bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Numbers 14
Numbers 14
Sukuma 2019
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 15 →
1
Ū būjikū wenūbo pyī ī libità lya banhū lyandya kūtūla ng'hūngū līlīīlīla n'ilaka lya higūlya no.
2
A Baisilaeli a bose būndugumīla ū Musa nū Alooni; ī libità ī lyose lyūbawīla, “Yalī hambū hambū nūūlū kūchīla Misili dūhū, nūūlū ū ng'witogolo ūmu.
3
Nibūlī ū SEEBA alītūtwala kū sī īlī gīko kūjūūtūmala kūtūbūlaga dūhū? A bake bise na a baana bise bakūjūding'wa nding'wa. Gīsī ītūbeelela ūlū kūshoka Misili dūhū?”
4
Bandya kwikomiga balīhaya, “Bing'we tūsolagi ntongeeji tūshoke Misili wa!”
5
Hūna ū Musa nū Alooni būgwa ū kū būtongi wa ibità lya Baisilaeli, īlo lyalī libilinga henaho.
6
Ū Yoshwa, ū ng'witūnja o ng'wa Nuni nū Kelebu, ū ng'witūnja o ng'wa Yafune, abo nabo baalī ū ng'wibità lya banhū abo baalī baja kwīdata ī sī, būtandūla shizwalo shabo,
7
būlīwīla pyī ī libità lya Baisilaeli, “Ī sī īyo twalī twajile kwīlola yawiza no.
8
Ū SEEBA ūlū ūtūyegela akūtūshisha mo ū mu sī ya būhondo yenīyo; na akūtwinha ībize yise.
9
A bing'we dūhū lekagi ū kūngomela ū SEEBA. Nīyo yaya nū kūbogoha a banhū ba mu sī yenīyo, nguno a bise tūkūbakweelela dūhū. Ū nang'hani wabo wabalekanīgije, alīyo a bise ū SEEBA alī hamò nise; mutabogohage!”
10
Alīyo pyī ī libità lyalī lyasaya no, liganikaga kūbaponda mawe dūhū. Kwimanīla ī likūjo lya ng'wa SEEBA lilonga a higūlya y'iheema lya kwibilingīla, balolile pye a banhū.
11
Ū SEEBA ūng'wīla ū Musa, “A banhū benaba bakūnibengeleja kūshisha nanalī? Naaboolekegije shimanīkījo sha kūkumya shingī no, alīyo ndūhū dūhū; ī gīsī lūūlū bakwikala batūnisanyaga kūshisha nanalī?
12
Ī gete nabagwisīje ikūla bashile, hūna nakwīte ū bebe kūbiza ihanga itaale na lya nguzu kūtinda a boi.”
13
Ū Musa ūnshokeja alīhaya, “A bana Misili bakūgwigwa ū mhayo gwene! Nguno bebe ng'wenekīlī ūkabīnja a banhū benaba na nguzu jako ū kūfuma ū mubo.
14
Na lūūlū bakūbawīla a bikaji ba mu sī īyī. Nīyo baamalile kwigwa gīkī ū bebe SEEBA ūlī hamò nabo a banhū benaba, na gīkī ū bebe SEEBA ūkwiyoolechaga gīt'ūmo ūlī gete; nī lilunde lyako līkwikalaga a higūlya yabo, na hangī ūkūbatongeelaga mu nzīla ya ng'hīngī y'ilunde ī līīmi, ī būjikū mu nzīla ya ng'hīngī ya moto.
15
Na lūūlū ūlū ūlababūlage pye a banhū benaba kamò na kamò, a mahanga ga banhū ayo gaalwigwile ū lūkumo lwenūūlū ūmo ūkūhayīlagwa, bakwandya kwiwīla,
16
Ū SEEBA akalemeelwa ū kūbashisha a banhū benabo ū mu sī īyo walī wabisagīja mu kūbilahīlīla; h'ī nguno yene wabamalile kūbabūlagīla ng'witogolo.
17
Na lūūlū nalīkwikūmbīlīja ū būdūla o ng'wa SEEBA bongeje kwiyoolecha, ūmo kalī a kahayīle kako bebe ng'wenekīlī; gīt'ūmo ūhayīlile gīkī,
18
‘Ū SEEBA atī ng'wangū ū kūpelana; hangī nekeja wa būkenaagūji, na būgomi. Alīyo atīīko kūleka kūng'winha nsango ū ng'hūbi; na a baana akabinhaga nsango kūlwa nguno ya babyaji babo, kūshisha shibyalīlwe sha kadatū na sha kanè.’
19
Balekejage a banhū benaba ū būkenaagūji wabo, gīt'ūmo būtaale wa būtogwa wako būlī; ītaga ūmo ūkwītīlaga na kale, kūfuma aho bakingīla Misili kūshisha lelo īyī.”
20
Ū SEEBA ūhaya, “Naabalekejaga gīt'ūmo walombela.
21
Alīyo nalīlahīla gīkī, ūmo nene ng'wenekīlī nalī mpanga, na gīt'ūmo ikūjo lya ng'wa SEEBA lyokalile hose pye ū mu sī,
22
ū mu banhū abo bakūlībonaga ī likūjo lyane, nī shakūkumya īsho nashīta mu Misili nū ng'witogolo bashibona, alīyo batatogilwe ū kūliigwa ī lilaka lyane, bakūmanagongeja kūnigema dūhū, nose ī haha jashikaga ngangala ikūmi; atīho nūūlū ūmò
23
wabo ūyo akwībona ī sī īyo naabisagīja basaabo mu kwilahīla; ū mu banhū abo bakūnidalahījaga atīho nūūlū ūmò ūyo akwībona ī sī yenīyo.
24
Alīyo ū ntūmami wane ū Kelebu īkī alī na moyo gwa kūnisanya, na kūniigwa mu būshikanu bose; ū ng'wenūyo nakūnshisha ū mu sī īyo wajile ūūkīībona. Na a banhū ba shibyalīlwe shakwe bakūbiza na wingī ū muyo.
25
Na lūūlū īkī a Baamaleki na a Bakanani bakwikalaga ū mu sī ja ntubīlo, a bing'we hīnjūūkagi ī ntondo muje kū lwandī lw'itogolo, muje na nzīla ya kūja kū Nyanza Yaza.”
26
Hanuma ū SEEBA ūbawīla a ba Musas nū Alooni gīkī,
27
“Ī libità lya banhū bahūnga lyenīlī līkwikala līkūnidugumīlīga kūshisha nanalī? A Baisilaeli benaba naawigwile ū būdugumi wabo ūmo bakūnidugumīlaga.
28
Na lūūlū bawīlagi gīkī, ‘Ūmo nene ng'wenekīlī nalī mpanga, alīhaya SEEBA, nakūng'wītīla ū mhayo ūyo nang'wigwile mulīgūhaya.
29
Ī mibīlī ying'we īkūlaa ng'witolo lyenīlī; pye abo mukabalwa, a ba kwandīja ha myaka makūmi abīlī na kūja kwigūlya, abo mukūnidugumīlaga.
30
Atīho nūūlū ūmò wing'we ūyo akwingīla ū mu sī īyo nakalahīla gīkī nakūng'wingīja; kwīnja Kelebu dūhū, ū ng'witūnja o ng'wa Yafune, na Yoshwa ng'witūnja o ng'wa Nuni.
31
Alīyo a baana bing'we, abo ng'walūlīlaga mulīhaya gīkī bakūding'wa babize nding'wa, a benabo hū nakūbashisha ū mu sī yenīyo bakīīlūmbe ī sī īyo ng'wīlemile a bing'we.
32
Lelo a bing'we benekīlī, ī mibīlī ying'we īkūlaala ng'witogolo lyenīlī īlī.
33
Hama a baana bing'we bakūbiza badīīmi ba ng'holo ng'wenūmu ūmu, balūhe ikanza lya myaka makūmi anè kūlwa nguno ya būtūzunya wing'we, kūshisha mimba gwa munhū wa kūmalīīja ū mu bing'we gūlaale ng'witogolo lyenīlī īlī.
34
Mukūluha ikanza lya myaka makūmi anè, būlī lūshikū lūmò lūbalīlwe ng'waka ngima, ū mu shikū ījo mukajīīdata ī sī yenīyo; hū mukūbūdeeba ū būbi wa kūnipelanya nene.’
35
Nene SEEBA ng'wenekīlī nalīhaya, ī mihayo yenīyī nakūbashikīlīgīja ng'hana a banhū babūbi benaba, a b'ibità īlo līkūnīītīlaga būgomi mu būsangī būmò. Ī ng'halīlo yabo bakūmaanhīja nayo ng'wenūmu ng'witogolo īlī; bakūshilīla ūmu.”
36
A banhū abo Musa walī wabatūma kūja kwīdata ī sī, abo bakeenha ng'hūlū jabūbi ī ja sī yenīyo, būlyenheleja ī libità kūndugumīla ū SEEBA,
37
a banhū abo bakenha mihayo yabūbi benabo, ū SEEBA akabagwisīja ikūla būchīla kū būtongi wakwe.
38
Ū mu banhū abo baalī baaja ū kwīdata ī sī, abo bakasaaga bapanga baalī ba Yoshwa ng'witūnja o ng'wa Nuni na Kelebu ng'witūnja o ng'wa Yefune dūhū.
39
Ū Musa aho wabawīla ī mihayo yenīyī bakalīla ng'hūngū na būpīna būtaale no.
40
Ntondo yaho bipuuna dilū būbūūka kūja kū ngūlū, kūnū bakūhayaga, “Twahūbile tūje lūūlū ī haha ū kwipandī īlo SEEBA watwisagīja.”
41
Alīyo ū Musa ūbawīla, “Nibūlī mulīshikīlanhya ī shilagīlo sha ng'wa SEEBA? Ū gwenūyū gūtūdūlīkana.
42
Mutizūgema ū kūja, nguno ū SEEBA atī hamò ning'we. Bakūmutinda a banishi bing'we.
43
Nguno a Baamaleki na ba Kanani bakūmupyena ūlū mulaaje ko. Nīyo īkī ng'wang'winhīlile ngongo ū SEEBA, atūbiza hamò ning'we, bakūmumala kūmubūlaga a banishi bing'we.”
44
Alīyo nahene būlinha dūhū bajile ū kū sī ya magūlya, nūūlū īkī ū Musa atīngile a ha ng'hambī, nī lisandīko ly'ilagane lya ng'wa SEEBA lītajile.
45
Hūna lūūlū a ba Amaleki na a ba Kanani abo baalī bazengile ū mu mhande jenījo būbasanga kūbadumīla, būbapyena, būbadolomya nhambo kwika sīlīlī, kūshisha būbashisha Holima.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36