bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Samuel 2
2 Samuel 2
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
1
Aur us ke ba‘d aisá húá, ki Dáúd ne Ḳhudáwand se púchhá, ki Kyá maiṉ Yahúdáh ke shahroṉ meṉ se kisí meṉ chalá jáúṉ? Ḳhudáwand ne us se kahá, Já. Dáúd ne kahá, Kidhar jáúṉ? Us ne farmáyá, Habrún ko.
2
So Dáúd ma‘ apní donoṉ bíwiyoṉ, Yazra‘elí Aḳhinú‘am aur Karmilí Nábál kí bíwí Abíjel ke waháṉ gayá.
3
Aur Dáúd apne sáth ke ádmíoṉ ko bhí ek ek ke gharáne samet waháṉ le gayá, aur wuh Habrún ke shahroṉ meṉ rahne lage.
4
Tab Yahúdáh ke log áe, aur waháṉ unhoṉ ne Dáúd ko masah karke Yahúdáh ke ḳhándán ká bádsháh banáyá. Aur unhoṉ ne Dáúd ko batáyá, ki Yabís Jili‘ád ke logoṉ ne Sáúl ko dafn kiyá thá.
5
So Dáúd ne Yabís Jili‘ád ke logoṉ ke pás qásid rawána kiye, aur un ko kahlá bhejá, ki Ḳhudáwand kí taraf se tum mubárak ho, is liye ki tum ne apne málik Sáúl par yih ihsán kiyá, aur use dafn kiyá.
6
So Ḳhudáwand tumháre sáth rahmat aur sachcháí ko ‘amal meṉ láe: aur maiṉ bhí tum ko is nekí ká badla dúṉgá, is liye ki tum ne yih kám kíyá.
7
Par tumháre bázú qawí hoṉ, aur tum diler ho, kyúṉki tumhárá málik Sáúl mar gayá, aur Yahúdáh ke gharáne ne masah karke mujhe apná bádsháh banáyá hai.
8
Lekin Naiyir ke beṭe Abinaiyir ne, jo Sáúl ke lashkar ká sardár thá, Sáúl ke beṭe Ishbosat ko lekar use Mahanáyim meṉ pahuṉcháyá;
9
aur use Jili‘ád, aur Ásharíoṉ, aur Yazra‘el, aur Ifráím, aur Binyamín, aur tamám Isráíl ká bádsháh banáyá.
10
(Aur Sáúl ke beṭe Ishbosat kí ‘umr chálís baras kí thí, jab wuh Isráíl ká bádsháh húá, aur us ne do baras bádsháhí kí.) Lekin Yahúdáh ke gharáne ne Dáúd kí pairawí kí.
11
Aur Dáúd Habrún meṉ baní Yahúdáh par sát baras chha mahíne tak hukmrán rahá.
12
Phir Naiyir ká beṭá Abinaiyir, aur Sáúl ke beṭe Ishbosat ke ḳhádim Mahanáyim se Jiba‘ún meṉ áe.
13
Aur Zarúyáh ká beṭá Yoáb aur Dáúd ke mulázim nikle, aur Jiba‘ún ke táláb par un se mile, aur donoṉ faríq baiṭh gaye; ek táláb kí is taraf, aur dúsrá táláb kí us taraf.
14
Tab Abinaiyir ne Yoáb se kahá, Zará yih jawán uṭhkar hamáre sámne kheleṉ. Yoáb ne kahá, Uṭheṉ.
15
Tab wuh uṭhkar ta‘dád ke mutábiq ámne sámne húe, ya‘ní Sáúl ke beṭe Ishbosat aur Binyamín kí taraf se bárah jawán, aur Dáúd ke ḳhádimoṉ meṉ se bárah ádmí.
16
Aur unhoṉ ne ek dúsre ká sir pakaṛkar apní apní talwár apne muḳhálif ke pahlú meṉ bhoṉk dí; so wuh ek hí sáth gire: is liye wuh jagah Halqat Hassúrím kahláí; wuh Jiba‘ún meṉ hai.
17
Aur us roz baṛí saḳht laṛáí húí; aur Abinaiyir aur Isráíl ke logoṉ ne Dáúd ke ḳhádimoṉ se shikast kháí.
18
Aur Zarúyáh ke tínoṉ beṭe Yoáb, aur Abíshai, aur ‘Asáhel, waháṉ maujúd the: aur ‘Asáhel janglí hiran kí mánind subukpá thá.
19
Aur ‘Asáhel ne Abinaiyir ká píchhá kiyá; aur Abinaiyir ká píchhá karte waqt wuh dahine yá báeṉ háth na muṛá.
20
Tab Abinaiyir ne apne píchhe nazar karke us se kahá, Ai ‘Asáhel kyá tú hai? Us ne kahá, Háṉ.
21
Abinaiyir ne us se kahá, Apní dahiní yá báíṉ simt ko muṛ já, aur jawánoṉ meṉ se kisí ko pakaṛkar us ke hathyár lúṭ le. Par ‘Asáhel us ká píchhá karne se báz na áyá.
22
Abinaiyir ne ‘Asáhel se phir kahá, Merá píchhá karne se báz rah; maiṉ kaise tujhe zamín par márke ḍál dúṉ? kyúṉki phir maiṉ tere bháí Yoáb ko kyá muṉh dikháúṉgá?
23
Is par bhí us ne muṛne se inkár kiyá: tab Abinaiyir ne apne bhále ke pichhle sire se us ke peṭ par aisá márá, ki wuh pár ho gayá: so wuh waháṉ girá, aur usí jagah mar gayá: aur aisá húá, ki jitne us jagah áe jaháṉ ‘Asáhel girke mará thá, wuh wahíṉ khaṛe rah gaye.
24
Lekin Yoáb aur Abíshai Abinaiyir ká píchhá karte rahe, aur jab wuh koh i Ammah tak jo dasht i Jiba‘ún ke ráste meṉ Jíáh ke muqábil hai pahuṉche, to súraj ḍúb gayá.
25
Aur baní Binyamín Abinaiyir ke píchhe ikaṭṭhe húe, aur ek dasta ban gaye, aur ek paháṛ kí choṭí par khaṛe húe.
26
Tab Abinaiyir ne Yoáb ko pukárke kahá, Kyá talwár abad tak halák kartí rahe? kyá tú nahíṉ jántá, ki us ká anjám kaṛwáhaṭ hogá? Tú kab logoṉ ko hukm degá ki apne bháiyoṉ ká píchhá chhoṛkar lauṭ jáeṉ?
27
Yoáb ne kahá, Zinda Ḳhudá kí qasam, agar tú na bolá hotá, to log subh hí ko zarúr chale játe aur apne bháiyoṉ ká píchhá na karte.
28
Phir Yoáb ne narsingá phúṉká, aur sab log ṭhahr gaye, aur Isráíl ká píchhá phir na kiyá, aur na phir laṛe.
29
Aur Abinaiyir aur us ke log us sárí rát maidán meṉ chale, aur Yardan ke pár húe, aur sab Bitron se guzarkar Mahanáyim meṉ á pahuṉche.
30
Aur Yoáb Abinaiyir ká píchhá chhoṛkar lauṭá, aur us ne jo sab ádmíoṉ ko jama‘ kiyá, to Dáúd ke mulázimoṉ meṉ se unnís ádmí aur ‘Asáhel kam nikle.
31
Par Dáúd ke mulázimoṉ ne Binyamín meṉ se aur Abinaiyir ke logoṉ meṉ se itne már diye ki tín sau sáṭh ádmí mar gaye.
32
Aur unhoṉ ne ‘Asáhel ko uṭhákar use us ke báp kí qabr meṉ jo Baitlahm meṉ thí dafn kiyá. Aur Yoáb aur us ke log sárí rát chale, aur Habrún pahuṉchkar un ko din niklá
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24