bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Numbers 9
Numbers 9
Sukuma 2019
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 10 →
1
Aho balī ng'witogolo lya Sinai mu ng'waka gwabo gwa kabīlī kūfuma kwīnga Misili, mu ng'weji gwa kwandya, ū SEEBA ūlūngalūnga nū Musa; ūng'wīla gīkī,
2
“A Baisilaeli ni bizūkagwe kūshiyegela ī shigukulu sha pasaka ū ng'wikanza īlo līhelilwe.
3
Bakwandya ikanza lya mhīndī gīt'ūmo īhelelilwe, lūshikū lwa ikūmi na inè ng'weji gwenūyū. Pyī ī mihayo īshikīlījiwe gīt'ūmo shilagīlo shihayīlile, kūlenganīla na kaīle ka kahelele.”
4
Hūna ū Musa ūbawīla a Baisilaeli kūshizūkwa ī shigukulu sha pasaka na kūshiyegela.
5
Na ng'hana aho balī ū ng'witoglo lya Sinai, lwahayūshika ū lūshikū lw'ikūmi n'inè ū mu ng'weji gwa kwandya, a Baisilaeli būgwīta ū mhayo gwenūyo. Bīīta būlī mhayo gīt'ūmo SEEBA walī wanagīīlīla ū Musa.
6
Gwike ū lūshikū lwenūlo, bamò babo batīliile ī pasaka, baalī baasosohala kūlwa nguno ya mimba gwa munhū nebe. Na lūūlū biza ū kūlī Musa nū Alooni ū mu lūshikū lwenūlo dūhū.
7
Būshika būng'wīla ū Musa, “A bise tūlī na būsoso kūlwa nguno ya mimba gwa munhū, alīyo nahene nibūlī tūleke ū kūmfunīja ū SEEBA ī shakwinha hamò na a Baisilaeli a bangī ū ng'wikanza īlo līhelilwe?”
8
Nang'hwe ū Musa ūbawīla, “Lindīīlagi kūshisha napandīke būtongeeji kūfuma kūlī SEEBA ū mu mihayo ying'we.”
9
Hanuma y'ikanza ū SEEBA ūng'wīla ū Musa,
10
Bawīlage a Baisilaeli gīkī, “Ūlū ūmò wing'we nūūlū ūmò wa mu shibyalīlwe shing'we ūsosohala kūlwa nguno ya mimba, nūūlū ūbiza atīho nguno alī mu lūgendo, ū ng'wenūyo akūbiza ataalī azunīlīgije ū kwīyegela ī pasaka ya ng'wa SEEBA.
11
A banhū ba gīko bakwīyegela ī pasaka mhīndī ya lūshikū lwa ikūmi na inè mu ng'weji gwa kabīlī. Hū ī likanza īlo bakwīlya ī ng'holo ya pasaka hamò nū ngatī ūyo gūtī na shibimbya, na makūbī malūlū.
12
Ī nyama yenīyo yaya ū kwīlekeela kūshisha ntondo yaho; hangī yaya kūbīnza iguha lyayo nūūlū līmò. Nabo shibigelilwe kwīlya ī pasaka kūlenganīla nī shilagīlo īsho shitūūlilwe ho.
13
Gwike ūlū munhū atī na būsoso bose bose, nūūlū atī mu lūgendo, alīyo ūleka dūhū ū kūsangīla na a banhū a bangī ū kwīlya ī pasaka, ū ng'wenūyo shiigelile akomanyiwe wīnjiwe ū mu banhū bakwe. Nguno atamfunīgije ū SEEBA ī shakwinha shakwe ng'wikanza īlo lehelilwe. Ū munhū wa gīko akūgabūūcha wei ng'wenekīlī a makoye ga būkenaagūji wakwe.
14
Hama ū ngeni ūyo akwikalaga mu bung'we ūlū nang'hwe ūtogwa kwīlya ī pasaka, shing'wigeleelilwe ashilondeele ī shilagīlo īsho shitūūlilwe ho, hamò na a kaīle kaaho. Mukūbiza na shilagīlo sha mbika īmò kū banhū bose, ū kū babisa nū kū baana byalwa.”
15
Kwandīja ū lūshikū lwene līkīmīlījiwa ī lipandī lya kwikala, ī liheema lya būkaanīji, ilunde līkalīfīīkīja ī liheema lyenīlo. Alīyo ū kwandīja mhīndī kūshisha kū ntondo yaho dilū, ī lilunde lyabonagwa gītī moto a h'igūlya y'ipandī lya kwikala.
16
Jikabīta shikū ningī līkūbonagwa gīko; ī dilū lyabiza ilunde līkundīkīgije ho, alīyo ī mhīndī gwabiza gītī moto.
17
Ī lilunde lyabizaga ūlū lyīnga a hiheema, a Baisilaeli baasambūlaga ī ng'hambī bandya lūgendo; hama hose hose aho līlaakalembeele ī lilunde lyenīlo, a Baisilaeli nabo baatūūlaga henaho ī ng'hambī yabo.
18
A Baisilaeli baasambūlaga ī ng'hambī yabo bandya lūgendo kūlwa shilagīlo sha ng'wa SEEBA; na baatūūlaga ī ng'hambī yabo kūlwa shilagīlo shakwe. Pye ū ng'wikanza īlo lyalī līlembeelile ī lilunde a hiheema, nabo bikalaga a ha ng'hambī yenīyo.
19
Ī lilunde nūūlū lyūmala shikū ningī līlembeele a higūlya y'ipandī lya kwikala, a Baisilaeli baalī batīngaga a ha ng'hambī yenīyo, nguno baalī bashiigwile ī shilagīlo sha ng'wa SEEBA.
20
Makanza gamò ī lilunde lyalembeelaga a higūlya y'ipandī lya kwikala shikū ngeehu dūhū. Būlī hene ūlū būtūūla ng'hambī bikalaga ho mu kūlondeela shilagīlo sha ng'wa SEEBA, na bīnjaga ho ī ng'hamī yabo kūlwa shilagīlo sha ng'wa SEEBA.
21
Nīyo makanza gamò ī lilunde lyalembeelaga mapandī gangī kwandīja mhīndī, kūshisha ha ntondo dilū dūhū; ūlū lyūbūūka ī dilū nabo būbūūka. Ikanza lyose lyose aho lyūbūūkīla ī lilunde, ībize līīmi nūūlū būjikū; nabo bakwandya lūgengo.
22
Ī lilunde lyabizaga ūlū lyūlembeela a higūlya y'ipandī lya kwikala ikanza lya shikū ibīlī, nūūlū ng'weji gūmò, nūūlū ng'waka ngima, a Baisilaeli bikalaga ho a ha ng'hambī yenīyo, baalī batasaamaga, alīyo bikalaga nzūgūlūmatū, ūlū lyūbūūka dūhū ī gīkī, nabo haho na haho bandya lūgendo.
23
Ī ng'hambī yabo baatūūlaga kūlwa shilagīlo sha ng'wa SEEBA, hama nū kwīsambūla ī ng'hambī yabo na kwandya lūgendo, bīītaga gīko kūlwa shilagīlo sha ng'wa SEEBA. Baalī bashiigwile ī shilagīlo sha ng'wa SEEBA, īsho walī wabinha mu nzīla ya ng'wa Musa.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36