bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Samuel 11
2 Samuel 11
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 12 →
1
Aur aisá húá ki dúsre sál, jis waqt bádsháh jang ke liye nikalte haiṉ, Dáúd ne Yoáb aur us ke sáth apne ḳhádimoṉ aur sab Isráílíoṉ ko bhejá: aur unhoṉ ne baní ‘Ammon ko qatl kiyá, aur Rabbah ko já gherá. Par Dáúd Yarúshalem hí meṉ rahá.
2
Aur shám ke waqt Dáúd apne palang par se uṭhkar bádsháhí mahall kí chhat par ṭahalne lagá: aur chhat par se us ne ek ‘aurat ko dekhá jo nahá rahí thí; aur wuh ‘aurat niháyat ḳhúbsúrat thí.
3
Tab Dáúd ne log bhejkar us ‘aurat ká hál daryáft kiyá: aur kisí ne kahá, Kyá wuh Ili‘ám kí beṭí Batsaba‘ nahíṉ jo Hittí Úriyáh kí bíwí hai?
4
Aur Dáúd ne log bhejkar use bulá liyá; wuh us ke pás áí, aur us ne us se suhbat kí, kyúṉki wuh apní nápákí se pák ho chukí thí: phir wuh apne ghar ko chalí gayí.
5
Aur wuh ‘aurat hámila ho gayí; so us ne Dáúd ke pás ḳhabar bhejí, ki Maiṉ hámila húṉ.
6
Aur Dáúd ne Yoáb ko kahlá bhejá, ki Hittí Úriyáh ko mere pás bhej de: so Yoáb ne Úriyáh ko Dáúd ke pás bhej diyá.
7
Aur jab Úriyáh áyá, to Dáúd ne púchhá, ki Yoáb kaisá hai, aur logoṉ ká kyá hál hai, aur jang kaisí ho rahí hai?
8
Phir Dáúd ne Úriyáh se kahá, ki Apne ghar já, aur apne páṉw dho. Aur Úriyáh bádsháh ke mahall se niklá, aur bádsháh kí taraf se us ke píchhe píchhe ek ḳhwán bhejá gayá.
9
Par Úriyáh bádsháh ke ghar ke ástáne par apne málik ke âur sab ḳhádimoṉ ke sáth soyá, aur apne ghar na gayá.
10
Aur jab unhoṉ ne Dáúd ko yih batáyá, ki Úriyáh apne ghar nahíṉ gayá, to Dáúd ne Úriyáh se kahá, Kyá tú safar se nahíṉ áyá? pas tú apne ghar kyúṉ na gayá?
11
Úriyáh ne Dáúd se kahá, ki Sandúq, aur Isráíl, aur Yahúdáh jhoṉpṛiyoṉ meṉ rahte haiṉ; aur merá málik Yoáb, aur mere málik ke ḳhádim khule maidán meṉ ḍere ḍále húe haiṉ; to kyá maiṉ apne ghar jáúṉ, aur kháúṉ píúṉ, aur apní bíwí ke sáth soúṉ? terí hayát aur terí ján kí qasam, mujh se yih bát na hogí.
12
Phir Dáúd ne Úriyáh se kahá, ki Áj bhí tú yahíṉ rah já; kal maiṉ tujhe rawána kar dúṉgá. So Úriyáh us din aur dúsre din bhí Yarúshalem meṉ rahá.
13
Aur jab Dáúd ne use buláyá, to us ne us ke huzúr kháyá píyá; aur us ne use pilákar matwálá kiyá: aur shám ko wuh báhar jákar apne málik ke âur ḳhádimoṉ ke sáth apne bistar par so rahá, par apne ghar meṉ na gayá.
14
Subh ko Dáúd ne Yoáb ke liye ek ḳhatt likhá, aur use Úriyáh ke háth bhejá.
15
Aur us ne ḳhatt meṉ yih likhá, ki Úriyáh ko ghumsán meṉ sab se áge rakhná, aur tum us ke pás se haṭ jáná, táki wuh márá jáe, aur ján bahaqq ho.
16
Aur yúṉ húá, ki jab Yoáb ne us shahr ká muláhaza kar liyá, to us ne Úriyáh ko aisí jagah rakkhá, jaháṉ wuh jántá thá, ki bahádur mard haiṉ.
17
Aur us shahr ko log nikle, aur Yoáb se laṛe, aur waháṉ Dáúd ke ḳhádimoṉ meṉ se thoṛe se log kám áe, aur Hittí Úriyáh bhí mar gayá.
18
Tab Yoáb ne ádmí bhejkar jang ká sab hál Dáúd ko batáyá.
19
Aur us ne qásid ko tákíd kar dí, ki Jab tú bádsháh se jang ká sab hál ‘arz kar chuke,
20
tab agar aisá ho, ki bádsháh ko g̣ussa á jáe, aur wuh tujh se kahne lage, ki Tum laṛne ko shahr ke aise nazdík kyúṉ chale gaye? kyá tum nahíṉ jánte the, ki wuh díwár par se tír máreṉge?
21
Yarobbusat ke beṭe Abímalik ko kis ne márá? kyá ek ‘aurat ne chakkí ká páṭ díwár par se us ke úpar aisá nahíṉ pheṉká, ki wuh Taibiz meṉ mar gayá? so tum shahr kí díwár ke nazdík kyúṉ gaye? to phir tú kahná, ki Terá ḳhádim Hittí Úriyáh bhí mar gayá hai.
22
So wuh qásid chalá, aur ákar jis kám ke liye Yoáb ne use bhejá thá, wuh sab Dáúd ko batáyá.
23
Aur us qásid ne Dáúd se kahá, ki Wuh log ham par gálib húe, aur nikalkar maidán meṉ hamáre pás á gaye; phir ham un ko ragedte húe pháṭak ke madḳhal tak chale gaye.
24
Tab tírandázoṉ ne díwár par se tere ḳhádimoṉ par tír chhoṛe; so bádsháh ke thoṛe ḳhádim bhí mare, aur terá ḳhádim Hittí Úriyáh bhí mar gayá.
25
Tab Dáúd ne qásid se kahá, ki Tú Yoáb se yúṉ kahná, ki Tujhe is bát se náḳhushí na ho, is liye ki talwár jaisá ek ko uṛátí hai, waisá hí dúsre ko; so tú shahr se âur saḳht jang karke use ḍhá de: aur tú use damdilásá dená.
26
Jab Úriyáh kí bíwí ne suná, ki us ká shauhar Úriyáh mar gayá, to wuh apne shauhar ke liye mátam karne lagí.
27
Aur jab sog ke din guzar gaye, to Dáúd ne use bulwákar us ko apne mahall meṉ rakh liyá, aur wuh us kí bíwí ho gayí, aur us se us ke ek laṛká húá. Par us kám se jise Dáúd ne kiyá thá, Ḳhudáwand náráz húá.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24