bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Numbers 7
Numbers 7
Sukuma 2019
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 8 →
1
Ū Musa aho wamala ū kūlyīīmīlīja ī liheema, ūlīseeseebela maguta, kūlwa nguno ya kūlyeeja, pye nī shiseme shaalyo. Nū ng'walīlo akagūseeseebela maguta, ūgweeja, hamò nī shikolo sha kūtūmamīla hoi.
2
Hūna a batongeeji ba Baisilseli, a basugi ba kaya jabo na bataale ba ng'anda; abo bakasolwa kūbiza higūlya ya babo bakabalwa, būfunya ī shakwinha shabo.
3
Ī shakwinha shabo īsho bakeenha ū kūlī SEEBA shaalī, magogoteni atandatū gagubbanīgije, na nzīkū ikūmi n'ibīlī; būlī ntongeeji ūfunya nzīkū īmò, na būlī batongeeji babīlī igogoteni līmò. Ī shakwinha shenīshi bakashenha ū kwipandī lya kwikala.
4
Ū SEEBA ūng'īla ū Musa gīkī,
5
“Shanukūlage īsho balīshenha shenīsho shikūtūmama milīmo ya ng'wiheema lya kwibilingīla. Binhage a Balawī, būlī ng'wene apandīke kūlenganīla nū nīmo ūyo ahelelilwe kūgwīta.”
6
Ng'hana ū Musa ūgasola a magogoteni nī nzīkū jenījo, ūbinha a Balawī.
7
A ba numba ya ng'wa Gelishomu akabinha magogoteni abīlī na nzīkū inè, kūlenganīla nū būdito wa nīmo gwabo.
8
A ba numba ya ng'wa Melaali ūbinha magogoteni anè na nzīkū inaane, kūlenganīla nū būdito wa nīmo gwabo. A benaba baalī ha sīlīlī ya būtongeejibo ng'wa Itamaali ng'witūnja wa ngabīji Alooni.
9
Alīyo a banhū ba numba ya ng'wa Kohati, ū Musa atabinhile shose shose, nguno īsho baalī baahelelwa kūshibūūcha shaalī sha kūbūūchiwa ha mabega.
10
Ū lūshikū lwa kwandya kūtūmamīlwa ū ng'walīlo, aho gwamala kūseeseebelwa maguta, a batongeeji bakenha shakwinha kūlwa kwejiwa kwago ū ng'walīlo, būshitūūla kū būtongi wago.
11
Ū SEEBA akang'wīla ū Musa, “Būlī lūshikū ntongeeji ūmò akwenha ī shakwinha shakwe kūlwa kwejiwa kwa ng'walīlo.”
12
Ūyo akenha ī shakwinha shakwe a ha lūshikū lwa kwandya walī Naashoni ng'witūnja o ng'wa Aminadabu, wa lūganda lwa ng'wa Yuda.
13
Ī shakwinha shakwe shalī sahani īmò ya feza ya būdito wa shekeeli igana na makūmi adatū, ibbakuli līmò lya feza lya būdito wa shekeeli makūmi mpungatī. Ū mpango gwa shekeeli jenījo gwalī gūlenganīlile na mpango gwa shekeeli ya ng'wipandī lyeela. Ī shiseme ī shose shaalī shokalile būsu būnogu, būsangije maguta, kūlwa shakwinha sha būsu.
14
Akenha n'idishi līmò lya zahabu, būdito walyo shekeeli ikūmi, lyokagije būbbani;
15
nzagamba īmò songi, ng'ondi īmò, na ng'ondi yīngī ya ng'waka gūmò; ī jenījo akajenha kūbiza shitambò sha kūpemva.
16
Na ngulyati ya mbūli kūbiza shitambò sha būkenaagūji,
17
na nzīkū ibīlī, ng'ondi itanò, ngulyati itanò ja mbūli, na ng'ondi itanò ja ng'waka gūmò būlī yene, ī jose jenīji jalī ja kūfunyiwa kūbiza shitambò sha būsangī. Ī shenīshi shalī shakwinha sha ng'wa Naashoni ng'witūnja o ng'wa Aminadabu.
18
A ha lūshikū lwa kabīlī Netaneli ng'witūnja o ng'wa Zuali, ū ntongeeji wa lūganda lwa ng'wa Isakaali, akafunya ī shakwinha.
19
Ī shakwinha shakwe shalī sahani īmò ya feza ya būdito wa shekeeli igana na makūmi adatū, ibbakuli līmò lya feza lya būdito wa shekeeli makūmi mpungatī. Ū mpango gwa shekeeli jenījo gwalī gūlenganīlile na mpango gwa shekeeli ya ng'wipandī lyeela. Ī shiseme ī shose shaalī shokalile būsu būnogu, būsangije maguta, kūlwa shakwinha sha būsu.
20
Akenha n'idishi līmò lya zahabu, būdito walyo shekeeli ikūmi, lyokagije būbbani;
21
nzagamba īmò songi, ng'ondi īmò, na ng'ondi yīngī ya ng'waka gūmò; ī jenījo akajenha kūbiza shitambò sha kūpemva.
22
Na ngulyati ya mbūli kūbiza shitambò sha būkenaagūji,
23
na nzīkū ibīlī, ng'ondi itanò, ngulyati itanò ja mbūli, na ng'ondi itanò ja ng'waka gūmò būlī yene, ī jose jenīji jalī ja kūfunyiwa kūbiza shitambò sha būsangī. Ī shenīshi shalī shakwinha sha ng'wa Netaneli ng'witūnja o ng'wa Zuali.
24
A ha lūshikū lwa kadatū Eliabu ng'witūnja o ng'wa Heloni, ū ntongeeji wa lūganda lwa ng'wa Zabuloni, akafunya ī shakwinha.
25
Ī shakwinha shakwe shalī sahani īmò ya feza ya būdito wa shekeeli igana na makūmi adatū, ibbakuli līmò lya feza lya būdito wa shekeeli makūmi mpungatī. Ū mpango gwa shekeeli jenījo gwalī gūlenganīlile na mpango gwa shekeeli ya ng'wipandī lyeela. Ī shiseme ī shose shaalī shokalile būsu būnogu, būsangije maguta, kūlwa shakwinha sha būsu.
26
Akenha n'idishi līmò lya zahabu, būdito walyo shekeeli ikūmi, lyokagije būbbani;
27
nzagamba īmò songi, ng'ondi īmò, na ng'ondi yīngī ya ng'waka gūmò; ī jenījo akajenha kūbiza shitambò sha kūpemva.
28
Na ngulyati ya mbūli kūbiza shitambò sha būkenaagūji,
29
na nzīkū ibīlī, ng'ondi itanò, ngulyati itanò ja mbūli, na ng'ondi itanò ja ng'waka gūmò būlī yene, ī jose jenīji jalī ja kūfunyiwa kūbiza shitambò sha būsangī. Ī shenīshi shalī shakwinha sha ng'wa Eliabu ng'witūnja o ng'wa Heloni.
30
A ha lūshikū lwa kanè Elizuuli ng'witūnja o ng'wa Shedeuli, ū ntongeeji wa lūganda lwa ng'wa Lubeni, akafunya ī shakwinha.
31
Ī shakwinha shakwe shalī sahani īmò ya feza ya būdito wa shekeeli igana na makūmi adatū, ibbakuli līmò lya feza lya būdito wa shekeeli makūmi mpungatī. Ū mpango gwa shekeeli jenījo gwalī gūlenganīlile na mpango gwa shekeeli ya ng'wipandī lyeela. Ī shiseme ī shose shaalī shokalile būsu būnogu, būsangije maguta, kūlwa shakwinha sha būsu.
32
Akenha n'idishi līmò lya zahabu, būdito walyo shekeeli ikūmi, lyokagije būbbani;
33
nzagamba īmò songi, ng'ondi īmò, na ng'ondi yīngī ya ng'waka gūmò; ī jenījo akajenha kūbiza shitambò sha kūpemva.
34
Na ngulyati ya mbūli kūbiza shitambò sha būkenaagūji,
35
na nzīkū ibīlī, ng'ondi itanò, ngulyati itanò ja mbūli, na ng'ondi itanò ja ng'waka gūmò būlī yene, ī jose jenīji jalī ja kūfunyiwa kūbiza shitambò sha būsangī. Ī shenīshi shalī shakwinha sha ng'wa Elizuuli ng'witūnja o ng'wa Shedeuli.
36
A ha lūshikū lwa katanò Shelumieli ng'witūnja o ng'wa Zulishadai, ū ntongeeji wa lūganda lwa ng'wa Simioni, akafunya ī shakwinha.
37
Ī shakwinha shakwe shalī sahani īmò ya feza ya būdito wa shekeeli igana na makūmi adatū, ibbakuli līmò lya feza lya būdito wa shekeeli makūmi mpungatī. Ū mpango gwa shekeeli jenījo gwalī gūlenganīlile na mpango gwa shekeeli ya ng'wipandī lyeela. Ī shiseme ī shose shaalī shokalile būsu būnogu, būsangije maguta, kūlwa shakwinha sha būsu.
38
Akenha n'idishi līmò lya zahabu, būdito walyo shekeeli ikūmi, lyokagije būbbani;
39
nzagamba īmò songi, ng'ondi īmò, na ng'ondi yīngī ya ng'waka gūmò; ī jenījo akajenha kūbiza shitambò sha kūpemva.
40
Na ngulyati ya mbūli kūbiza shitambò sha būkenaagūji,
41
na nzīkū ibīlī, ng'ondi itanò, ngulyati itanò ja mbūli, na ng'ondi itanò ja ng'waka gūmò būlī yene, ī jose jenīji jalī ja kūfunyiwa kūbiza shitambò sha būsangī. Ī shenīshi shalī shakwinha sha ng'wa Shelumieli ng'witūnja o ng'wa Zulishadai.
42
A ha lūshikū lwa katandatū Eliasafu ng'witūnja o ng'wa Deūli, ū ntongeeji wa lūganda lwa ng'wa Gadi, akafunya ī shakwinha.
43
Ī shakwinha shakwe shalī sahani īmò ya feza ya būdito wa shekeeli igana na makūmi adatū, ibbakuli līmò lya feza lya būdito wa shekeeli makūmi mpungatī. Ū mpango gwa shekeeli jenījo gwalī gūlenganīlile na mpango gwa shekeeli ya ng'wipandī lyeela. Ī shiseme ī shose shaalī shokalile būsu būnogu, būsangije maguta, kūlwa shakwinha sha būsu.
44
Akenha n'idishi līmò lya zahabu, būdito walyo shekeeli ikūmi, lyokagije būbbani;
45
nzagamba īmò songi, ng'ondi īmò, na ng'ondi yīngī ya ng'waka gūmò; ī jenījo akajenha kūbalwa shitambò sha kūpemva.
46
Na ngulyati ya mbūli kūbiza shitambò sha būkenaagūji,
47
na nzīkū ibīlī, ng'ondi itanò, ngulyati itanò ja mbūli, na ng'ondi itanò ja ng'waka gūmò būlī yene, ī jose jenīji jalī ja kūfunyiwa kūbiza shitambò sha būsangī. Ī shenīshi shalī shakwinha sha ng'wa Eliasafu ng'witūnja o ng'wa Deūli.
48
A ha lūshikū lwa mpungatī Elishama ng'witūnja o ng'wa Amihudi, ū ntongeeji wa lūganda lwa ng'wa Efulaimu, akafunya ī shakwinha.
49
Ī shakwinha shakwe shalī sahani īmò ya feza ya būdito wa shekeeli igana na makūmi adatū, ibbakuli līmò lya feza lya būdito wa shekeeli makūmi mpungatī. Ū mpango gwa shekeeli jenījo gwalī gūlenganīlile na mpango gwa shekeeli ya ng'wipandī lyeela. Ī shiseme ī shose shaalī shokalile būsu būnogu, būsangije maguta, kūlwa shakwinha sha būsu.
50
Akenha n'idishi līmò lya zahabu, būdito walyo shekeeli ikūmi, lyokagije būbbani;
51
nzagamba īmò songi, ng'ondi īmò, na ng'ondi yīngī ya ng'waka gūmò; ī jenījo akajenha kūbiza shitambò sha kūpemva.
52
Na ngulyati ya mbūli kūbiza shitambò sha būkenaagūji,
53
na nzīkū ibīlī, ng'ondi itanò, ngulyati itanò ja mbūli, na ng'ondi itanò ja ng'waka gūmò būlī yene, ī jose jenīji jalī ja kūfunyiwa kūbiza shitambò sha būsangī. Ī shenīshi shalī shakwinha sha ng'wa Elishama ng'witūnja o ng'wa Amihudi.
54
A ha lūshikū lwa kanaane Gamalieli ng'witūnja o ng'wa Pedazuli, ū ntongeeji wa Lūganda lwa ng'wa yang'wa Manase, akafunya ī shakwinha.
55
Ī shakwinha shakwe shalī sahani īmò ya feza ya būdito wa shekeeli igana na makūmi adatū, ibbakuli līmò lya feza lya būdito wa shekeeli makūmi mpungatī. Ū mpango gwa shekeeli jenījo gwalī gūlenganīlile na mpango gwa shekeeli ya ng'wipandī lyeela. Ī shiseme ī shose shaalī shokalile būsu būnogu, būsangije maguta, kūlwa shakwinha sha būsu.
56
Akenha n'idishi līmò lya zahabu, būdito walyo shekeeli ikūmi, lyokagije būbbani;
57
nzagamba īmò songi, ng'ondi īmò, na ng'ondi yīngī ya ng'waka gūmò; ī jenījo akajenha kūbiza shitambò sha kūpemva.
58
Na ngulyati ya mbūli kūbiza shitambò sha būkenaagūji,
59
na nzīkū ibīlī, ng'ondi itanò, ngulyati itanò ja mbūli, na ng'ondi itanò ja ng'waka gūmò būlī yene, ī jose jenīji jalī ja kūfunyiwa kūbiza shitambò sha būsangī. Ī shenīshi shalī shakwinha sha ng'wa Gamalieli ng'witūnja o ng'wa Pedazuli.
60
A ha lūshikū lwa kenda Abidani ng'witūnja o ng'wa Gidioni, ū ntongeeji wa lūganda lwa ng'wa Benjamini, akafunya ī shakwinha.
61
Ī shakwinha shakwe shalī sahani īmò ya feza ya būdito wa shekeeli igana na makūmi adatū, ibbakuli līmò lya feza lya būdito wa shekeeli makūmi mpungatī. Ū mpango gwa shekeeli jenījo gwalī gūlenganīlile na mpango gwa shekeeli ya ng'wipandī lyeela. Ī shiseme ī shose shaalī shokalile būsu būnogu, būsangije maguta, kūlwa shakwinha sha būsu.
62
Akenha n'idishi līmò lya zahabu būdito walyo shekeeli ikūmi, lyokagije būbbani;
63
nzagamba īmò songi, ng'ondi īmò, na ng'ondi yīngī ya ng'waka gūmò; ī jenījo akajenha kūbiza shitambò sha kūpemva.
64
Na ngulyati ya mbūli kūbiza shitambò sha būkenaagūji,
65
na nzīkū ibīlī, ng'ondi itanò, ngulyati itanò ja mbūli, na ng'ondi itanò ja ng'waka gūmò būlī yene, ī jose jenīji jalī ja kūfunyiwa kūbiza shitambò sha būsangī. Ī shenīshi shalī shakwinha sha ng'wa Abidani ng'witūnja o ng'wa Gidioni.
66
A ha lūshikū lwa ikūmi Ahiezeeli ng'witūnja o ng'wa Amishadai, ū ntongeeji wa lūganda lwa ng'wa Simioni, akafunya ī shakwinha.
67
Ī shakwinha shakwe shalī sahani īmò ya feza ya būdito wa shekeeli igana na makūmi adatū, ibbakuli līmò lya feza lya būdito wa shekeeli makūmi mpungatī. Ū mpango gwa shekeeli jenījo gwalī gūlenganīlile na mpango gwa shekeeli ya ng'wipandī lyeela. Ī shiseme ī shose shaalī shokalile būsu būnogu, būsangije maguta, kūlwa shakwinha sha būsu.
68
Akenha n'idishi līmò lya zahabu, būdito walyo shekeeli ikūmi, lyokagije būbbani;
69
nzagamba īmò songi, ng'ondi īmò, na ng'ondi yīngī ya ng'waka gūmò; ī jenījo akajenha kūbiza shitambò sha kūpemva.
70
Na ngulyati ya mbūli kūbiza shitambò sha būkenaagūji,
71
na nzīkū ibīlī, ng'ondi itanò, ngulyati itanò ja mbūli, na ng'ondi itanò ja ng'waka gūmò būlī yene, ī jose jenīji jalī ja kūfunyiwa kūbiza shitambò sha būsangī. Ī shenīshi shalī shakwinha sha ng'wa Ahiezeeli ng'witūnja o ng'wa Amishadai.
72
A ha lūshikū lwa ikūmi na lūmò Pagieli ng'witūnja o ng'wa Okilani, ū ntongeeji wa lūganda lwa ng'wa Asheli, akafunya ī shakwinha.
73
Ī shakwinha shakwe shalī sahani īmò ya feza ya būdito wa shekeeli igana na makūmi adatū, ibbakuli līmò lya feza lya būdito wa shekeeli makūmi mpungatī. Ū mpango gwa shekeeli jenījo gwalī gūlenganīlile na mpango gwa shekeeli ya ng'wipandī lyeela. Ī shiseme ī shose shaalī shokalile būsu būnogu, būsangije maguta, kūlwa shakwinha sha būsu.
74
Akenha n'idishi līmò lya zahabu, būdito walyo shekeeli ikūmi, lyokagije būbbani;
75
nzagamba īmò songi, ng'ondi īmò, na ng'ondi yīngī ya ng'waka gūmò; ī jenījo akajenha kūbiza shitambò sha kūpemva.
76
Na ngulyati ya mbūli kūbiza shitambò sha būkenaagūji,
77
na nzīkū ibīlī, ng'ondi itanò, ngulyati itanò ja mbūli, na ng'ondi itanò ja ng'waka gūmò būlī yene, ī jose jenīji jalī ja kūfunyiwa kūbiza shitambò sha būsangī. Ī shenīshi shalī shakwinha sha ng'wa Pagieli ng'witūnja o ng'wa Okilani.
78
A ha lūshikū lw'ikūmi na ibīlī Ahila ng'witūnja o ng'wa Enani, ū ntongeeji wa lūganda lwa ng'wazs Nafutali, akafunya ī shakwinha.
79
Ī shakwinha shakwe shalī sahani īmò ya feza ya būdito bo shekeeli igana na makūmi adatū, ibbakuli līmò lya feza lya būdito wa shekeeli makūmi mpungatī. Ū mpango gwa shekeeli jenījo gwalī gūlenganīlile na mpango gwa shekeeli ya ng'wipandī lyeela. Ī shiseme ī shose shaalī shokalile būsu būnogu, būsangije maguta, kūlwa shakwinha sha būsu.
80
Akenha n'idishi līmò lya zahabu, būdito walyo shekeeli ikūmi, lyokagije būbbani;
81
nzagamba īmò songi, ng'ondi īmò, na ng'ondi yīngī ya ng'waka gūmò; ī jenījo akajenha kūbiza shitambò sha kūpemva.
82
Na ngulyati ya mbūli kūbiza shitambò sha būkenaagūji,
83
na nzīkū ibīlī, ng'ondi itanò, ngulyati itanò ja mbūli, na ng'ondi itanò ja ng'waka gūmò būlī yene, ī jose jenīji jalī ja kūfunyiwa kūbiza shitambò sha būsangī. Ī shenīshi shalī shakwinha sha ng'wa Ahila ng'witūnja o ng'wa Enani.
84
Ī shenīshi hū shalī shakwinha īsho batongeeji ba Baisilaeli bakafunya a ha lūshikū lwa ng'walīlo kwandya milīmo, aho gwaseeseebelagwa maguta. Bakafunya sahani ikūmi n'ibīlī ja feza, mabakuli ikūmi na abīlī ga feza, na madishi ga zahabu ikūmi na abīlī.
85
Būl'isahani lya feza lyalī na būdito wa shekeeli igana na makūmi adatū; na būl'ibakuli lyalī na būdito wa shekeeli makūmi mpungatī. Ū būdito wa shiseme sha feza ī shose walī shekeeli shihūmbī shibīlī na magana anè, kūlenganīla nī shekeeli ya ng'wipandī lyeela.
86
A madishi ga zahabu ayo ikūmi na a bīlī ayo gaalī gookalile būbbani gaalī na būdito wa shekeeli ikūmi būlī lyene, kūlenganīla na mpango gwa shekeeli ya ng'wipandī lyeela. Ū būdito wa madishi ga zahabu a gose walī shekeeli igana na makūmi abīlī.
87
Ī shīītugo īshose ījikafunyiwa kūlwa shitambò sha kūpemva jaalī nzagamba songi ikūmi na ibīlī, ng'ondi ikūmi na ibīlī, na ng'ondi ikūmi na ibīlī ja ng'waka gūmò būlī yene; hamò na shakwinha shaaho sha būsu. Ngulyati ikūmi n'ibīlī jikatūmamīlwa kūlwa shitambò sha būkenaagūji.
88
Ī shīītugo ī jose ījo jikafunyiwa kūlwa shitambò sha būsangī jaalī, nzīkū makūmi abīlī na inè, ng'ondi makūmi atandatū, ngulyati makūmi atandatū, na ng'ondi makūmi atandatū ja ng'waka gūmò būlī yene. Ī shenīshi hū shaalī shakwinha īsho shikafunyiwa ha lūshikū lwa ng'walīlo kwandya kūtūmama aho gwamala kūseeseebelwa maguta.
89
Ū Musa aho wingīla ū ng'wiheema lya kwibilingīla kūhooya na SEEBA, akaliigwa ī lilaka līlīnyombya kūfuma a ha gatī gatī ya makelubi a higūlya y'isumbī lya shigongo, a h'isandīko lya būkaanīji. Na ng'hana akahooya nang'hwe.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36