bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Numbers 4
Numbers 4
Sukuma 2019
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 5 →
1
Hūna hangī ū SEEBA ūbawīla a ba Musa nū Alooni gīkī,
2
“Ū mu lūganda lwa Balawī babalagi a Bakohati, būlī ng'wene mu numba ya ng'wawe, gīt'ūmo jilī numba ja bakūlūgenji babo.
3
Mubabale pye a bagosha kwandīja ba myaka makūmi adatū, kūshisha ba myaka makūmi atanò abo bakatūmamaga ng'wiheema lya kwibilingīla.
4
Ū nīmo gwa Bakohati ū ng'wiheema lya kwibilingīla, gūkūbiza kūshilang'hana ī shikolo īsho shilī sheela no no no.
5
Ī likanza lya kūsaamiwa ī ng'hambī ūlū lyūshika, ū Alooni na a bitūnja bakwe bakwingīla mo kūlyīnja ī litundubaalī lya hisenge, būlīkundīkīja a h'isandīko lya būkaanīji.
6
Hūna būlīkundīkīja na makūnza ga mbūli, hanuma būlīkundīkīja hangī na ng'wenda gwa langi ya būlulu. Ūlū būmala ī gīko būlītūūlīla ī mitī yalyo ya kūlībūūkīja.
7
A ha meeza ya migatī ya kwizūkīja bakwamba ng'wenda gwa būlulu, būgatūūla ho a masahani, nī shijiiko na a mabbakuli, nī shikombe īsho shikatūmamīlagwa mu kūfunya shakwinha sha kūng'wiwa. Ū ngatī ūyo gūkikalaga ho būl'ikanza bakūgūleka gwikale ho.
8
Hūna ī shikolo shenīsho bakūshikumba ng'wenda gwaza; a higūlya ya ng'wenda būkundīkīja makūnza ga mbūli, hūna bīītūūla ho nī mitī ya kwībūūkīja ī meza.
9
Bakūsola ng'wenda gwa langi ya būlulu būlīkumba ī likīndīkīlo lya tala, hamò nī tala jalyo ījo jikenhaga isana, na a majimījo ga tala, nī sahani jaho na a mabīīkīlo ga maguta ga kūjibakīja ī tala.
10
Hanuma ya henaho ī likīndīkīlo lya tala hamò nī shikolo shalyo bakūlīlingīīla ng'wikundīkījo lya makūnza ga mbūli, hūna būlītūūla hibūkījo.
11
A higūlya ya ng'walīlo gwa zahabu bakwamba ho ng'wenda gwa būlulu, hūna būgūkumba na makūnza ga mbūli, hama būgūtūūlīla nī mitī ya kūgūbūkīja.
12
Ī shiseme īsho shikatūmamīlagwa kū milīmo ya ng'wipandī lyeela bakūshisola ī shose, būshikumba ng'wenda gwa būlulu, hama būshikumba na makūnza ga mbūli, būshitūūla hibūūkījo.
13
A mabu ga ha ng'walīlo gwa shaba bakūgīnja hūna bamba ho ng'wenda gwa langi ya nzulunge.
14
A higūlya yago būshitūūla pyī ī shikolo īsho shikatūmamīlagwa kū milīmo ya ha ng'walīlo gwenūyo, a maahulīlo ga moto, uuma ja kūzubūlīla nyama, makolelo na a mabbakuli ga kūseeseebela mininga; hūna būtūūla ho n'ikundīkījo lya makūnza ga mbūli; hanuma būgūtūūlīla nī mitī ya kūgūbūkīja.
15
Ū Alooni na a bitūnja bakwe ūlū būmala maja ū kūshikundīkīja ī shiseme sheela, nī shikolo ī shingī pye, ūlū lyūshika ī likanza lya kwīsaamya ī ng'hambī, a Bakohati nabo hū bakwiza bagwīte ū nīmo gwa kūbūūcha. Gwike yaya ū kūgima kūshikuumya ī shikolo ī sheela; nguno ūlū bīīta gīko bakūcha. Na lūūlū a Bakohati bakūshibūūcha ī shikolo sha ng'wiheema lya kwibilingīla.
16
“Ū Elieza ū ng'witūnja o ng'wa ngabīji Alooni akūgalang'hana a maguta ga kūbakīja tala nū būbbani wa ng'waso gwawiza, nū būsu ūbo būkafunyiwagwa būlī lūshikū kūbiza shakwinha sha būsu, na a maguta ga kwitīīlwa batūmami ūlū balītūūlwa ha nīmo. Ū ng'wenūyo h'akūbiza nang'hani walyo pyī ī liheema nī shikolo shalyo shose, nī shitūmamīlo shalyo ī sheela, nī shiseme ī shingī.”
17
Ū SEEBA ūbakomeleja a ba Musa nū Alooni alīhaya,
18
“Lang'hanagi gete, ī kaya ja mu numba ya ng'wa Kohati jitizūshila kūjimīīla ū mu lūganda lwa Balawī.
19
Ni bilang'hanage bikale bapanga, batizūūcha kūlwa kūsheegeela ī shikolo ī sheela no no no. Na lūūlū ū Alooni na a bitūnja bakwe bakūyūbagunanha mu gīkī, bakūyingīla ū ng'wipandī lyeela, babahelela būlī ng'wene nīmo gwakwe, nī shikolo īsho shing'wigelilwe kūshibūūcha.
20
Alīyo a boi a Bakohati batī ba kūja mo ū mu gatī gīkī bakashilole ī shikolo ī sheela, yaya nūūlū hado dūhū; nguno numho bakūcha.”
21
Ū SEEBA ūng'wīla hangī ū Musa gīkī,
22
“Babalage na a banhū ba numba ya ng'wa Gelishomu, būlī bene mu kaya jabo, gīt'ūmo jilī kaya ja bakūlūgenja babo.
23
Babalage pye a bagosha kwandīja ba myaka makūmi adatū kūshisha ba myaka makūmi atanò, abo bakatūmamaga ng'wiheema lya kwibilingīla.
24
A ba numba ya ng'wa Gelishomu, ū mu katūmamīle kabo ka kūbūūcha miligo, ī milīmo yabo īkūbiza īyī:
25
Bakūbiza babūūcha baago a matundubaalī g'iheema, na a g'ipandī lya kwibilingīla, hamò nī likundīkījo lyalyo lya myenda, ī lya kūtonja, nī lya makūnza ga mbūli īlo līkizaga higūlya; na a matundubaalī ga ha nyango gwa ng'wiheema lya kwibilingīla.
26
Na a matundubaali ga ha lūūba lwa ha gwalugwa īyo īpīndīlīgije iheema hamò na ng'walīlo. H'a babūūcha baago na a matundubaalī ga ha nyango, nī ngoye; nī shikolo ī shingī pyī īsho shikatūmamīlagwa kūbeeja milīmo yamo. A banhū ba numba ya ng'wa Gelishomu shibigelile kūshitūmamīla ī shikolo shenīshi ū mu kwīyīīta pyī īyo īlagīlilwe kwītwa.
27
Pye ū būtūmami wabo bakūwīta gīt'ūmo kalī katongeelele ka ng'wa Alooni na bitūnja bakwe; ni gūbizage nīmo gwa kūbūūcha nūūlū gwa kūbeeja shikolo shose shose. Ūkūbahelela bebe īsho bakūyūshibūūcha.
28
Ū wenūbū hū būtūmami wa banhū ba numba ya ng'wa Gelishomu ū ng'wiheema lya kwibilingīla. Ī milīmo yabo īkūbiza ha sīlīlī ya būtongeeji bo ng'wa Itamaali ng'witūnja wa ngabīji Alooni.”
29
Babalage na a banhū ba numba ya ng'wa Melaali, būlī beenī mu kaya jabo, gīt'ūmo jilī numba ja bakūlūgenja babo.
30
Babalage pye a bagosha kwandīja ba myaka makūmi adatū kūshisha ba myaka makūmi atanò, abo bakatūmamaga ng'wiheema lya kwibilingīla.
31
Ū nīmo gwabo ūyo bahelelilwe kūgwīta ū ng'wiheema lya kwibilingīla gūūyū, Bakūyūjibūūcha ī mbawa ja kūlyīmīlīkīja ī lipandī lya kwikala, nī papi jalyo nī ng'hīngī jalyo na a makīndīkīlo ga ng'hīngī.
32
Pye nī ng'hīngī ja kwīpīndīlīja ī gwalugwa, na a makīndīkīlo gaajo, nī mambo ja hiheema, nī ngoye, nī shikolo ī shingī pyī īsho shikatūmamīlagwa kū milīmo yikolile gīko. Būlī munhū ng'helelage nīmo gwakwe ūyo alayūgwīta.
33
Ū gwenūyū hū gwene ū nīmo gwa banhū ba numba ya ng'wa Melaali ū ng'wiheema lya kwibilingīla. Bakūtūmama ha sīlīlī ya būtongeejibo ng'wa Itamaali ū ng'witūnja wa ngabīji Alooni.
34
Ū Musa nū Alooni, na a batongeeji ba banhu, būbabala a banhū ba numba ya ng'wa Kohati kūlenganīla na ng'anda jabo na kaya jabo.
35
Pye a bagosha, kwandīja ba myaka makūmi adatū kūshisha ba myaka makūmi atanò, abo bingīlaga ng'wiheema lya kwibilingīla kūtūmama milīmo.
36
Aho baabalwa būshika shihūmbī shibīlī na magana mpungatī na makūmi atanò.
37
Ūwenubo hū būkūmi bo banhū ba numba ya ng'wa Kohatiī abo bingīlaga ng'wiheema lya kwibilingīla kūbeeja milīmo. Ū Musa nū Alooni bakababala gīt'ūmo SEEBA walī wanagīīlīla Musa.
38
A ba numba ya ng'wa Gelishomu nabo bakabalwa kūlenganīla na numba jabo na kaya jabo.
39
Pye a bagosha, kwandīja ba myaka makūmi adatū kūshisha ba myaka makūmi atanò, abo bingīlaga ng'wiheema lya kwibilingīla kūtūmama milīmo,
40
aho baabalwa būshika shihūmbī shibīlī na magana atandatū na makūmi adatū.
41
Ūwenubo hū būkūmi bo banhū ba numba ya ng'wa Gelishomu abo bingīlaga ng'wiheema lya kwibilingīla kūbeeja milīmo. Ū Musa nū Alooni bakababala gīt'ūmo SEEBA walī wanagīīlīla Musa.
42
A ba numba ya ng'wa Melaali nabo bakabalwa kūlenganīla na ng'anda jabo na kaya jabo.
43
Pye a bagosha, kwandīja ba myaka makūmi adatū kūshisha ba myaka makūmi atanò, abo bingīlaga ng'wiheema lya kwibilingīla kūtūmama milīmo.
44
Aho baabalwa būshika shihūmbī shidatū na magana abīlī.
45
Ūwenubo hū būkūmi bo banhū ba numba ya ng'wa Melaali abo bingīlaga ng'wiheema lya kwibilingīla kūbeeja milīmo. Ū Musa nū Alooni bakababala gīt'ūmo SEEBA walī wanagīīlīla Musa.
46
Hūna lūūlū ū Musa nū Alooni na a batongeeji ba Baisilaeli būbabala pye a Balawī kūlenganīla na numba jabo na kaya jabo.
47
A bagosha pye a ba kwandīja myaka makūmi adatū, abo bingīlaga ng'wiheema lya kwibilingīla kūbeeja milīmo, na kūyūlībūūcha ng'wikanza lya kūsaama,
48
Ūbūkūmi wabo bakashika shihūmbī shinaane na magana atanò na makūmi anaane.
49
Pye a bose bakahelelwa ī milīmo ya kwīta, na a babūūcha būlagīlwa ī sha kūbūūcha, gīt'ūmo SEEBA walī wangīīlīla Musa. Nū kūbalwa bakabalwa pye gīt'ūmo SEEBA walī wanagīīlīla Musa.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36