bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Samuel 1
2 Samuel 1
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
1
Aur Sáúl kí maut ke ba‘d, jab Dáúd ‘Amálíqíoṉ ko márkar lauṭá, aur Dáúd ko Siqláj meṉ rahte húe do din ho gaye,
2
to tísre din aisá húá, ki ek shaḳhs lashkargáh meṉ se Sáúl ke pás se pairáhan chák kiye, aur sir par ḳhák ḍále húe, áyá; aur jab wuh Dáúd ke pás pahuṉchá, to zamín par girá, aur sijda kiyá.
3
Dáúd ne us se kahá, Tú kaháṉ se átá hai? Us ne us se kahá, Maiṉ Isráíl kí lashkargáh meṉ se bach niklá húṉ.
4
Tab Dáúd ne us se púchhá, Kyá hál rahá? Zará mujhe batá. Us ne kahá, ki Log jang meṉ se bhág gaye, aur bahut se gire aur mar gaye; aur Sáúl aur us ká beṭá Yúnatan bhí mar gaye haiṉ.
5
Tab Dáúd ne us jawán se jis ne us ko yih ḳhabar dí kahá, Tujhe kaise ma‘lúm hai, ki Sáúl aur us ká beṭá Yúnatan mar gaye?
6
Wuh jawán jis ne us ko yih ḳhabar dí kahne lagá, ki Maiṉ koh i Jilbú‘a par ittifáqan wárid húá, aur kyá dekhá, ki Sáúl apne neze par jhuká húá hai, aur rath aur sawár us ká píchhá kiye á rahe haiṉ.
7
Aur jab us ne apne píchhe nigáh kí, to mujh ko dekhá, aur mujhe pukárá; maiṉ ne jawáb diyá, Maiṉ házir húṉ.
8
Us ne mujhe kahá, Tú kaun hai? Maiṉ ne use jawáb diyá, Maiṉ ‘Amálíqí húṉ.
9
Phir us ne mujh se kahá, Mere pás khaṛá hokar mujhe qatl kar ḍál, kyúṉki maiṉ baṛe ‘azáb meṉ húṉ, aur ab tak merá dam mujh meṉ hai.
10
Tab maiṉ ne us ke pás khaṛe hokar use qatl kiyá, kyúṉki mujhe yaqín thá, ki ab jo wuh girá hai to bachegá nahíṉ; aur maiṉ us ke sir ká táj, aur bázú par ká kangan lekar un ko apne ḳhudáwand ke pás láyá húṉ.
11
Tab Dáúd ne apne kapṛoṉ ko pakaṛkar un ko pháṛ ḍálá; aur us ke sáth ke sab ádmíoṉ ne bhí aisá hí kiyá.
12
Aur wuh Sáúl aur us ke beṭe Yúnatan, aur Ḳhudáwand ke logoṉ aur Isráíl ke gharáne ke liye nauha karne aur rone lage, aur shám tak roza rakkhá, is liye ki wuh talwár se máre gaye the.
13
Phir Dáúd ne us jawán se jo yih ḳhabar láyá thá púchhá, ki Tú kaháṉ ká haí? Us ne kahá, Maiṉ ek pardesí ká beṭá aur ‘Amálíqí húṉ.
14
Dáúd ne us se kahá, Tú Ḳhudáwand ke mamsúh ko halák karne ke liye us par háth chaláne se kyúṉ na ḍará?
15
Phir Dáúd ne ek jawán ko bulákar kahá, Nazdík já, aur us par hamla kar. So us ne use aisá márá, ki wuh mar gayá.
16
Aur Dáúd ne us se kahá, Terá ḳhún tere hí sir par ho, kyúṉki tú hí ne apne muṉh se áp apne úpar gawáhí dí, aur kahá, ki Maiṉ ne Ḳhudáwand ke mamsúh ko ján se márá.
17
Aur Dáúd ne Sáúl aur us ke beṭe Yúnatan par is marsiya ke sáth mátam kiyá:
18
aur us ne un ko hukm diyá, ki baní Yahúdáh ko kamán ká gít sikháeṉ: dekho, wuh Yáshar kí kitáb meṉ likhá hai.
19
Ai Isráíl, tere hí úṉche maqámoṉ par terá faḳhr márá gayá! Háe; zabardast kaise khet áe!
20
Yih Ját meṉ na batáná, Asqalon ke kúchoṉ meṉ us kí ḳhabar na karná; Na ho ki Filistíoṉ kí beṭiyáṉ ḳhush hoṉ, Na ho ki námaḳhtúnoṉ kí beṭiyáṉ faḳhr kareṉ.
21
Ai Jilbú‘a ke paháṛo! Tum par na os paṛe, aur na bárish ho, aur na hadye kí chízoṉ ke khet hoṉ; Kyúṉki waháṉ zabardastoṉ kí sipar burí tarah se pheṉk dí gayí, Ya‘ní Sáúl kí sipar, jis par tel nahíṉ lagáyá gayá thá.
22
Maqtúloṉ ke ḳhún se, zabardastoṉ kí charbí se, Yúnatan kí kamán kabhí na ṭalí, Aur Sáúl kí talwár ḳhálí na lauṭí.
23
Sáúl aur Yúnatan apne jíte jí ‘azíz aur dilpasand the, Aur apní maut ke waqt alag na húe; Wuh ‘uqáboṉ se tez, Aur sher i babaroṉ se zoráwar the.
24
Ai Isráíl kí beṭiyo, Sáúl par roo, Jis ne tum ko nafís nafís arg̣awání libás pahináe, Aur sone ke zewaroṉ se tumhárí poshák ko árásta kiyá.
25
Háe, laṛáí meṉ zabardast kaise khet áe! Yúnatan tere úṉche maqámoṉ par qatl húá.
26
Ai mere bháí Yúnatan, mujhe terá g̣am hai: Tú mujh ko bahut hí marg̣úb thá: Terí mahabbat mere liye ‘ajíb thí, ‘Auratoṉ kí mahabbat se bhí ziyáda.
27
Háe, zabardast kaise khet áe! Aur jang ke hathyár nábúd ho gaye.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24