bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Numbers 24
Numbers 24
Sukuma 2019
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 25 →
1
Na lūūlū ū Balaamu aho wadeeba hape gīkī ū SEEBA atogilwe kūbafuuha a Baisilaeli, akoya ū kūtūmamīla ī nzīla ja būchūūja gīt'ūmo wītīlaga ī ng'hangala ī jingī; ī likanza lyenīlo ūloja ū būshū wakwe ū kwitogolo.
2
Ū Balaamu aho wabūūcha a miso gakwe ūbabona a Baisilae būlī bene balī ū mu ng'hambī jabo, ū Moyo o ng'wa Mulungu ūng'wikīīla.
3
Wandya kūhanga alīhaya, “Ū būhangi ūbūbo ng'wa Balaamu ng'witūnja o ng'wa Beoli; būhangi wakwe ūyo liso lyakwe līkūbonaga hape hape.
4
Būhangī wakwe ūyo akwigwaga mihayo ya ng'wa Mulungu, ūyo akūbonaga sha kūbonwa kūfuma kūlī we ū wa būdūla bose, na kūgwa kū būtongi wakwe; īkī gaaloleekije a miso gakwe.
5
Maheema gako Yakobo kūbeela; ū wikalo wako Isilaeli būlī wawiza no!
6
Gahelile chiza gītī migūnda mu malago; gītī migūnda īhelilwe mu ng'hilimva ya mongo, gabange ngaka ja kūhamva na SEEBA ng'wenekīlī; galī gītī mikoola īzwīlile haho na minzī.
7
Minzī gakūsela hose hose kūfuma mu shiseme shabo; balī na minzī ga kūshiigela ī shibyalīlwe shabo. Ū ntemi wabo akūbiza ntaale kūtinda Agagi; ū būtemi wabo būkūgūngūhiwa higūlya no.
8
Wabīngije Mulungu ū mu sī ya Misili; a banhū benabo balī na nguzu gītī ja mbogo. Bakūjaga būkweelela mahanga ga banishi babo, bakūpaanagūlaga maguha ga banishi babo paza paza; bakūbalasaga na masonga gabo.
9
Babo babandile hasī būlembeela gītī shimba, babange shimba ng'hīīma nani ū wa kūgima kūbakomya ho? Būlī ng'wene ū wa kūkūfuuha mbango, akwīlūkīlwa mbango; na ose ose ūyo ūkūzuma, akūzung'wa ū wei ng'wenekīlī!”
10
A henaho ū būpelanu o ng'wa Balaaki būpembeka kīngī nasho ū kūlī Balaamu. Witūla ng'hūbi; ūng'wīla, “Ū nene naakwitanile kwiza kūzuma banishi bane, alīyo ī ng'hangala ī jose īji būdatū wajo wabafuuha dūhū.
11
Īngaga nīyo a henaha lūūlū ūje kū ng'wako ūko! Ū nene naalī nahayile gīkī nakūkwinha mheela nhaale, alīyo īhaha ū SEEBA wakūlecha ī mheela yenīyo.”
12
Ū Balaamu ūnshokeja ū Balaaki alīhaya, “Abo ūkabatūma kwiza kūnitana, natabawīlile gīkī,
13
‘Ū Balaaki nūūlū akaninha ī numba yakwe y'ikūlū yokalile pa hela na zahabu, natīīko kwīta mhayo gose gose ūyo gūlī hanze ya shilagīlo sha ng'wa SEEBA, nūūlū gūkabiza gwawiza nūūlū gwabūbi; shitaniigelile kūgelela kūhaya dūhū īyo SEEBA alīyīhaya?’
14
Alilūūlū ī haha naja kaya ū nene, gwike degelekaga lūūlū nakūhūgūle, wīmane īyo bakwīta a banhū benaba ū kū banhū bako, ū kū shikū ja kū būjiiwa.”
15
Na lūūlū ū Balaamu ūfunya ū būhangi wakwe ūbū: “Ū būhangi ūbū o ng'wa Balaamu ng'witūnja wa ng'wa Beoli; būhangi wakwe ūyo liso lyakwe līkūbonaga hape hape.
16
Būhangī wakwe ūyo akwigwaga mihayo ya ng'wa Mulungu, ūyo alī na witegeleja kūfuma kūlī we ūyo alī higūlya no, ūyo akūbonaga sha kūbonwa kūfuma kūlī we ū wa būdūla bose, na kūgwa kū būtongi wakwe; īkī gaaloleekije a miso gakwe.
17
Nalīmona, alīyo ītī haha, nalīnoleela, gwike atī bbihī. Ū kūfuma mulī Yakobo īkwilonga mo sonda; nang'ha gwa nyatemi gūkwilonga kūfuma mulī Isilaeli. Akūbatobagūla ī mitwe yabo a banhū ba Moabu, ashikenaagūle gete ī shibyalīlwe sha ng'wa Seti.
18
Ū Edomu akūpyenwa, ū ng'wanishi wakwe, ū Seili akūpyenwa; alīyo ū Isilaeli akongeja kūbiza na nguzu.
19
Akwilonga Nsugi kūfuma ū mulī Yakobo, hū ng'wene akūbamalīīja abo balasaagīīle ū mu nzengo.”
20
Hūna ū Balaamu ūgalūka, ūlolela kū sī ya Baamaleki, ūfunya būhangi akūhayaga gīkī, “Ū Amaleki walī ntaale ū mu mahanga, alīyo ī ng'halīlo yakwe īkūbiza yabūbi ilalī.”
21
Hanuma ūlolela na kū sī ya Bakeni, ūhanga alīhaya gīkī, “Na ng'hana ū wikalo wako būlang'hanilwe chiza, ī chanjo shako shitūūlile ng'wipilinga.
22
Alīyo a bing'we Bakeni mukūkenaagūlwa; nguno Baashulu bakūmusaamya mubize ding'wa!”
23
Hūna ūmalīīja ū kūfunya ū būhangi wakwe alīhaya, “Ū Mulungu ūlū alandye kwīta ī milīmo yakwe, nani ūyo akwikala alī mpanga?
24
Meeli jikwiza kūfuma kū nyanza ya Kitimu; jikūbakenaagūja mhola a bana Ashulu na a bana Ebeeli, alīyo na a boi bakūshika a ha ngelelo yabo bakenaagūke.”
25
Hanuma ya henaho ū Balaamu ūbūūka, ūshoka kū ng'wakwe; nū Balaaki ūbūūka nang'hwe ūja kaya.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36