bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Samuel 17
2 Samuel 17
Sukuma 2019
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 18 →
1
Ū Ahisofeeli ongeja kūng'wīla ū Abusalomu, “Nizunīlījage nasolanhye banhū shihūmbī ikūmi na shibīlī nabūūke ū būjikū wa lelo yenīyī nankūūbīje ū Daūdi.
2
Nakūja nakang'wisanganīje aho ataalī asedeekile na anogile, nang'wibakīje abbahe, bampeele pye a banhū abo balī hamò nang'hwe. Ū nene nakūntūla ū ntemi dūhū,
3
nūkwenhela a banhū. Ū munhū ūyo ūlīnkooba ūlū ūcha bakūshoka dūhū a banhū, nīyo pye bakūbiza balī mhola.”
4
Ū mhayo gwenūyo gūnyeja ū Abusalomu na a banamhala ba Isilaeli a bose.
5
Alīyo ū Abusalomu ūhaya, “Aling'witanagi nū Hushai ū muna Aliki, tūng'wigwe nang'hwe ū būhayi wakwe.”
6
Ū Hushai aho washika ū kū būtongi bo ng'wa Abusalomu, ū Abusalomu ūhaya, “Ū Ahisofeeli wahayaga twīte gīkī na gīkī, ūlībona kinehe, twīte ūmo wahayīlaga? Ūlū ītī chene twinhage nang'ho ū būganikīji wako.”
7
Ū Hushai ūhaya, “A maganiko ga ng'wa Ahisofeeli gatī gawiza ī likanza īlī.
8
Ū bebe ūndeebile ūmo alī ū so na a banhū bakwe; ūmanile gīkī a boi balī banhū ba būlūgū ba shikū ningī, nīyo ī haha basaayaga no gītī ndūba yīngījiagwa baana bayo. Hama a higūlya ya henaho ūmanile gīkī ū so ayīmanīīlile ī mihayo ya būlūgū, ū būjikū wenūbū atūbiza ho a ha banhū.
9
Nīyo nūūlū nī haha wamalaga kūbiswa ng'wihalo ilebe, nūūlū alī ipandī līngī. Hama a banhū abo balaatonge ū kūbūlagwa, ū lūkumo lūkūsambaala hose pyī; gīkī, ‘Bashila kūcha a banhū ba ng'wa Abusalomu.’
10
Na lūūlū a henaho nūūlū ūbiza alīho nshilikale wa ng'holò gītī ya shimba, akwaaba gītī būgondo kūlwa kogoha, nguno pye a Baisilaeli bamanile gīkī ū so ng'wene munhū wa būlūgū, na a babo balī kū lwandī lwakwe bakaja shū.
11
Na lūūlū nidegelekage nane a maganiko gane; gīkī, pye a Baisilaeli babilingwe kwandīja Dani kūshisha Beeli-sheba. Bize a halī bebe bingī gete gītī maseni ga ha ng'walo gwa nyanza, hūna ūbatongeele bebe ng'wenekīlī ū kū būlūgū.
12
Tūje tūkūnkobyaga hose hose ūko alabize wibisaga, tūkang'wikīīle gītī lūme kwika hasī; atūpīla nūūlū hado pye na a banhū bakwe.
13
Ūlū wihamba kūpeelela kū nzengo nebe, a henaho pye a Baisilaeli bakwiza gītī balī na ngoye j'igokoolo, bagūholomole ū nzengo gwenūyo pye gete kūja kū longa; katizūsaaga ho nūūlū kamenyulwa kado k'iwe.”
14
Ū Abusalomu na a Baisilaeli a bose būhaya, “A maganiko ga ng'wa Hushai ū muna Aliki gabeela kūtinda a ga ng'wa Ahisofeeli.” Īkaja gīko nguno ū SEEBA walī wahela gīkī a kahelele ka ng'wa Ahisofeeli kabipiwe, ū Abusalomu agwīlwe mhayo gwabūbi.
15
Hūna ū Hushai ūbawīla a bagabīji, ū Sadoki nū Abiasaali; ūhaya, “Ū Ahisofeeli walī wang'wīla ū Abusalomu na a banamhala ba Isilaeli kwīta gīkī na gīkī, alīyo ū nene nūbawīla hambū hambū ūlū kwīta gīkī na gīkī.
16
Alilūūlū, twalagi mhola ī haha ū kūlī Daūdi, mung'wīle gīkī, ‘Ūtizūshika a ha būkīlīlo wa mongo ū ng'wikūngū ūlaale henaho, kīlaga gete ī lelo yenīyī, yaya ū kwilewa; ūlū wilewa īkūbipa ī mihayo, ū ntemi akūmilwa, pye na a banhū abo alī nabo!’”
17
A basūmba a ba Yonasani nū Ahimaazi baalī baalenda Enilogeni; baalindīīlīlaga kwenūko ī mihayo, a boi yalī yaya gete ū kūbonwa balingīla ū mu nzengo. Walīho ng'wanikī ntūmami walī wasolwa kūyūbatwalīla koi ī mhola, hūna nabo baja ū kūlī ntemi Daūdi bakang'wīla.
18
Alīyo nsūmba nebe akababona, ūng'wīla ū Abusalomu; na lūūlū a basūmba benabo būbīlī wabo bīnga wangū wangū, būja Bahulimu ha kaya ya ngosha ūmò walī na lwinzī ha gwalugwa yakwe, bika ng'wenūmo.
19
Ū nke wa ngosha ng'wenūyo ūsola ikundīkījo ūkundīkīja a ha nomo gwa lwinzī, hūna wanikīla ho būsīga; yūbiza shilambū ū kūdeeba.
20
A banhū ba ng'wa Abusalomu aho biza a halī nkīma ng'wenūyo būmūūja, “Baja halī a ba Ahimaazi nū Yonasani?” Ū nkīma ng'wene ūbashokeja, “Bakīlaga mongo.” Abo baalī batūng'wa būgema ū kūbakooba, alīyo batabapandīkile, būshoka Yelusalemu dūhū.
21
Abo baalī batūng'wa aho bīnga, a basūmba a babīlī benabo būfuma ū mu lwinzī, būja ū kūlī Daūdi būūkang'winha ī mhola. Būng'wīla, “Igolanyagi wangū mugūkīle ū mongo, nguno ū Ahisofeeli wīhelaga gīkī na gīkī ī mihayo ya kūng'wītīla.”
22
Na lūūlū ū Daūdi na a banhū pye abo baalī hamò nang'hwe būbūūka būgūkīla ū mongo gwa Yolodani. Aho būleela ū būjikū walī atīho nūūlū ūmò ūyo walī ataalī ū kwīkīla ī Yolodani.
23
Alīyo ū Ahisofeeli aho wabona gīkī ū mhayo gwakwe gwaleka ū kūlondeelwa, ūgolanya nzobe yakwe ūdamhīla ūja kū nzengo gwa ng'wawe; ūshika ūlonja lonja ya ha ng'wakwe, hanuma winija ūcha; ūjīkwa mu shigila sha ng'wa ise!
24
Hūna ū Daūdi ūja ūūkashika Mahanaimu; ū Abusalomu nang'hwe ūgūkīla ū mongo gwa Yolodani na a Baisilaeli a bose.
25
Ū Abusalomu walī wamala kūnsola Amasa kūbiza ntaale wa mabità a ha ng'wanya go ng'wa Yoabu. Ū Amasa walī ng'witūnja wa Ng'wisilaeli nebe witanagwa Isila, walī wantoola nshīke o ng'wa Nahashi Abigaili, ng'wana wa ng'wawe na Seluya ū nina o ng'wa Yoabu.
26
A Baisilaeli nū Abusalomu būtūūla ng'hambī yabo mu Gileadi.
27
Ū Daūdi aho washika ī Mahanaimu, ūnsanga ho Shoobi ng'witūnja o ng'wa Nahashi muna Laba ya Amoni, na Makili ng'witūnja o ng'wa Amieli muna Lodebaali, na Bazilai muna Logelimu ya Gileadi.
28
A banhū benabo baalī bang'wīma nzīla ū Daūdi, biza na shilaalīlo na shiseme sha kūtūmamīla, mabakūli na nungū; hamò na ngano, būsīga, būsu, na shisuumo shikalangilwe, mahalage na nduulu.
29
Na būūkī baalī nabo, na mabeelè galaalile, ng'holo, shibanda sha mashishanga galaalile. Ī shose shenīshi shalī sha kūlya ū Daūdi na a banhū abo baalī hamò nang'hwe. Nguno bakahaya, “Lyabanojaga ī litogolo a banhū, nū kūtuuba bigwaga, nī notà yabaminyaga!”
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24