Sadoki ng'witūnja o ng'wa Ahitubu na Ahimeleki ng'witūnja o ng'wa Abiataali; Selaya walī ng'wandīki.
18
Benaya ng'witūnja o ng'wa Yehoyada walī ntaale wa Bakeleeti na Bapeleeti; a bitūnja ba ng'wa Daūdi baalī bagabīji.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24