bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Numbers 27
Numbers 27
Sukuma 2019
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 28 →
1
Baalīho bashīke ba ng'wa Zelofehadi, ng'witūnja o ng'wa Hefeeli, ng'witūnja o ng'wa Gileadi, ng'witūnja o ng'wa Makili, ng'witūnja o ng'wa Manase, wa lūganda lo Manase ng'witūnja o ng'wa Yosefu; a bashīke benabo bitanagwa ba Mahala, Noa, Hogla, Milika, na Tīzīla.
2
Lwise lūmò bakiza a ha nyango gwa kwingīlīla ng'wiheema lya kwibilingīla, bīmīīla kū būtongi bo ng'wa Musa. Walīho nū ngabīji Elieza hamò na a banamhala, nī libità ī lyose. Būūhaya gīkī,
3
“Ū sīswe wachīla kwitogolo, alīyo atalekile ng'wana ngosha; gwike ū wei walī atī ūmò wa balondeeji ba ng'wa Koola abo bakalya gwīnda ya kūngomela SEEBA; ū wei waacha kūlwa nguno ya būkenaagūji būngī nabo.
4
Na lūūlū ī gīsī, nibūlī ī lina lya ng'wa sīswe līijmīīle gīko dūhū, shitange īkī walī atī na ng'wana ngosha? Twinhagi na a bise sabo, gīt'ūmo mulībinhīla a ba mu kaya ya ng'wise a bangī.”
5
Ū Musa ūgūshisha ū mhayo gwabo kū būtongi bo ng'wa SEEBA.
6
Nawe ū SEEBA ūng'wīla gīkī,
7
“Īyo balīyīhaya a bashīke ba ng'wa Zelofehadi ya ng'hana. Shikwigelile ūbinhe nabo sabo, nabo bapandīke wingīji ū mu kaya ng'wa saabo; binhagi ū wingījibo ng'wa saabo, būbize wabo.
8
Nīyo a Baisilaeli bawīlage gīkī, ‘Ūlū munhū ūcha alīyo atalekile ng'wana ngosha, ū wingīji wakwe ng'winhagi nshīke wakwe.
9
Ūlū atī na ng'wana nkīma, ū wingīji wakwe ng'winhagi ng'wana wa ng'wawe.
10
Ūlū atī na ng'wana wa ng'wawe, binhagi bakūlūye nūūlū bazunaye ba ng'wa ise.
11
Ū ise ūlū walī atī na baana ba ng'wawe, ng'winhagi ndūgūye ose ose, wa bbihī ū mu lūganda lo ng'wawe, ū wingīji wenūbo būbize wakwe. Ī shenīshi shikūbiza shilagīlo sha Baisilaeli ū mu kaīle kaabo, gīt'ūmo SEEBA akanagīīla Musa.’”
12
Ū SEEBA ūng'wīla ū Musa, “Linhaga ū mu lūgūlū lwa Abalimu ūlū, wīlole ī sī īyo naabinhile a Baisilaeli.
13
Ūlū ūmala ū kwībona nū bebe ūkūtwalwa kū banhū bako, gīt'ūmo nkūlūyo Alooni akīītīlwa.
14
Nguno a bing'we būbīlī wing'we mukaleka ū kūshishikīlī ī shilagīlo shane, aho bakagoma a banhū ng'witogolo lya Zini kūlwa nguno ya minzī. Mutaninhile ikūjo ū kū būtongi wabo, īlo līnigeleelilwe kūlwa wela wane.” (A minzī ayo gahayiagwa, gaalī a ga Meliba ū ng'witogolo lya Zini.)
15
Ū Musa ūng'wīla ū SEEBA gīkī,
16
“Ū SEEBA Mulungu wa myoyo ya banhū bose ni asolage munhū abize ntaale wabo a banhū benaba.
17
Munhū wa kūshimīza hamò nabo, na wa kūbatongeela ng'wikanza lya kūfuma nūūlū lya kwingīla. Ū mu gīko a banhū ba ng'wa SEEBA batūbiza gītī ng'holo jitī na ndīīmi.”
18
Hūna ū SEEBA ūng'wīla ū Musa, “Nsolage ū Yoshwa, ū ng'witūnja o ng'wa Nuni, ūntūūlīle nkono gwako; nguno ū munhū ng'wenūyo alī na nguzu ja ng'wa Moyo.
19
Ng'wenhage ūng'wīmīlīje kū būtongi bo ng'wa Elieza ū ngabīji, mu miso ga banhū bose; hūna ūntūūle a ha nīmo gwenūyo mu būtongi wa banhū bose.
20
Ūkūng'winha nag'hwe ū būdūla ūbo ūlīnabo bebe; nang'hwe bayūng'wigwa a Baisilaeli a bose.
21
Ūlū alī na mhayo gwa kūbūūja kūlī SEEBA, akūyūgunanhwa na ngabīji Elieza; hū ng'wene akūyūmūūgīja mu nzīla ya Ulimu. Ū wei hamò na a Baisilaeli a bose bakwīta yose kūlwa shilagīlo shakwe; ūlū ūlagīla bafume bakūfuma, ūlū ūlagīla bashoke bakūshoka.”
22
Ū Musa wīta ng'hana gīt'ūmo SEEBA akanagīīlīla; ūnsola ū Yoshwa, ūng'wīmīlīja kū būtongi wa ngabīji Elieza, na a Baisilaeli a bose.
23
Hūna ūntūūlīla makono gakwe, ūntūūla a ha nīmo gīt'ūmo SEEBA akalagīīlīla mu nzīla yakwe ū Musa.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36