bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Numbers 8
Numbers 8
Sukuma 2019
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 9 →
1
Ū SEEBA ūng'wīla ū Musa,
2
Lūngalūngaga nū Alooni ūng'wīle gīkī, “Ūlū ūlījigolanya ī tala ījo mpungatī, jihelage mu mbika ya gīkī ūlū jūbaka, ū būūpe wajo būyūtwima ū kū būtongi w'ikīndīkīlo lya tala.”
3
Na ng'hana ū Alooni wīta chene, ūjitūūla ī tala jenījo gīkī jiyūtwima ū kū būtongi walyo ī likīndīkīlo lya tala, gīt'ūmo SEEBA walī wanagīīlīla ū Musa.
4
Ī likīndīkīlo lya tala lyalī lībeejiwe lya zahabu īsulile, yūbiza shikolo shimò, kwandīja kwitina lyaho kūshisha kū būlabo walyo. Ī likīndīkīlo lya tala lyenīlo līkabeejiwa kūlenganīla nū mumo Musa walī oolekejiwa na SEEBA.
5
Ū SEEBA ūng'wīla hangī ū Musa gīkī,
6
“Basolanhyage a Balawī kūfuma ū mu Baisilaeli, ūbeeje beela.
7
Ī mihayo īyo yigelile kūbīītīla kūlwa nguno ya kwejiwa kwabo yīyī: Ūkūbaseeseebela minzī meela, hūna ūbawīle kūmooga, pye ū booya wa mīlī ū gose; nī shizwalo shabo bafule, babize beela.
8
Hanuma ya henaho bakūsola nzagamba mūūga, na shakwinha shayo sha būsu būnogu būsangije maguta. Hūna nū bebe ūkūsola nzagamba yīngī mūūga, ya kūfunyiwa kūbiza shitambò sha būkenaagūji.
9
Hanuma ūkūbeenha a Balawī kū būtongi w'iheema lya kwibilingīla, hūna ūbakuminge pye a Baisilaeli.
10
A Balawī ūbeegeleja kū būtongi bo ng'wa SEEBA, a Baisilaeli babatūūlīle makono gabo.
11
Hūna nang'hwe ū Alooni ūbeenha a Balawī benabo kū būtongi bo ng'wa SEEBA, ūbatūūla kūlī SEEBA, būbiza shitambò sha kūyengeejiwa sha kūfuma kū Baisilaeli; ū mu gīko bakūbiza bigeleelwa kūgwīta ū nīmo go ng'wa SEEBA.
12
Hanuma ya henaho a Balawī bakūtūūla a makono gabo a ha mitwe ya nzagamba ja kūfunyiwa kūlwa shitambò. Ī ya shitambò kūlwa būkenaagūji ūkwīfunya kūlwa ng'wa SEEBA, ī ya shitambò sha kūpemva ūkwīfunya kūlwa nguno ya kūbeeja isangī kūlwa ya Balawī.
13
Hanuma ūkūbawīla a Balawī kwīmīīla kū būtongi bo ng'wa Alooni na bitūnja bakwe, babatūūle kūlī SEEBA babize shitambò sha kūyengeejiwa.”
14
Ū mu nzīla yenīyo ūkūbiza wabakomanya a Balawī kūfuma ū mu Baisilaeli a bangī; na lūūlū a Balawī bakūbiza bane.
15
Ūlū ūmala ū kūbafunya a Balawī gītī shitambò sha kūyengeejiwa, bakūbiza beela; kwandīja ikanza lyenīlo bakūyingīla ng'wiheema lya kwibilingīla kūbeeja milīmo yabo.
16
Ū mu Baisilaeli pye a bose, a benabo hū bene abo bakūbiza baafunyiagwa mu būshikanu bose babize bane. Nguno naabasolile kūbiza bane a ha ng'wanya gwa babyalwa ba kwandya a bagosha, pye a babyalwa ba kwandya mu nda ja baninaabo ū mu bakīma bose a ba Baisilaeli.
17
Ū mu Baisilaeli, ngosha ose ose ū wa kwandya kūbyalwa alī wane; pye nū ntugo ū gwa kwandya kūbyalwa gūlī gwane. Nakabasola nūbīīta kūbiza bane lūshikū lwene naababūlagaga pye a babyalwa ba kwandya ba bana Misili.
18
Na lūūlū naabasolile a Balawī gīkī babize bane a ha ng'wanya gwa babyalwa ba kwandya ba Baisilaeli.
19
Ū mu Baisilaeli a bose, a Balawī nang'winhaga Alooni na bitūnja bakwe kūlwa būtūmami bo ng'wiheema lya kwibilingīla, a benabo hū bakūbiza batūmami a ha ng'wanya gwa Baisilaeli a bose; hū bakūbiza babeeja ba isangī kūlwa nguno ya Baisilaeli a bose, batizūgwīlwa ikūla kūlwa kwegeela a hipandī lyeela.
20
Ū Musa nū Alooni hamò nī libità lya Baisilaeli ī lyose būbīītīla a Balawī gīt'ūmo SEEBA walī wanagīīlīla ū Musa.
21
A Balawī biyeeja, būfula nī shizwalo shabo. Hūna ū Alooni ūbatūūla ū kūlī SEEBA gītī shitambò sha kūyengeejiwa; ūbeeja na isangī kūlwa nguno yabo, kūbīngīja būsoso.
22
Hanuma ya henaho, a Balawī biza kūbeeja ī milīmo yabo ū ng'wheema lya kwibilingīla; būbiza batūmami ha sīlīlī ya ng'wa Alooni na bitūnja bakwe. A Balawī bakīītīlwa pyī ī yose kūlenganīla nū mumo SEEBA walī wanagīīlīla Musa.
23
Ū SEEBA ūng'wīla ū Musa gīkī,
24
“Yīyī mihayo yīngī kūlwa nguno ya Balawī: Abo bakūyiza ū ng'wiheema lya kwibilingīla kūbeeja milīmo, bakūbiza ba myaka ya kwandīja ha makūmi abīlī n'ītanò kūja kū būtongi.
25
Gwike ūlū būshisha myaka makūmi atanò, shiigelile bifuule, booyī ī milīmo yabo.
26
Badūgije ū kūbagunanha a badūgū babo ū ng'wiheema lya kwibilingīla ūlū balībeeja ī milīmo, alīyo a boi benekīlī yaya ū kwīta ī milīmo. H'ūmo ūkūbahelela a Balawī ī milīmo yabo.”
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36