bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Numbers 21
Numbers 21
Sukuma 2019
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
1
Ūmò wa batemi ba Kanani, muna Alaadi ya Negevu, akigwa gīkī a Baisilaeli balī mu lūgendo, balībīta ng'wikūūwa lya kūja Atalimu; ūbasanga ko ūūkabadumīla. Nīyo bamò babo ūbadima ūbajaana.
2
A henaho a Baisilaeli būlahīla ū kūlī SEEBA balīhaya, “Ūlū ūbatūūla a banhū benaba mu makono gise, tūkwīkenaagūla gete ī mizengo yabo.”
3
Ū SEEBA ūbigwa a Baisilaeli ū kūlomba kwabo, ng'hana ū ntemi wa bana Kanani benabo ūntūūla mu makono gabo. Būbayagaja gete, nī mizengo yabo pyī ī yose; hī nguno yene ī lipandī lyenīlo litanwa Hoolima.
4
Hanuma ya henaho bīnga a ha lūgūlū lwa Hooli, būja na lūgendo lwabo, būbītīla nzīla ya kū Nyanza Yaza, gīkī batizūūbīta ū mu sī ya Edomu. Alīyo a banhū būgwa ng'holò mu nzīla;
5
bandya kūng'haya kībi ū Mulungu nū Musa; bayūhaya, “Nibūlī ī gete ūkatwīnja ī Misili, ūtwenha kūūnū kwiza kūtūbūlagīla kū matogolo? Nguno ī haha tūtī na shilīwa, a mashilīwa ging'we aya gaatūnogije, na a minzī na gene gatīho!”
6
Ū SEEBA ūbatūmīla nzoka ja būsūngū jūyūbaluma a banhū; Baisilaeli bingī būcha.
7
A banhū biza ū kūlī Musa būng'wīla, “Twahūbile ū kūng'haya mihayo mibi ū SEEBA hamò nū bebe; tūlombelage ū kūlī SEEBA atwīngīje ī nzoka jenīji.” Na ng'hana ū Musa ūbalombela a banhū.
8
Ū SEEBA ūng'wīla ū Musa, “Beejaga nzoka ya kwikola najo ī nzoka, wīsunge higūlya ha līntī; būlī ng'wene ūyo ūlung'wa hūna wīlola, akwikala alī mpanga.
9
Na lūūlū ū Musa ūbeeja nzoka ya shaba, wīsunga higūlya ha līntī. Yūbiza gīkī būlī ng'wene ūyo walumagwa nzoka, hūna wīlola ī nzoka ya shaba wikalaga mpanga.”
10
A Baisilaeli bīnga ī lipandī lyenīlo, būja būūkatūūla ng'hambī Oboti.
11
Ī Oboti naho batikalile ikanza ilīhu, bīnga ho būja kū sī ya Iye-abalimu, būūkatūūla ng'hambī ng'witogolo lya kwilola na Moabu, kū būfuma līīmi.
12
Na a henaho bīnga, būja kū sī ya ntubīlo ya Zaledi, būūkatūūla ng'hambī kwenūko.
13
Alīyo nū kwene batadīlile, bīnga būja būūkatūūla ng'hambī bbihī na mongo gwa Alinoni, gwalī ng'witogolo lījile lyūkabīmbīkanwa na sī ya Baamoli. Ū mongo gwa Alinoni hū gwalī lūbīmbī a ha gatī ya sī ya Moabu nī ya Amoli.
14
H'ī nguno yene ī shitabo sha ng'wa SEEBA ī sha mihayo ya būlūgū shihayile gīkī, “Wahebu mu sī ya Sufa, hamò na malago ga Alinoni.
15
Nī sī ja ntubīlo kūjīlīīla Aali, kūbīmbīkanwa na Moabu.”
16
Na a henaho bakīnga, būjīlīīla Beeli, lwalīko lwinzī ūlo SEEBA akang'wīla ū Musa, “Bakūmingage a banhū nabinhe minzī.”
17
Hūna a Baisilaeli bīmba lyīmbo balīhaya gīkī, “Bebe lwinzī puumunhīkaga, Īmbagi mulūgongoole!
18
Hū lwene ū lwinzī ūlo bakalūkumba bataale; ūlo batongeeji ba banhū bakalūsīmba, būtūmamīla milang'ha yabo na makolelo gabo.” Hanuma ya henaho bīnga ū ng'witogolo lyenīlo, būja Matana.
19
Nī Matana bīnga būja Nahalieli; ī Nahalieli naho bīnga būja Bamoti.
20
Bahayīnga ī Bamoti būjīlīīla kū sī ya ntubīlo ya Moabu, kūūko na lūgūlū lwa Pisiga.
21
A Baisilaeli būtūma nhūng'wa kūlī Sihoni ntemi wa Baamoli būhaya gīkī,
22
“Tūzunīlījage tūbīte ū mu sī yako; tūtīnga ū ng'wikūūwa kūja mu migūnda yako ya shilīwa, nūūlū ya mizabibu; nūūlū minzī gaako tūtūūng'wa. Tūkūja na nzīla dūhū kūshisha tūbīte ū mu sī yako.”
23
Alīyo ū Sihoni atabazunīlīgije a Baisilaeli ū kūbītīla ū mu sī yakwe. Ūkuminga pye a bashilikale bakwe, ūbasanga a Baisilaeli ū kwitogolo ūko baalī, gīkī akalwe nabo. Aho washika Yahazi, wandya kūlwa būlūgū nabo a Baisilaeli.
24
Alīyo a Baisilaeli būmpyena, būbabūlaga banhū bakwe bingī, bīdima nī sī yakwe kwandīja kū mongo gwa Alinoni kūshisha kū mongo gwa Yaboki; būūkagelela kū lūbīmbī lwa Baamoni, a bene baalī na būlang'hani wa nguzu no a ha lūbīmbī lwabo.
25
A Baisilaeli bīdima pyī ī mizengo ya Baamoli, bikala mo yūbiza yabo; pye nū nzengo gwa Heshiboni, na a magūngūli ga mu hihī hihī nago.
26
Ī Heshiboni gwalī nzengo go ng'wa Sihoni, ū ntemi wa Baamoli ūyo akalwa būlūgū nū ntemi wa kwandya ū wa Moabu ūmpyena, ūntaaja ī sī yakwe, kūjūshika kū mongo gwa Alinoni.
27
H'ī nguno yene a bīmbi ba mīmbo bīmbaga balīhaya gīkī. “Bing'we ka nzūgi, Heshiboni gūzengwe hangī; ū nzengo go ng'wa Sihoni gūshoke ūmo gwalī kwandya.
28
Gwabakile moto ū mu Heshiboni, gwaligimile ū mu nzengo go ng'wa Sihoni. Ī Aali ya Moabu yakenaagūlilwe moto; bayagaalile a bakūjiwa ba Alinoni īyo īsanyiwe.
29
Bebe Moabu wagwīlwa makoye, banhū ba ng'wa Kemoshi, ng'washila! Wabenhelegije a basūmba ba mu ng'wakwe kūpeela nhambo; na a bashīke bakwe wabalekanīgije būding'wa būjanhwa na ntemi Sihoni wa Baamoli.
30
Twabagwisije a benabo, Ī Heshiboni yakenaagūkile, yūūkapandīkwa nī Diboni. Twabahūlūlile tūūkashika na Nofa, īyo īdimanile Medeba.”
31
Na lūūlū a Baisilaeli bigaasha ū mu sī ya Baamoli.
32
Ū Musa ūtūma banhū kūjīdata Yazeeli; nayo bīdumīla, būbapyena a Baamoli abo bikalaga mo, būgadima a magūngūli gayo; bīsola yūbiza yabo, būzenga moi.
33
Būūgalūka bajile nalyo ī likūūwa, balolile ipandī lya Baashani; ū ntemi wa Baashani, lina lyakwe Ogu, ūlībilinga pyī ī libità lya bashilikale bakwe, ūbasanga ko, wilwisha būlūgū nabo aho balī Edilei.
34
Alīyo ū SEEBA ūng'wīla ū Musa, “Yaya ū kūng'ogoha ū ng'wenūyo, nguno namalaga kūntūūla mu nkono gwako pye nī libità lya bashilikale bakwe, nī sī yakwe. Nang'hwe ng'wītage ūmo ūkang'wītīla ū Sihoni ū ntemi wa Baamoli, ūyo walī nsugi wa Heshiboni.”
35
Na lūūlū būmūlaga, hamò na a bitūnja bakwe nī libità lyakwe lya bashilikale; batalekeelile mpanga nūūlū ūmò, ī sī yakwe bīīsola yūbiza yabo.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36