bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Samuel 19
2 Samuel 19
Sukuma 2019
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 20 →
1
Ū Yoabu ūwīlwa, “Ū ntemi alīīlīla ng'hūngū; alīnīla ū Abusalomu.”
2
Ū kwibità lyose ū būtindi wa lūshikū lwenūlo būgalūka kūbiza ng'hūngū; nguno ū mu lūshikū lwenūlo a bashilikale būyigwa gūlīhayiwa būlī kwene, “Ū ntemi alīnīla ū ng'witūnja wakwe.”
3
Ū lūshikū lwenūlo a bashilikale būyingīla ū mu kaya jabo bakūsoota sootaga, gītī banhū baminyiagwa soni kūlwa nguno ya kūpeela būlūgū.
4
Ū ntemi wikundīkīja ū kū ntwe, kūnū akūlīlaga ng'hūngū n'ilaka lya higūlya akūhayaga, “Aaga ng'wana wane Abusalomu! Aaga, Abusalomu, ng'wana wane, ng'wana wane!”
5
Hūna ū Yoabu wingīla ū mu kaya ūmo walī ū ntemi; ūūkang'wīla, “Ī lelo wabagoola no pye a banhū bako abo babūpījaga ū būpanga wako na a bitūnja bako na a bashīke bako, na a bake bako a bataale na a bado.
6
Nguno gashi ū bebe ūbatogilwe abo batakūtogilwe, hama abo bakūtogilwe h'abo ūtabatogagwa. Ī lelo oolecha hape gīkī gashi a bataale ba mabità gako batī kīnhū ū kūlī bebe. Nalībona gīkī n'ūlī na būyegi no ī lelo ūlū ni alīho mpanga ū Abusalomu, a bise pye ūmo tūgelelile tūbiza twachaaga!
7
Alilūūlū, ī haaha fumaga ī hanze ūkabatimbye moyo a batūmami bako, nguno nalī kwilahīlīla mu lina lya ng'wa SEEBA gīkī ūlū ūtītile gīko, ū kūlinda lyagwa ī līīmi ūtūsaaga na munhū nūūlū ūmò yaya. Ū mhayo gwenūyo gūkūbiza gwabūbi no ū kūlī bebe, kūtinda yose īyo yabīta kūkwilongela ū mu būpanga wako, kūfumīīla būnīgīnī wako kūshisha lelo.”
8
Na lūūlū ū ntemi ūbūūka ūja a ha mita ūkigasha a h'isumbī lyakwe. A banhū aho bawīlwa, “Ūūyo ū ntemi wigasha a hisumbī lyakwe a ha mita.” Pye a banhū biza aho walī ū ntemi. Ī likanza lyenīlo a Baisilaeli baalī baapeela, būlī munhū ūja kū ng'wakwe.
9
A banhū ū mu ng'anda ja Baisilaeli ī jose būyihalalīja boi na boi bakūhayaga, “Ū ntemi ng'wenūyū hū mpīja wise kūfuma ū mu makono ga banishi bise; hū ng'wene ūyo watūpīja nū mu nkono gwa Bafilisiti; gwike ī haha wīpeelile ī sī kūlwa nguno ya ng'wa Abusalomu.
10
Alīyo hangī ū Abusalomu ūyo twalī twang'witīīlile maguta gīkī atūsuge wachīla mu būlūgū. Nibūlī lūūlū ī haha mutūhayaga mhayo gose gose gwa kūnshosha ū ntemi?”
11
Ū ntemi Daūdi ūtūma nhūng'wa ū kū bagabīji, ū Sadoki nū Abiasaali; alībawīla, “Babūūjagi a banamhala ba Yuda gīkī, ‘Nibūlī a bing'we mulībiza badito ū kūnshosha ū ntemi ū kwikūlū lyakwe? Nguno īyo īkūhayiagwa ū mu Isilaeli yampandīkile ū ntemi ūko akwikalaga!
12
A bing'we mulī badūgū bane gete, mulī bane ba mīlī na mininga! Hama nibūlī lūūlū mulekwe kū numa ū mu mhayo gwa kūng'wenha kaya ū ntemi?’
13
Ū Amasa nang'hwe ng'wīlagi gīkī, ‘Ū bebe, ūtī mīlī gwane gete na mininga gane? Ū Mulungu ni anitūlage hataale na kūtinda ho, ūlū natakwītile ū bebe kūfuma lelo īyī ūbize ntaale wa mabità gane a ha ng'wanya go ng'wa Yoabu!’”
14
Ūbiza wajiduta pye ng'holò ja banhū ba Yuda, būngalūkīla mu būsangī bumò. Būntwalīla mhola ū ntemi balīng'wīla, “Shokaga wize nabo pye a banhū bako.”
15
Na ng'hana ū ntemi ūbūūka ashokile, ūūkashika kū mongo gwa Yolodani. A banhū ba Yuda būja Giligaali gīkī bakansūng'wanhīle kwenūko ū ntemi, bankīje ū mongo gwa Yolodani.
16
Ū Shimei wa Bahulimu ū ng'witūnja o ng'wa Gela, wa lūganda lwa Benjamini, wihuuta ajile hamò na a banhū ba Yuda ū kūjūnsūng'wanha ū ntemi Daūdi.
17
Walī hamò na banhū bangī shihūmbī shimò ba lūganda lwa Benjamini; nū Ziba ū nang'hani wa kaya ya ng'wa Saulo, nang'hwe walīho hamò na a bitūnja bakwe ab'ikūmi na batanò, na a batūmami bakwe abo makūmi abīlī. Pye a benabo būpeela bajile ū kū mongo gwa Yolodani ūko walī ū ntemi.
18
Būkīlīla a ha būkīlīlo, būja ūko yalī ī kaya ya ntemi kūja kūlonja lonja īyo alabawīle ū ntemi. Ū Shimei ū ng'witūnja o ng'wa Gela aho wagūkīla ū mongo gwa Yolodani ūshika ū kū būtongi wa ntemi ūgwa hasī ūsheeleela.
19
Hūna ūhaya, “Nalīnomba ū baba būgonzo atizūniisaabīla ū būbi wane. Nalīkwikūmbīlīja ūtizūwizūkwa ū būbi wa ntūmami wako, ūmo akahūbīla lūshikū lwene ū baba būgonzo ū ntemi wīngaga Yelusalemu. Ū ntemi ni īponyage gete ī yenīyo, yīnge ū mu maganiko gakwe.
20
Nguno ū nene ntūmami wako namanile gīkī naalī nahūba, na lūūlū ī lelo nizaga kūng'wīma nzīla ū baba būgonzo ū ntemi; ū mu numba yose ya ng'wa Yosefu nalī wa kwandya ū kūshika a henaha.”
21
Hūna ū Abishai ū ng'wana Seluya ūhaya, “Ū Shimei atūbūlagwa kūlwa nguno ya kūndūkagūla ū ng'witīīlwa maguta o ng'wa SEEBA?”
22
Alīyo ū Daūdi ūshosha ūhaya, “Bing'we ba ng'wana Seluya, mulī na mhayo kī shi ī gete ū kūlī nene? Nguno ī lelo ng'wabizaga gītī mulī banishi ū kūlī nene! Ī lelo īyī adūgije kūbūlagwa munhū ū mu Isilaeli? Angū, natamanile gīkī ī lelo nalī ntemi ū mu Isilaeli?”
23
Hūna ū ntemi ūng'wīla ū Shimei, “Ūtūcha.” Nīyo ū ntemi ongeja na shilahīlo a ha mhayo gwenūyo.
24
Nū Mefi-boshesi ū ng'witūnja o ng'wa Saulo walī wiza ū kūnsūng'wanha ū ntemi; ū mīlī gwalī gwasoteela nguno walī ooya ū kwidīlīla kūfuma lūshikū ūlo ntemi akīngīla, kūshisha lūshikū lwa kūshoka kwakwe mu mhola, ī mhambala jalī sagala sagala, nī ndezu walī oya ū kūmooga, nī shizwalo shakwe shalī shitafulilwe.
25
Aho wiza kūfuma ī Yelusalemu kūnsūng'wanha ū ntemi, ū ntemi ūmūja, “Nibūlī ūtajile hamò nane Mefi-boshesi?”
26
Ūshosha alīhaya, “Baba būgonzo ntemi wane, ū nene ntūmami wako īkī nalemehalile nakang'wīla ū ntūmami wane, ‘Nilonja longejage nzobe hoi nadamhīle naje nū ntemi, alīyo ūniba nkoba;
27
hanuma hangī hū wandya kūhaya būlomolomo, akūnilembekejaga ū kūlī baba būgonzo ū ntemi wane. Alīyo ū baba būngonzo ū ntemi wane alī gītī malaika o ng'wa Mulungu, na lūūlū ītaga dūhū ūyo gūlībeela ū kūlī bebe.
28
Nguno ī shibyalīlwe sha ng'wa gūkū shitigeleelilwe kwanukūla wiza bose bose ū kūfuma ū kūlī baba būgonzo ū ntemi, alīyo ū ntūmami wako wang'wegeleja kwigasha hamò na banhū abo ūkalyaga nabo ha meeza yako. Ū nene nalī na kī nose nikale nakūlīla līlaga kūlī ntemi?’”
29
Ū ntemi ūhaya, “Nibūlī ūlitolongola mihayo mingī gīko? Ī haha ū būlamuji wane būlī gīkī, ū bebe nū Ziba mukūgagabanha a malaale.”
30
Ū Mefi-boshesi ūhaya, “Ni atwaalage pyī ī shose dūhū īkī ū baba būgonzo ū ntemi washokaga kaya alī mhola.”
31
Ū Bazilai ū muna Logelimu ya Gileadi wiza nang'hwe ū kū mongo gwa Yolodani, ūgūkīla nang'hwe hamò nū ntemi gīkī akilagīle nang'hwe kū nkīlo.
32
Ū Bazilai ng'wenūyo walī namhala wa shikū ningī, walī na myaka makūmi anaane. Akangunanha no ū ntemi aho alī Mahanaimu, nguno walī munhū nsabi kīngī nasho.
33
Na lūūlū ū ntemi ūng'wīla ū Bazilai, “Gūkīlage ū mongo tūje Yelusalemu ūkikale hamò nane, nakūja nakakūlang'hane.”
34
Alīyo ū Bazilai ūhaya, “Ū nene nasaajaga myaka yīnga ī ya būpanga wane nose naje Yelusalemu hamò na ntemi?
35
Ī lelo nalī na būlamu wa myaka makūmi anaane; nadūgije kūshikomanya ī shikolo ī sha kūyeja nī shisho shitī sha kūyeja? Ū ntūmami wako adūgije kūshilūmba gete īsho akūlyaga nī shisho akūng'waga? Ū nene nataalī nadūgije kwigwa būnonu wa malaka ga basūmba na banhya ūlū bakwīmbaga? Īlīho nguno kī ū ntūmami wako ū kūng'ongeleleja nigo ū baba būgonzo ū ntemi?
36
Ū ntūmami wako akūgūkīla dūhū ū mongo gwa Yolodani, aje ibbaala iguhī nū ntemi. Nibūlī ū ntemi alīninha inong'ho itaale gīko ū nene?
37
Nzunīlījage ū ntūmami wako ashoke, nakachīle kū nzengo gwa ng'wise, hihī na shigila sha ng'wa baba na mayū. Alīho ūūyū ntūmami wako Kimhamu; ni akīlage ū wei hamò nū baba būgonzo ū ntemi, ūkang'wītīle ī yawiza gīt'ūmo ūtogelilwe.”
38
Ū ntemi ūhaya, “Naheene lūūlū ū Kimhamu akūkīla hamò nane naje nakang'wītīle būlī mhayo ūyo ūlībona gūlī gwawiza ū kūlī bebe. Nīyo shose shose īsho ūlītogwa kūfuma kūlī nene nakūkwītīla dūhū.”
39
Hūna pye a banhū būgūkīla ū mongo, hanuma ya henaho nū ntemi ūkīla. Ū ntemi ūmbipa ū Bazilai, ūmfuuha na kūmfuuha jakwe, hūna ū Bazilai ūshoka kū ng'wakwe.
40
Ū ntemi aho alīkīla kūja ī Giligaali, nū Kimhamu ūkīla hamò nang'hwe. Pye a mabità ga bashilikale ba Yuda na nusu ya bashilikale ba Isilaeli baalī hamò a ha kūnkīja ū mongo ū ntemi.
41
Pye a Baisilaeli būng'wegeela ū ntemi būng'wīla, “Ni kinehe a badūgū bise a banhū ba Yuda balīnkīja mongo mu wiba wiba gīko ū ntemi nī kaya yakwe na a banhū bakwe a bose?”
42
A banhū ba Yuda būbashokeja a Baisilaeli balīhaya, “Ū gwenūyū twagwītaga nguno ū būdūgū wa ntemi ū kū bise būlī bbihī kūtinda ū kū bing'we, hama kī lūūlū īsho shilīmusaayīcha? Muliganika a bise twalyaga shikolo sha ntemi shose shose? Nūūlū twasolaga shikolo shing'we shose shose a bing'we?”
43
A Baisilaeli būbashokeja a banhū ba Yuda būhaya, “A bise tūlī ng'anda ikūmi, na lūūlū shiigelile atūdegeleke a bise ū Daūdi kūtinda a bing'we; nibūlī mulītwibengeleja gīko? Ī gīsī tūtandije bise ū kūgūyomba ū gwa kūnshosha ū ntemi wise?” Alīyo a banhū ba Yuda būbiza bakalī no ū mu kalūngalūngīle kabo, kūtinda a Baisilaeli.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24