bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
2 Samuel 7
2 Samuel 7
Sukuma 2019
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 8 →
1
Na lūūlū ū ntemi aho wigasha ū ng'wikūlū lyakwe ūlembeela, nū SEEBA ūng'wifuuja ū kū banishi bakwe bose abo baalī bampīndīlīgije hose hose,
2
ūng'wīla ng'hangi Nasani, “Ū nene ī haha nalī mu numba yawiza ya mitī ya ng'wininga, alīyo ī lisandīko lya ng'wa Mulungu līlī ng'wiheema!”
3
Ū Nasani ūnshokeja ū ntemi alīhaya, “Gwītage ūyo ūlī nago ū mu ng'holò yako, nguno ū SEEBA alī hamò nang'ho.”
4
Ū būjikū wenūbo ū mhayo go ng'wa SEEBA gūng'wizīīla ū Nasani; gūng'wīla,
5
Jaga ūkang'wīle ū ntūmami wane ū Daūdi, Ū SEEBA alīhaya gīkī, “Ū bebe hū ūkūnizengela numba ya kwikala mo ū nene?
6
Kūfuma ī likanza īlo nakabīnja a Baisilaeli mu Misili kūshisha lelo īyī, nataalī kwikala mu numba. Naakwījaga ī myaka nakūjaga ūko nū kūko, alīyo ū wikalo wane ng'wiheema dūhū.
7
Līlīho īpandī lyose lyose ūko naja hamò nabo a banhū bane a Baisilaeli, hūna nūlūngalūnga na nsugi nūūlū ūmò ū mu banhū abo naabalagīlaga kūbadīīma, nūng'wīla gīkī, ‘Nibūlī ūtaalī kūnizengela numba ya mitī ya ng'wininga?’
8
Alilūūlū, ū ntūmami wane ū Daūdi ng'wīlage gīkī, ‘Ū SEEBA wa būdūla bose alīhaya gīkī, Ū bebe nakwīnja kū madīīmīlo, nūkūlecha nīmo gwa kūdīīma ng'holo nguno naalī natogilwe ūbize nsugi wa banhū bane Baisilaeli.
9
Ū nene nalī hamò nang'ho būlī kwene ūko ūkūjaga, na a banishi bako nakūjaga nūbayagaja nene ū kū būtongi wako. Na lūūlū ī haha nakūlīkūja no ī lina lyako, lībize itaale gīt'ūmo galī mina ga bataale ba mu sī.
10
Hanuma a banhū bane a Baisilaeli nakūbabeegeja ipandī lyabo benekīlī, nabahambe ho gete, bapandīke kaya yabo ya wikomangīle; booye ū kwikala bakūkoyakoyiagwa. A banhū babūbi batūbakoya hangī gīt'ūmo bīītīlaga ī kwandya.
11
Nguno h'ūmo bakūbīītīlaga nī haha a banhū bane a Baisilaeli, kūfuma aho nandīja kūbatūūlīla balamuji. Nīyo nakūkwifuuja gete booye ū kūkūkoya a banishi bako pye a bose.’ Hama a higūlya ya yenīyo ū SEEBA alīhaya gīkī, ‘Ū SEEBA ng'wenekīlī akūkūbeegeja numba.
12
Ī shikū jako ūlū jūshila, lyūshika ikanza lya kwifuula na bakūlūgenji bako, nakūngūngūhya ūmò wa mu būbyīle wako, wa kūfuma mu nkīmbīlī gwako gete, abize ng'wingīji wako; ū būtemi wakwe nakūwinha nguzu.
13
Ū ng'wenūyo h'ūyo akūzenga numba kūlwa nguno ya lina lyane; ī lisumbī lya būtemi bokwe nakūlyīta līshinge ho kūshisha welelo bose.
14
Ū nene nakūbiza Ise, ū wei akūbiza ng'wana wane. Ūlū ūhūba nakūntūla na nang'ha gwa banhū; nakūtūmamīla banhū ū kū ntwenya manasu.
15
Alīyo ū būtogwa wane natīko ū kūng'wīngīja gīt'ūmo nakang'wīngīja Saulo, ūyo nakansunda ha mhūjo akwīngīle bebe.
16
Ī numba yako nū būtemi wako shikūshinga ho welelo bose ū kū būtongi wane; ī lisumbī lyako lya būtemi līkwinhwa nguzu shikū jose ja welelo na welelo.’”
17
Ū Nasani ūng'winha ū Daūdi ī mihayo ya koolekegeje kenaka pyī ūmo kagelelile.
18
Hūna ū ntemi Daūdi wingīla mu gatī wigasha kū būtongi bo ng'wa SEEBA ūhaya, “SEEBA wa būdūla bose, ū nene nalī nani, nī kaya yane īlī kīnhū kī, nose ūnishishe mu mbika gītī īyī?
19
SEEBA wa būdūla bose, ū mhayo gwenūyū ū mu miso gako gūlībiza gītī gūlī ndo no, nguno a higūlya ya henaho ongejaga na kūyomba mihayo ya numba ya ntūmami wako kūlwa shikū ja kū būtongi. Ee SEEBA wa būdūla bose, ī yenīyī h'īyo ūkabīītīlaga banhū na kale?
20
Ī gīsī lūūlū ū Daūdi ongenje mhayo kī gūngī ū gwa kūkūwīla? Nguno ū bebe SEEBA wa Būdūla bose ūndeebile gete ū ntūmami wako.
21
Ū mhayo ū ntaale gwenūyū wagwītaga kūlwa nguno ya kwisagīja kwako na kasolele ka ng'holò yako, hūna ūmanīkīja ū ntūmami wako.
22
Ee SEEBA wa būdūla bose, ū būtaale wako būkīlanīgije no; atīho ūngī wa kūlenganījiwa nang'ho, na atīho Mulungu ūngī ūlū ūtī bebe wike, gīt'ūmo twigwīla na matū gise benekīlī.
23
Līlīho ihanga kī līngī ū mu sī īlo līdūgije kūlenganījiwa na Baisilaeli banhū bako, abo Mulungu akaja kūbakomoola gīkī babize bakwe, ibeegeje lina lyakwe wei ng'wenekīlī; hūna ūbeeja mihayo mitaale ya kogohya na kūkaamaaja, ūpeeja mahanga na bamulungu baago gīkī babīngīle a banhū bako abo ūkabakomoola kūfuma Misili?
24
Bebe ng'wenekīlī ūbazenga a banhū bako a Baisilaeli, ūbīīta kūbiza bako ba wikomangīle welelo bose. Na ng'hana SEEBA, ūbiza ūlī Mulungu wabo.
25
Alilūūlū SEEBA Mulungu, ū mhayo ūyo wagūhayaga kūlwa nguno yane nene ntūmami wako nī numba yane, gūshikīlījage gūje gīko shikū jose welelo na welelo; ītaga gīt'ūmo kūlī kwisagīja kwako.
26
Ū mu gīko ī lina lyako līkūgūngūhiwa welelo bose; a banhū bakūhaya gīkī, ‘Ū SEEBA wa būdūla bose hū ng'wene ū Mulungu wa Baisilaeli.’ Hūn'ī kaya ya ntūmami wako ū Daūdi īkūlama ū kū būtongi wako.
27
Nguno ū bebe SEEBA wa būdūla bose, Mulungu wa Baisilaeli, hū bebe wankundūlīlaga ū ntūmami wako ū mhayo gwenūyū ūng'wīla gīkī, ‘Nakūkūzengela numba.’ H'ī nguno yene ū ntūmami wako wapandīkaga būshisha ng'holò wa kūkwenhela būlombi gītī wenūbū.
28
Ee SEEBA wa Būdūla bose, ū bebe hū ūlī Mulungu! Ī mihayo yako īlī ya kūsanyiwa; bebe hū wang'wisagījaga ū ntūmami wako ī mihayo ī yawiza īyī.
29
Na lūūlū SEEBA wa būdūla bose, ni gūnyejage ng'hana ū gwa kwīyīlūkīla ī numba ya ntūmami wako, īhangame ū kū būtongi wako shikū jose ja welelo na welelo. Nguno hū bebe wagūhayaga ū gwenūyū; na lūūlū īkī wīfuuhaga ī numba ya ntūmami wako, ng'hana īkwīlūkīlwa welelo bose.”
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24