bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Numbers 19
Numbers 19
Sukuma 2019
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 20 →
1
Ū SEEBA ūbawīla a ba Musa nū Alooni,
2
“Aya galī malange ayo SEEBA wagatūūlile kūlenganīla na shilagīlo shakwe: Bawīlage a Baisilaeli gīkī, bakūkwenhela ng'ombe yaza, ndogoosa ītī na shilingo nūūlū būka; nīyo ītaalī nūūlū kūtungīlījiwa ijoki lya kūlīmīla.
3
Ī ng'ombe yenīyo akwinhwa ngabīji Elieza, īīfunye hanze ya ng'hambī īkasīnzwe nang'hwe alīho hoi.
4
Hūna ū Elieza akūsola mininga gayo magehu ūbyūdabbya mo lwala lwakwe wagasaamula kū būtongi wiheema lya kwibilingīla, kūshisha ng'hangala mpungatī.
5
Hanuma ya henaho, ī ndogoosa yenīyo īkūpemva mu moto pyī ī yose nū wei alīho hoi, līkūpemva ī likūnza lyayo nī nyama, na a mininga gayo, pye nū būūshi.
6
Hūna ū ngabīji akūsola ntī gwa nkoola, na itambī lya hisopo, na būlūba waza; ūshiponeja a ha mimba gwa ng'ombe īyo īlīpemva mu moto.
7
Hanuma ya henaho ū ngabījai akūfula ī shizwalo shakwe, nū mīlī gwakwe ooga mu minzī. Ī likanza lyenīlo adūgije kūshoka ū kū ng'hambī; alīyo akūbalwa alī na būsoso kūshisha līīmi kūlibīla.
8
Nū munhū ūyo alīyīpemba ī ndogoosa yenīyo, akūfula ī shizwalo shakwe, ooga nū mīlī mu minzī; nang'hwe akūbalwa kūbiza nsoso kūshisha līīmi kūlibīla.
9
A mabu ga ndogoosa yenīyo gakūyoolwa na munhū ūyo atī na būsoso, ūūkagaponya hanze ya ng'hambī, ūko mabū gakaponejiagwa. A Baisilaeli bakūgalang'hana chiza a mabu genayo, nguno gakūbiza ga kūyūsanjiwa mu minzī ayo gakatūmamīlagwa mu nīmo gwa kweeja būsoso wa banhū kūfuma mu shibi.
10
“Ū munhū ūyo alagayoole a mabu ga ndogoosa genayo akūfula ī shizwalo shakwe; nang'hwe akūbalwa kūbiza nsoso kūshisha līīmi kūlibīla. Ī shenīshi shilī shilagīlo sha būja na būja kūlwa Baisilaeli bose; a baana byalwa na a bageni abo bakwikalaga hamò nabo.
11
Ose ose ūyo ūskuumya mimba gwa munhū, akūbalwa kūbiza nsoso kūshisha ikanza lya shikū mpungatī.
12
Ū munhū wa gīko akūgatūmamīla a minzī genayo kwiyeeja, ū gwenūyo akūgwīta ha lūshikū lwa kadatū lwaho, nū lwa mpungatī, hūna ūbiza wela. Alīyo ūlū ūleka kwiyeeja ū mu lūshikū ū lwa kadatū nū lwa mpungatī, atīnga ū mu būsoso wakwe.
13
Ū wa kūkuumya mimba gwa munhū hūna ūleka kwiyeeja, akūbiza alīlīsosohaja ī lipandī lya kwikala lya ng'wa SEEBA. Ū ng'wenūyo akūkomanyiwa wīnjiwe ū mu Baisilaeli. Nguno nsoso, ataseeseebelilwe a minzī ga kūng'weeja; akwikala nabo ū būsoso wakwe.
14
Ūlū munhū ūcha alī ng'wiheema, ī shilagīlo sha kūmutongeela shiishi: Ose ose ūyo wingīla ū ng'wiheema lyenīlo, akūbiza na būsoso kūshisha ikanza lya shikū mpungatī, pye nūūlū ūyo ūsangwa alīmo ū ng'wiheema.
15
Na būlī shiseme īsho shilīmo ū mu kaya ūlū shitī na ikundīkījo shikūbalwa kūbiza shisoso.
16
Nūūlū alī kū malaale ū munhū akūbalwa kūbiza nsoso kūshisha ikanza lya shikū mpungatī, ūlū ūkuumya mimba gwa mhunhū, abize wabūlagagwa bo līlūshū, nūūlū wachaaga dūhū gīt'ūmo banhū bakachīlaga na kale; nūūlū ūkuumya iguha lya munhū achile, nūūlū ūkuumya shigila.
17
Ūlū munhū ūsosohala, solaga mabu mageehu a ga ndogoosa īyo īkapemva mu moto, ūgatūūle mu shiseme; hūna ūgītīīle minzī ga kwīnga mu mongo gwa kūhūūma.
18
“Hama munhū ūyo atī na būsoso akūsola itambī lya hisopo, ūlīdabbya ū mu minzī genayo, hūna ūlīseeseebela ī liheema nī shiseme shaamo, pye na a banhū abo baalīmo ū lūshikū lwenūlo; nūūlū munhū wakuumyaga iguha lya munhū, nūūlū ūyo wakuumyaga shigila, nūūlū wankuumyaga munhū achile, ībize kūlwa kūbūlagwa na munhū ūngī, nūūlū wachaaga lūfu dūhū.
19
A a ha lūshikū lwa kadatū na lwa mpungatī, munhū ūyo atī na būsoso akūnseeseebela ūyo alī na būsoso; hama a ha lūshikū lwa mpungatī ūng'weeja. Ū munhū ūyo aleejiwa akūshifula ī shizwalo shakwe, hūna ooga mu minzī, hanuma ū lūshikū lwenūlo kwandīja ikanza lya mhīndī, ūbalwa kūbiza ng'wela.”
20
“Alīyo ū munhū ūyo alī na būsoso ūlū ūleka ū kwiyeeja, akūkomanyiwa wīnjiwe ū mu banhū; nguno walīsosohajaga ī lipandī lyeela lya ng'wa SEEBA. Ataseeseebelilwe a minzī ga kweeja banhū, na lūūlū alī na būsoso.
21
Ī shenīshi shilī shilagīlo sha būja na būja kūlwa nguno yabo. Ūyo alīnseeseebela minzī ng'wiye nang'hwe akūfula ī shizwalo shakwe; na būlī ng'wene ū wa kūgakuumya a minzī ga kweeja banhū akūbiza na būsoso kūshisha līīmi kūlibīla.
22
Na būlī shikolo īsho ūshikuumya munhū ūyo alī na būsoso, shikūbiza shisoso, na būlī ng'wene ūyo ūshikuumya ī shikolo shenīsho, nang'hwe akūbiza nsoso kūshisha līīmi kūlibīla.”
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36