bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Numbers 18
Numbers 18
Sukuma 2019
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
1
Hūna ū SEEBA ūng'wīla ū Alooni, “Ūlū būbi bose bose wilonga ū mu kaīle ka milīmo ya ng'wipandī lyeela, ū wakūbalīlwa būkenaagūji akūbiza bebe na a bitūnja bako, hamò nī numba ya lūganda lwa ng'wing'we. Alīyo ūlū wilonga būbi bose bose mu milīmo ya būgabīji, ū wakūbalīlwa būkenaagūji akūbiza bebe na a bitūnja bako dūhū.
2
Na lūūlū ī haha benhage a Balawī biyo, a ba lūganda lwako, bize badimane nang'ho, bayūkūgunanha ū bebe na a bitūnja bako ū mu milīmo ya ng'wiheema lya būkaanīji.
3
Ū nīmo gwabo a benabo gūlī kūkūgunanha ū bebe, nīyo bakwīyīta pyī ī milīmo ya ng'wiheema, alīyo batī ba kūsheegeela ī shiseme sha ng'wipandī lyeela, nūūlū ū ng'walīlo yaya ū kūgweegeela; nguno ūlū yūja gīko mukūcha pye, ū bebe na a boi.
4
Bakūbiza mu būsangī būmò nang'ho, na bakūyūlīlang'hana ī liheema lya kwibilingīla, hamò na kwīlonja pyī ī milīmo ya ng'wiheema. Atīho ūngī ose ose wa kwegeela aho ūlītūmamīla.
5
Ī milīmo ya ng'wipandī lyeela nī ya ha ng'walīlo, ūkwībeeja bebe pyī ī yenīyo, batizūpelanīlwa hangī a Baisilaeli.
6
A Balawī biyo naabakomije ū kūfuma ū mu Baisilaeli, nūkwinha bebe gīt'inong'ho lyeela kūlī SEEBA, kūlwa būtūmami wa ng'wiheema lya kwibilingīla.
7
Alīyo pyī ī milīmo ya būgabīji īyo īkīītagwa ha ng'walīlo, nū kū mpīndo y'isenge, ī yenīyo ya kūbeejiwa na bebe dūhū hamò na bitūnja bako. Ū bebe nalīkwinha ū nīmo gwa būgabīji gītī inong'ho. Ūngī ose ose ūyo wegeela a hipandī lyeela shiigelile abūlagwe.”
8
Hūna ū SEEBA ūng'wīla ū Alooni, “Managa gīkī, nakwinhaga nīmo gwa kūshilang'hana ī shakwinha īsho nakafunījiagwa nene, ī shakwinha sheela īsho Baisilaeli bakaninhaga nene, pyī ī shose nakwinhaga bebe hamò na bitūnja bako; ū gwenūyo ngabo gwako gwa shikū jose.
9
Nī shitambò īsho shilī sheela no no no, īsho shikasaagaga ha kūpemva mu moto shilī shako. Pyī ī shakwinha īsho bakanenhelaga nene gīkī shilī sheela no no no, shibize sha būsu, nūūlū sha kūfunyiwa kūlwa shibi, nūūlū kūlwa būkenaagūji, pyī ī shose shilī shako, hamò na bitūnja bako.
10
Ūkūshilya ūlī ng'wipandī lyeela no no no, būlī ngosha akūshilya; ī shoi shilī sheela ū kūlī bebe.
11
Na shingī shiishi īsho shilī shako: Būlī shene īsho shikatūūlagwa ha mhūjo kūfuma mu shitambò sha kūyengeejiwa, īsho Baisilaeli bakafunyaga. Ī shenīshi nasho nalīkwinha bebe hamò na bitūnja bako, na a bashīke bako; ū gwenūyo gūlī ngabo gwako gwa būlī lūshikū. Būlī ng'wene ū mu kaya yako ūyo atī na būsoso adūgije ū kūshilya.
12
Nalīkwinha bebe na a maguta pye a gose a gawiza no no no, a ga mizeituni; nī divai ī yawiza, pye nī shilīwa īsho bakamfunījaga SEEBA kūbiza matwajo ga kwandya.
13
Nīyo pye a matwajo ga kwandya ga sī ayo bakamfunījaga SEEBA gakūbiza gako. Būlī ng'wene ū mu numba yako ūyo atī na būsoso adūgije ū kūshilya ī shenīsho.
14
Pyī ī shikolo sha mu sī ya Isilaeli īsho shafunyiwa kūbiza sha ng'wa SEEBA shilī shako.
15
Ī mbyalwa ja kwandya ījo jikafunyiagwa kūbiza ja ng'wa SEEBA jilī jaako, būlī ntugo ū gwa kūlugūla nda ya ng'wa ninaago gūlī gwako; na a bagosha a babyalwa ba kwandya ū mu banhū balī bako. Alīyo a babyalwa ba kwandya ba banhū ūkūbakomoola; nī mbyalwa ja kwandya ū mu mitugo ījo jitigeleelilwe kūfunyiwa kūlwa ng'wa SEEBA najo ūkūjikomoola.
16
Ī likanza lya kūjikomoola ī mbyalwa ja kwandya, līkūbiza ūlū jūshisha ng'weji ngima kūfuma kūbyalwa. Ū mpango gwa kūshikomoola ī shikolo gūlī shekeeli itanò ja feza, kūlenganīla nū mpango gwa shekeeli ya ng'wipandī lyeela, īyo īlī na mpango gwa gulamu ikūmi.
17
Alīyo ī mbyalwa ja kwandya ī ja ng'ombe nī ja ng'holo hamò na ja mbūli, ī jenījo yaya ū kūjikomoola nguno jilī neela. A mininga gaajo ūkūgita ha ng'walīlo, nī nyama jaajo ūjipembe mu moto kūbiza shitambò sha kūpemva, kūlwa ng'waso gwawiza kūlī SEEBA.
18
Ī nyama ja mitugo jenījo jilī jaako, gīt'ūmo shilī ī shidali īsho shikafunyiagwa kūbiza shitambò sha kūyengeejiwa, nī litango lya kū būlyo, īlo nalyo līlī lyako.
19
Būlī shakwinha sheela īsho Baisilaeli bakamfunījaga SEEBA naakwinhaga bebe hamò na bitūnja bako, na a bashīke bako; ū gwenūyo gūlī ngabo gwako gwa būlī lūshikū. Ī lyenīlo līlī ilagane lya munhu lya būja na būja ha gatī ya ng'wa SEEBA nū bebe nī shibyalīlwe shako.
20
Ū SEEBA ūng'wīla ū Alooni, ‘Ū bebe ūtūbiza na wingīji ū mu Baisilaeli, nūūlū ūtūbiza na ngabo hamò nabo; nguno ū ngabo gwako ū mu Baisilaeli gūlī kūlī nene, nū wingīji wako būkūfuma kūlī nene.’”
21
Ī Zaka ja Baisilaeli ī jose naabinhaga Balawī kūbiza wingīji wabo kūlwa nguno ya būtūmami wabo ūbo bakwītaga ng'wiheema lya kwibilingīla.
22
Kwandīja haha a Baisilaeli yaya ū kwegeela a h'iheema lya kwibilingīla, batizingīla mu kwihīga bakacha.
23
Ū būtūmami wa ng'wiheema lya kwibilingīla būkwītwa na Balawī, ī mihayo ya ng'wene īlī ha sīlīlī ya būlang'hani wabo. Ī shenīshi shilī shilagīlo sha būja na būja nū kū shibyalīlwe īsho shiliza. A Balawī batanukūla wingīji hamò na a Baisilaeli.
24
A ha ng'wanya gwaho, a Balawī naabinhaga ī Zaka ījo Baisilaeli bakeenhaga kūlī SEEBA kūbiza shakwinha. H'ī nguno yene nalīhaya gīkī, a boi batūbiza na wingīji hamò na a Baisilaeli.
25
Ū SEEBA ūng'wīla ū Musa,
26
Lūngalūngaga na a Balawī ūbawīle gīkī, “Ūlū ng'wanukūla kūfuma ū kū Baisilaeli ī Zaka īyo naang'winhaga kūbiza wingīji wing'we, shing'wigeleelilwe ning'we kūfunya Zaka ībize shakwinha kūlī SEEBA.
27
Ī shakwinha shing'we shikūbalwa kūbiza gītī shilīīwa sha kūfuma ha lūbūūga lwa kūtūlīla, nūūlū gītī minzī ga mizabibu ga kūfuma ng'wikamīlo lya mizabibu.
28
Ū mu gīko na a bing'we mukūfunya shakwinha ū kūlī SEEBA, ū kūfuma ū mu Zaka ījo mukwanukūlaga kūfuma kū Baisilaeli. Ū mu Zaka jenījo, līlīmo ibudīka lya ng'wa SEEBA, īlo shiing'wigeleelilwe mung'winhe ngabīji Alooni.
29
Shing'wigeleelilwe kūmfunīja ū SEEBA ī shakwinha īsho shilī shawiza no no no, īsho shifumile mu shakwinha shose īsho mukanukūlaga kūfuma kū Baisilaeli.”
30
Na lūūlū bawīlage a Balawī gīkī, “Ūlū ng'ūfunya shakwinha ī shawiza no no no, shikūbalwa gītī ng'wafunyaga shilīwa kūfuma ha lūbūūga lwa kūtūlīla, nūūlū kūfuma ng'wikamīlo lya mizabibu.
31
Īsho shikūsaaga mukūlya hamò nī kaya jing'we, hose hose ūko mukūbiza; nguno ī yenīyo hī mheela ying'we kūlwa būtūmami wing'we, ū ng'wiheema lya kwibilingīla.
32
Ūlū ng'ūfunya ī shakwinha ī shawiza no no no kūfuma ū mu shakwinha īsho mukūpandīkaga, mutūūbalīlwa būhūbi ū mu mhayo gwenūyo; ū mu gīko mutūbiza mulīshisosohaja ī shakwinha īsho Baisilaeli bakafunyaga, nūūlū kūcha mutūūcha.”
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36