bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tswana
/
Tswana (BAEBELE e e Boitshepo) 1992
/
2 Kings 25
2 Kings 25
Tswana (BAEBELE e e Boitshepo) 1992
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
1
Ga dirala e rile ka ngwaga wa 9 wa puso ya gagwe, ka kgwedi ya lesome, ka tsatsi la lesome la kgwedi, Nebukatenesare kgosi ya Babilone a tla Jerusalema, ene le ntwa yotlhe ya gagwe, a fitlha a thibelela fa pele ga one; ba aga dikago tsa tlhabanelo mo tikologong ya one.
2
Motse wa tlhaselwa go ya go fitlha mo ngwageng wa 11 wa ga Setekia.
3
E rile ka letsatsi le le ferang o le mongwe la kgwedi ya bone mmopamo wa bo o le botlhoko mo motseng, dijo tsa ba tsa tlhokafalela batho ba lefatshe.
4
Foo ga dirwa phatlha mo motseng, mme batlhabani botlhe ba tshaba go le bosigo, ba tsaya tsela ya kgoro e e fa gare ga dithako tse pedi, e e fa tshimong ya kgosi; Bakalatea ba bo ba dikanyeditse motse ka ntlha tsotlhe; kgosi ya tsaya tsela ya Araba.
5
Ntwa ya Bakalatea ya konatelela kgosi, ya mo tshwarela mo dipaleng tsa Jeriko; ntwa yotlhe ya yone ya e falalela.
6
Foo ba tshwara kgosi, ba e isa kwa kgosing ya Babilone kwa Ribela; mme ba atlhola ka ga gagwe.
7
Ba bolaya bomorwa Setekia fa pele ga matlho a gagwe, ba gonya matlho a ga Setekia ba mo golega ka diketane ba mo isa kwa Babilone.
8
Jaana e rile ka kgwedi ya botlhano, ka letsatsi la bosupa la kgwedi, ka o e leng ngwaga wa 19 wa kgosi Nebukatenesare kgosi ya Babilone, Nebusaratane molaodi wa bahemedi, motlhanka mongwe wa kgosi ya Babilone, a tla Jerusalema.
9
A fisa ntlo ya ga Jehofa, le ntlo ya kgosi; le matlo otlhe a Jerusalema; e bong matlo otlhe a matona a a fisa ka molelo.
10
Botlhe ba ntwa ya Bakalatea ba ba nang le molaodi wa bahemedi, ba thubaka dithako tsa Jerusalema mo tikologong.
11
Masalela a batho ba ba neng ba setse mo motseng, le bone ba ba thobileng ba thobetse kwa kgosing ya Babilone, le masalela a bontsi jwa batho, Nebusaratane molaodi wa bahemedi a ba tlosa ba golegilwe.
12
Molaodi wa bahemedi a tlogela bahumanegi ba lefatshe gore ba nne babaakanyi ba mafine le balemi.
13
Maotwana a kgotlho a a ne a le mo ntlong ya ga Jehofa, le ditlhomo le lewatle la kgotlho, tse di ne di le mo ntlong ya ga Jehofa, Bakalatea ba di thubaganya, ba isa kgotlho ya tsone kwa Babilone.
14
Le dipitsa, le diolamolora, le dipoma tsa dipone, le dintshwana, le dilwana tsotlhe tsa kgotlho tse go ne go direlwa ka tsone, ba tsamaya ka tsone.
15
Le ditshola molelo, le megotšana; se e leng sa gouta e le gouta, le se e leng sa selefera e le selefera, molaodi wa bahemedi a tsamaya ka tsone jalo.
16
Maotwana a mabedi, lewatle le lengwe fela, le ditlhomo tse Solomone o ne a di diretse ntlo ya ga Jehofa; kgotlho ya dilwana tse tsotlhe e ne e se na palo ya bokete.
17
Bogodimo jwa lekotwana le le lengwe e ne e le selekanyo sa mabogo a le 18, mme le na le tlhogo ya kgotlho; bogodimo jwa tlhogo e le mabogo a le mararo; tlhogo e na le tiro e e selotloa, le digaranata mo tikologong ya yone, e le ya kgotlho yotlhe; le lekotwana la babedi le na le dilo tse di tshwanang le tse, le tiro e e selotloa.
18
Molaodi wa bahemedi a tsaya Seraia moperesiti yo mogolo, le Sefania moperesiti wa bobedi, le balebedi ba bararo ba kgoro;
19
mme mo motseng a tsaya moopafadiwi mongwe yo o ne a laodisitswe batlhabani; le banna ba le batlhano mo go bone ba ba neng ba leba sefatlhogo sa kgosi, ba ba fitlhetsweng mo motseng; le mokwaledi, e bong molaodi wa ntwa yo o ne a tle a phuthe batho ba lefatshe; le banna ba le 60 ba batho ba lefatshe ba ba fitlhetsweng mo motseng.
20
Nebusaratane a ba tsaya, a ba isa kwa kgosing ya Babilone kwa Ribela.
21
Kgosi ya Babilone ya ba kgemetha, ya ba bolaela mo Ribela mo lefatsheng la Hamathe. Jalo Bajuta ba ntshiwa mo lefatsheng ba tlosiwa ba golegilwe.
22
Ka ga batho ba ba setseng mo lefatsheng la Juta, ba Nebukatenesare kgosi ya Babilone o ba tlogetseng, a dira Getalia morwa Ahikame, morwa Shafane, molaodi wa bone.
23
Jaana e rile balaodi botlhe ba mephato, bone le batho ba bone, ba utlwa fa kgosi ya Babilone e dirile Getalia molaodi, ba ya kwa go Getalia kwa Misepa, e bong Išemaele morwa Nethania, le Johanane morwa Karia, le Seraia morwa Tanahumethe wa Monetofatha, le Jaasania morwa motho wa Maakathe, bone le batho ba bone.
24
Getalia a ba ikanela le batho ba bone, a ba raya a re: “Lo se ka lwa boifa ka ntlha ya batlhanka ba Bakalatea; lo nne mo lefatsheng, lo direle kgosi ya Babilone, mme go tlaa nna molemo mo go lona.”
25
Mme ya re ka kgwedi ya bosupa, Išemaele morwa Nethania, morwa Elešame, wa losika lwa segosi, a tla, a na le banna ba le some, mme a itaya Getalia a swa, le Bajuta le Bakalatea ba o nang nabo mo Misepa.
26
Mme batho botlhe, bannye le bagolo, le balaodi ba mephato, ba nanoga ba ya Egepeto; gonne ba boifa Bakalatea.
27
Ka ngwaga wa 37 wa botshwaro jwa ga Jehoiakine kgosi ya Juta, ka kgwedi ya 12, ka letsatsi la 27 la kgwedi, Efile-merotake, kgosi ya Babilone, ka ngwaga o o simolotseng go busa ka one, a tsholetsa tlhogo ya ga Jehoiakine kgosi ya Juta, a mo ntsha mo tlong ya kgolegelo.
28
A bua nae ka pelonomi, a tlhoma setulo sa gagwe sa bogosi godimo ga ditulo tsa dikgosi tse di nang nae mo Babilone.
29
A mo apola diaparo tsa gagwe tsa ntlo ya kgolegelo, mme a jela dijo fa pele ga gagwe ka gale ka malatsi otlhe a botshelo jwa gagwe.
30
Mme ka ga kabelo, ga nna kabelo e o e newang ke kgosi ka gale le ka gale, ka malatsi otlhe a botshelo jwa gagwe.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25