bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Numbers 5
Numbers 5
Sukuma 2019
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 6 →
1
Hūna ū SEEBA ūng'wīla ū Musa,
2
“Bawīlage a Baisilaeli gīkī shiigelile kūyūmfunya hanze ya ng'hambī būlī ng'wene ūyo ikūnza lya mīlī gwakwe līlī na būsaatu ūbo ashikile kūbatūlīla na banhū bangī; nūūlū alī na būsaatu wa kūshiipa būsoso bo mbika yose yose mu mīlī gokwe, nūūlū ose ose ūyo ūsosohala kūlwa kūkuumya mimba.
3
Būlī munhū, ngosha nūūlū nkīma, ūyo alī na makoye ga mbika yenīyo shiigelile akomanyiwe, aje hanze ya ng'hambī. Shiigelile batwalwe hanze ya ng'hambī batizīīsosohaja ī ng'hambī yabo, ī lipandī lya wikalo wane hamò ning'we.”
4
A Baisilaeli bakīīta chene ng'hana, būbakomanya būbatwala hanze ya ng'hambī; gīt'ūmo SEEBA akanagīīlīla ū Musa.
5
Ū SEEBA ūng'wīla hangī ū Musa,
6
Bawīlage a Baisilaeli gīkī, “Munhū ose ose, abize ngosha nūūlū nkīma, ūlū ūng'hūba ng'wiye mu mhayo gose gose, ūbiza wipama kūlī SEEBA, ū munhū ng'wenūyo alī mu kwihīga.
7
Shing'wigelilwe abūtambūūle ū būkenaagūji wakwe ūbo oowītile. Hanuma akūlīpa shikolo kūlwa nguno ya būkenaagūji ūbo oowītile, ongeja na īmò ya ng'witanò ya mpango gwa shikolo īsho alīfunya, hūna ūng'winha ūyo wang'hūbile.
8
Alīyo ū munhū ng'wenūyo ūlū atī na ndūgū wa bbihī ūyo adūgije kwanukūla ī sabo yenīyo, īkūbiza ya ng'wa SEEBA, yūja kūlī ngabīji, pye nī ng'ondi y'isangī īyo īkūfunyiwa kūlwa nguno ya būkenaagūji wakwe.
9
Shakwinha sheela shose shose īsho bakwenha a Baisilaeli kūlī ngabīji, ī shenīsho shakwe ū ngabīji.
10
Būlī munhū ūyo alī na shakwinha sheela, ī yenīyo sabo yakwe, alīyo ūlū ūng'winha ngabīji, ī shenīsho shabizaga sha ngabīji.”
11
Hanuma hangī ū SEEBA ūng'wīla ū Musa,
12
Lūngalūngaga nabo a Baisilaeli ūbawīle gīkī, “Ūlū nkīma atoolilwe ūlemva lemva, ūgwa mu būhūbi
13
wa kūlaala na ngosha ūngī, alīyo ū mhayo gwenūyū gwikala gwibisile ū kūlī ngoshi, ū būsoso wakwe būkūbiza wibisile īkī atīho ūyo wamonile, nguno atadimilwe alīgwīta ū mhayo gwenūyo.
14
Alīyo ū ngoshi ūlū wingīlwa moyo gwa wilu, wandya kūng'wilawa ū nke, hūna ūbiza gashi ng'hana wisosohagije; nūūlū hamo ūng'wilawa alīyo gashi atisosohagije ūmo ngoshi alīng'wiganikīla,
15
ū ngosha ng'wenūyo akūntwala ū nke kūlī ngabīji. Akūtwala na kilo īmò ya būsu wa būsīga akafunye shakwinha kūlwa nguno ya nke wakwe. Gwike ū būsu wenūbo yaya ū kūbūtūūlīla maguta gose gose nūūlū būbbani; nguno ū būsu wenūbo būlī wa kūfunyiwa kūbiza shakwinha kūlwa nguno ya wilu. Ī shoi shakwinha kūlwa kwizūkīja mhayo gwa būkenaagūji.
16
Ū ngabīji akūng'wegeleja, hūna ūng'wīmīlīja kū būtongi bo ng'wa SEEBA.
17
Hama ūdaha minzī meela ūgatūūla mu lūbīga, ūsola na lūbuubu kūfuma hasī, ū ng'wiheema, ūlūtūūla ū mu minzī genayo.
18
Ū ngabīji akūjitaligūla ī nzwīlī ja kū ntwe gwa nkīma ng'wenūyo wang'wīmīlījaga kū būtongi bo ng'wa SEEBA; hanuma akūng'winha shakwinha sha kwizūkīja, ū būsu wa shakwinha sha kūfunyiwa kūlwa wilu; ū kūnū ū wei ū ngabīji agabūkije mu nkono gwakwe a minzī a malūlū, ayo gakenhaga izumo.
19
Hanuma akūng'wilahīja ū nkīma ng'wenūyo alīng'wīla, ‘Ūlū ūtalaalile na ngosha ūngī ose ose, ūbize ūtaalī kūgima kwīta mhayo gwa malofu na ngosha ūngī aho ūlī nke wa munhū ūngī, a minzī genaya ayo gakeenhaga izumo gatizūūkwenhela makoye.’
20
Alīyo ūlū gīkī wajile hanze ūneka ngoshi wako, ūūkisosohaja kwenūko mu nzīla ya kūlaala na ngosha ūyo atī ngoshi wako.
21
A henaha ū ngabīji akūng'wilahīja ū nkīma ng'wenūyo mu kūng'wīla ī mihayo y'izumo īlī gīkī, ‘Ū SEEBA akūzume ū mu banhū ba ng'wing'we; nīyo ū kūgūlū gwako agwīte gūūme būhaama, nī nda yako īdūūmīle bakūleme a banhū ba ng'wing'we.
22
A minzī genaya, ayo gakenhaga izumo, gingīle ū mu mīlī gwako, gīdūūmīje ī nda yako, nī litango lyako lyūūme būhaama!’ Ū nkīma shing'wigelile ashoshe alīhaya gīkī, Alichene, alichene.”
23
Ū ngabīji akūgandīka a mazumo genayo, hūna ū wandīke ūbooja ū mu minzī a malūlū.
24
A minzī a malūlū genayo ayo gakenhaga izumo, akūng'winha ū nkīma ng'wenūyo alaagang'we; ūlū gūūshika ū munda, gakūng'wīta kwiyigwa kūsaatwa no no no.
25
Hūna ū būsu wa kūfunyiwa shakwinha kūlwa wilu akūbūsola ū ngabīji kūfuma ū mu nkono gwa nkīma ng'wenūyo, ūbūyengeeja kū būtongi bo ng'wa SEEBA, hūna ūsheenha ha ng'walīlo.
26
Hūna ū ngabīji akūsola mu nkono būsu būgeehu ū wa shakwinha shenīsho, ūbūpemba mu moto gwa ha ng'walīlo, kūbiza shiizūkījo. Hanuma ya henaho akūng'wīla ū nkīma agang'we a minzī genayo.
27
Ūlū ūgang'wa a minzī ga kwenha izumo, alīyo ūsangwa wisosohagije mu kwīta mhayo gwabūbi kūlī ngoshi, ūlū gūūng'wingīla ū mu mīlī gakūng'wenhela būsaatu būtaale no. Akūdūūmīla ī nda, nī litango lyakwe līkūūma būhaama; hama akūbiza n'izumo ū kū banhū ba mu sī ya ng'wawe.
28
Alīyo ū nīkma ng'wenūyo ūlū ūbiza wape, atisosohagije; ūbiza atī na būsoso, atūpandīka makoye, nīyo akūbyala dūhū na a baana.
29
Na lūūlū ī shenīshi shilī shilagīlo sha kūtūmama ūlū ngosha ūding'wa wilu kūlwa nguno ya nke wakwe, ūlū wisosohaja na ngosha ūngī aho ataalī nke wakwe.
30
Ī shilagīlo shenīshi shikūtūmama ūlū ngosha ūbiza na wilu kūlwa kūng'wilawa nke gīkī hamo wītile mhayo gwabūbi. Ū ngabīji akūng'wīmīlīja ū nkīma ng'wenūyo kū būtongi bo ng'wa SEEBA, hūna ūshitūmamīla pyī ī shilagīlo shenīshi.
31
Ū ngoshi wa nkīma ng'wenūyo, atī na būbi ū mu yose yenīyo, alīyo ū nkīma, akūgabūūcha wei ng'wenekīlī a makoye ga būkenaagūji wakwe.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36