bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Samuel 5
2 Samuel 5
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
1
Tab Isráíl ke sab qabíle Habrún meṉ Dáúd ke pás ákar kahne lage, Dekh, ham terí haḍḍí aur terá gosht haiṉ.
2
Aur guzre zamáne meṉ jab Sáúl hamárá bádsháh thá, to tú hí Isráílíoṉ ko le jáyá aur le áyá kartá thá: aur Ḳhudáwand ne tujh se kahá, ki Tú mere Isráílí logoṉ kí gallabání karegá, aur tú Isráíl ká sardár hogá.
3
G̣araz, Isráíl ke sab buzurg Habrún meṉ bádsháh ke pás áe; aur Dáúd bádsháh ne Habrún meṉ un ke sáth Ḳhudáwand ke huzúr ‘ahd báṉdhá: aur unhoṉ ne Dáúd ko masah karke Isráíl ká bádsháh banáyá.
4
Aur Dáúd, jab saltanat karne lagá, to tís baras ká thá; aur us ne chálís baras saltanat kí.
5
Us ne Habrún meṉ sát baras chha mahíne Yahúdáh par saltanat kí, aur Yarúshalem meṉ sab Isráíl aur Yahúdáh par teṉtís baras saltanat kí.
6
Phir bádsháh aur us ke log Yarúshalem ko Yabúsíoṉ par jo us mulk ke báshinde the chaṛháí karne gaye: unhoṉ ne Dáúd se kahá, Jab tak tú andhoṉ aur laṉgṛoṉ ko na le jáe, yaháṉ nahíṉ áne páegá: wuh samajhte the, ki Dáúd yaháṉ nahíṉ á saktá.
7
Taubhí Dáúd ne Siyyún ká qil‘a le liyá; wuhí Dáúd ká shahr hai.
8
Aur Dáúd ne us din kahá, ki Jo koí Yabúsíoṉ ko máre, wuh nále ko jáe, aur un laṉgṛoṉ, aur andhoṉ ko máre, jin se Dáúd ke jí ko nafrat hai. Isí liye yih kaháwat hai, ki Andhe aur laṉgṛe waháṉ haiṉ; so wuh ghar meṉ nahíṉ á saktá.
9
Aur Dáúd us qil‘e meṉ rahne lagá, aur us ne us ká nám Dáúd ká shahr rakkhá. Aur Dáúd ne girdágird Millo se lekar andar ke ruḳh tak bahut kuchh ta‘mír kiyá.
10
Aur Dáúd baṛhtá hí gayá, kyúṉki Ḳhudáwand, lashkaroṉ ká Ḳhudá, us ke sáth thá.
11
Aur Súr ke bádsháh Hírám ne elchíoṉ ko aur deodár kí lakṛiyoṉ aur baṛhaiyoṉ aur mi‘mároṉ ko Dáúd ke pás bhejá, aur unhoṉ ne Dáúd ke liye ek mahall banáyá.
12
Aur Dáúd ko yaqín húá, ki Ḳhudáwand ne use Isráíl ká bádsháh banákar qiyám baḳhshá, aur us ne us kí saltanat ko Isráíl kí ḳhátir mumtáz kiyá hai.
13
Aur Habrún se chale áne ke ba‘d Dáúd ne Yarúshalem se âur harameṉ rakh líṉ aur bíwiyáṉ kíṉ: aur Dáúd ke háṉ âur beṭe aur beṭiyáṉ paidá húíṉ.
14
Aur jo Yarúshalem meṉ us ke háṉ paidá húe un ke nám yih haiṉ: Samú‘a, aur Sobáb, aur Nátan, aur Sulaimán,
15
aur Ibhár, aur Ilísú‘a, aur Nafaj, aur Yafí‘a,
16
aur Ilísama‘, aur Ilyada‘, aur Ilifálat.
17
Aur jab Filistíoṉ ne suná, ki unhoṉ ne Dáúd ko masah karke Isráíl ká bádsháh banáyá hai, to sab Filistí Dáúd kí talásh meṉ chaṛh áe; aur Dáúd ko ḳhabar húí; so wuh qil‘e meṉ chalá gayá.
18
Aur Filistí ákar Rifáíoṉ kí wádí meṉ phail gaye.
19
Tab Dáúd ne Ḳhudáwand se púchhá, Kyá maiṉ Filistíoṉ ke muqábale ko jáúṉ? kyá tú un ko mere háth meṉ kar degá? Ḳhudáwand ne Dáúd se kahá, ki Já, kyúṉki maiṉ zarúr Filistíoṉ ko tere háth meṉ kar dúṉgá.
20
So Dáúd Ba‘l Parázím meṉ áyá, aur waháṉ Dáúd ne un ko márá; aur kahne lagá, ki Ḳhudáwand ne mere dushmanoṉ ko mere sámne toṛ ḍálá, jaise pání ṭúṭkar bah nikaltá hai. Isí liye us ne us jagah ká nám Ba‘l Parázím rakkhá.
21
Aur wahíṉ unhoṉ ne apne butoṉ ko chhoṛ diyá thá; so Dáúd aur us ke log un ko le gaye.
22
Aur Filistí phir chaṛh áe, aur Rifáíoṉ kí wádí meṉ phail gaye.
23
Aur jab Dáúd ne Ḳhudáwand se púchhá, to us ne kahá, Tú chaṛháí na kar; un ke píchhe se ghúmkar tút ke daraḳhtoṉ ke sámne se un par hamla kar.
24
Aur jab tút ke daraḳhtoṉ kí phuṉgíoṉ meṉ tujhe fauj ke chalne kí áwáz sunáí de, to chust ho jáná, kyúṉki us waqt Ḳhudáwand tere áge áge nikal chuká hogá, táki Filistíoṉ ke lashkar ko máre.
25
Aur Dáúd ne, jaisá Ḳhudáwand ne use farmáyá thá, waisá hí kiyá; aur Filistíoṉ ko Jibi‘ah se Jazar tak mártá gayá.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24