bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Samuel 2
2 Samuel 2
Sukuma 2019
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
1
Ū mu shikū jenīlo ū Daūdi ūmūja ū SEEBA, “Naje kū nzengo gūmò gwaho ū mu sī ya Yuda?” Ū SEEBA ūng'wīla, “Jaga.” Ū Daūdi ūbūūja hangī, “Halī ūko naje?” Ū SEEBA ūng'wīla, “Jaga Hebuloni.”
2
Na lūūlū ū Daūdi ūja ko ng'hana, na a bake bakwe a babīlī, ū Ahinoamu wa Yezileeli nū Abigaili ūyo walī nke o ng'wa Nabaali muna Kalimeli.
3
Ū Daūdi ūbasola na a banhū abo bajaga hose hose hamò nang'hwe; būlī ng'wene na kaya yakwe, ūja nabo būūkabiza bikaji ba kū mizengo ya Hebuloni.
4
Hūna a banhū ba Yuda biza ī Hebuloni, būng'witīīla maguta ū Daūdi gīkī abize ntemi wa numba ya Yuda. Aho bang'winha ī mhola ū Daūdi gīkī a bana Yabeshi-gileadi hū bene abo bakanjīka ū Saulo,
5
ūbatūmīla nhūng'wa a banhū ba Yabeshi-gileadi; ūbawīla, “Ū SEEBA ang'wīlūkīle a bing'we kūlwa nguno ya kūng'wītīla ū wiza wenūbo ū sīng'we būgonzo ū Saulo, ng'ūnjīka na kūnjīka.
6
Nīyo ū SEEBA leki ang'olekeje wiza na būtogwa būtaale; nū nene nakūng'olekeja wiza bo mbika yenīyo kūlwa nguno ng'wagwītile ū mhayo gwenūyo.
7
Alilūūlū, īmagi hīgīyī na mubize bashisha ng'holò; nguno a banhū ba numba ya Yuda banītile ū nene kūbiza ntemi wabo, aho waacha ū sīng'we būgonzo ū Saulo.”
8
Ū ng'wikanza lyenīlo ū Abuneeli, ng'witūnja o ng'wa Neeli, ūyo walī ntaale wa mabità ga ng'wa Saulo, ūsangwa wansolile ū Ishi-boshesi ū ng'witūnja o ng'wa Saulo, ūntwala Mahanaimu.
9
Ūūkang'wīta kūbiza ntemi wa banhū ba Gileadi, Ashuli, Yezileeli, na a banhū ba Efulaimu, Benjamini nī Isilaeli ī yose.
10
Ū Ishi-boshesi ng'witūnja o ng'wa Saulo aho alītūūlwa kūbiza ntemi wa Isilaeli walī na myaka makūmi anè, ūsuga ikanza lya myaka ībīlī. Alīyo ī numba ya ng'wa Yuda ī yene yūnondeela Daūdi.
11
Ī likanza ī lyose īlo walī Hebuloni ū Daūdi aho alī ntemi wa Yuda, lyalī myaka mpungatī na myeji ītandatū.
12
Ū Abuneeli ng'witūnja o ng'wa Neeli ūbūūka ī Mahanaimu kūja Gibeoni, hamò na banhū ba ng'wa Ishi-bosheti ū ng'witūnja o ng'wa Saulo.
13
Ū Yoabu ng'wana Seluya nang'hwe ūja koi na banhū ba ng'wa Daūdi; būūkamanhīja kwilambo lya Gibeoni. Ibità līmò ligasha kū lwandī ūlū ū lwilambo lyenīlo, nī libità ī līngī ligasha ū kū lwandī ū lūngī; gikimaalīla.
14
Kwimanīla ū Abuneeli wang'wīla ū Yoabu, “Ni babūkage a bayanda bigushe tūlole!” Yoabu nang'hwe ūzunya alīhaya, “Būgatū ni babūkage.”
15
Būbūūka ng'hana, būbalwa ikūmi na babīlī a ba lwandī lwa Benjamini, ū kūlī Ishi-boshesi ng'witūnja o ng'wa Saulo; na a ba lwandī lwa ng'wa Daūdi ikūmi na babīlī.
16
Hūna būlī ng'wene ūndima ū ng'wilwisha wakwe kū ntwe, na kūnchima lūshū ū mu lūbazu kūshisha lūlibīla; a bose būgwa hasī! Na lūūlū ī lipandī lya henaho ī Gibeoni litanwa Helikati-hazulimu.
17
Ū būlūgū wa lūshikū lwenūlo būkabiza būkalī no; ū Abuneeli na a banhū bakwe a Baisilaeli būpyenwa na a banhū ba ng'wa Daūdi.
18
A bitūnja ba ng'wana Seluya baalīho hoi būdatū wabo, ū Yoabu, Abishai nū Asaheli. Ū Asaheli ū ng'wene walī mpeeji no, gītī laala ya kū matogolo.
19
Ūng'wisonja ū Abuneeli; atagalūkile kū būlyo nūūlū kū lūmoso aho alīmpeeja.
20
Ū Abuneeli aho wikībūka ū kū numa ūmona ū Asaheli, ūbūūja; “Gashinaga ūlī bebe Asaheli?” Sūmba nang'hwe ūshosha, “Nene ng'hana!”
21
Ū Abuneeli ūng'wīla, “Galūkaga kū nkono gwa būlyo nūūlū gwa lūmoso, ūnsole ūmò wa bayanda ūntaagīje ng'wenūyo ī shilanga shakwe.” Alīyo ū Asaheli atalekile ū kūng'widomha.
22
Ū Abuneeli ūng'hūgūla hangī ū Asaheli, “Bebe lekaga ū kūniidomha gīko ū nene; nibūlī ūnenheleje kūkūbūlaga? Ī gīsī nakwilola kinehe nū nkūlūyo ū Yoabu?”
23
Gwike ū Asaheli atazunije ūkūleka ū kūmpeeja ū Abuneeli; nose ū Abuneeli ūlīponya ī lichimu lyakwe lyūkantūla munda ū Asaheli, lyūntūlīla kū someke yalyo lyūpulung'hanya kū ngongo. Ūgwa ūchīla henaho; būlī munhū ūyūshika wīma aho akagwīla ū Asaheli ūcha.
24
Alīyo ū Yoabu nū Abishai būng'wisonja ū Abuneeli; ī līīmi aho lyayūlengeela kūhaya kūlibīla, būshika kū ngūlya gwa Ama, bbihī na Gia, kwikūūwa lya kūja kwitogolo lya Gibeoni.
25
Hūna a banhū ba Benjamini bibilinga hamò, kūlondeela būtongeeji bo ng'wa Abuneeli; būbeeja ibità bīmīīla ha ka ngūlya kalebe, bīma nyagosha kwilwīlīīla.
26
Ū Abuneeli ūng'hīlīka ū Yoabu ūng'wīla, “Ī līlūshū līkwikala līkūlyaga banhū ilalī? Ūtamanile gīkī ū mhayo gwenūyū ū kū ng'halīlo yaho būkūbiza ho būpīna būtaale? A banhū bako bakūbakūūbīja a badūgū babo kūshisha nanalī hū ūbawīle booye?”
27
Ū Yoabu ūhaya, “Nalīkwilahīlīla mu lina lya ng'wa Mulungu mpanga gīkī, ūlū ni ūtahayile mhayo, a bagosha beneba ni babakūūbīlīja a badūgū babo kūshisha kwela ū būjikū.”
28
Na lūūlū ū Yoabu wīlīja ī ndūūlilū yakwe, pye a banhū bīma booya ū kūbakūūbīlīja a Baisilaeli; nū būlūgū batalwile hangī.
29
Ū būjikū wenūbo bose ū Abuneeli na a banhū bakwe būshimīza kūlītīna ī litogolo lya Alaba. Būūkagūkīla ū mongo gwa Yolodani, būshimīza ī likanza lya līīmi lya dilū ī lyose, kūshisha būshika Mahanaimu.
30
Ū Yoabu nang'hwe ūshoka ū kūfuma ū kūnkūūbīja ū Abuneeli, wiza kūbakuminga a banhū bakwe. Aho babalwa yūmanika gīkī a banhū ba ng'wa Daūdi abo bakabiza batīho baalī ikūmi na kenda, kūleka kūng'wisaaba ū Asaheli.
31
Alīyo a banhū ba ng'wa Daūdi baalī babūlaga banhū magana adatū na makūmi atandatū a ba Benjamini, abo baalī nū Abuneeli.
32
Būnsola ū Asaheli būūkanjīka Betelehemu mu shigila sha ng'wa ise. Hūna ū Yoabu na a banhū bakwe būshoka Hebuloni, būkeeyula bakūshimīzaga; būūkashika ko būleela ū būjikū.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24