bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Samuel 12
2 Samuel 12
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 13 →
1
Aur Ḳhudáwand ne Nátan ko Dáúd ke pás bhejá. Us ne us ke pás ákar us se kahá: Kisí shahr meṉ do shaḳhs the; ek amír, dúsrá g̣aríb.
2
Us amír ke pás bahut se rewaṛ aur galle the:
3
par us g̣aríb ke pás bheṛ kí ek paṭhiyá ke siwá kuchh na thá jise us ne ḳharídkar pálá thá; aur wuh us ke aur us ke bál bachchoṉ ke sáth baṛhí thí; wuh usí ke nawále meṉ se khátí, aur us ke piyále se pítí, aur us kí god meṉ sotí thí, aur us ke liye bataur beṭí ke thí.
4
Aur us amír ke háṉ koí musáfir áyá, so us ne us musáfir ke liye jo us ke háṉ áyá thá pakáne ko apne rewaṛ aur galle meṉ se kuchh na liyá, balki us g̣aríb kí bheṛ le lí, aur us shaḳhs ke liye jo us ke háṉ áyá thá, pakáí.
5
Tab Dáúd ká g̣azab us shaḳhs par bashiddat bhaṛká; aur us ne Nátan se kahá, ki Ḳhudáwand kí hayát kí qasam, ki wuh shaḳhs jis ne yih kám kiyá wájibu’l qatl hai;
6
so us shaḳhs ko us bheṛ ká chauguná bharná paṛegá, kyúṉki us ne aisá kám kiyá, aur use tars na áyá.
7
Tab Nátan ne Dáúd se kahá, ki Wuh shaḳhs tú hí hai. Ḳhudáwand Isráíl ká Ḳhudá yúṉ farmátá hai, ki Maiṉ ne tujhe masah karke Isráíl ká bádsháh banáyá, aur maiṉ ne tujhe Sáúl ke háth se chhuṛáyá;
8
aur maiṉ ne tere áqá ká ghar tujhe diyá, aur tere áqá kí bíwiyáṉ terí god meṉ kar díṉ, aur Isráíl aur Yahúdáh ká gharáná tujh ko diyá; aur agar yih sab kuchh thoṛá thá, to maiṉ tujh ko âur âur chízeṉ bhí detá.
9
So tú ne kyúṉ Ḳhudáwand kí bát kí tahqír karke us ke huzúr badí kí? tú ne Hittí Úriyáh ko talwár se márá, aur us kí bíwí le lí, táki wuh terí bíwí bane, aur us ko baní ‘Ammon kí talwár se qatl karwáyá.
10
So ab tere ghar se talwár kabhí alag na hogí, kyúṉki tú ne mujhe haqír jáná, aur Hittí Úriyáh kí bíwí le lí, táki wuh terí bíwí ho.
11
So Ḳhudáwand yúṉ farmátá hai, ki Dekh, maiṉ sharr ko tere hí ghar se tere ḳhiláf uṭháúṉgá, aur maiṉ terí bíwiyoṉ ko lekar terí áṉkhoṉ ke sámne tere hamsáye ko dúṉgá, aur wuh din daháṛe terí bíwiyoṉ se suhbat karegá.
12
Kyúṉki tú ne to chhipkar yih kiyá: par maiṉ sáre Isráíl ke rúbarú din daháṛe yih karúṉgá.
13
Tab Dáúd ne Nátan se kahá, Maiṉ ne Ḳhudáwand ká gunáh kiyá. Nátan ne Dáúd se kahá, ki Ḳhudáwand ne bhí terá gunáh baḳhshá, tú maregá nahíṉ.
14
Taubhí, chúṉki tú ne is kám se Ḳhudáwand ke dushmanoṉ ko kufr bakne ká baṛá mauqa‘ diyá hai, is liye wuh laṛká bhí jo tujh se paidá hogá, mar jáegá.
15
Phir Nátan apne ghar chalá gayá. Aur Ḳhudáwand ne us laṛke ko jo Úriyáh kí bíwí ke Dáúd se paidá húá thá márá, aur wuh bahut bímár ho gayá.
16
Is liye Dáúd ne us laṛke kí ḳhátir Ḳhudá se minnat kí, aur Dáúd ne roza rakkhá, aur andar jákar sárí rát zamín par paṛá rahá.
17
Aur us ke gharáne ke buzurg uṭhkar us ke pás áe, ki use zamín par se uṭháeṉ: par wuh na uṭhá, aur na us ne un ke sáth kháná kháyá.
18
Aur sátweṉ din wuh laṛká mar gayá. Aur Dáúd ke mulázim use ḍar ke máre yih na batá sake, ki laṛká mar gayá; kyúṉki unhoṉ ne kahá, ki Jab wuh laṛká hanoz zinda thá, aur ham ne us se guftogú kí, to us ne hamárí bát na mání; pas agar ham use batáeṉ, ki laṛká mar gayá, to wuh bahut hí kuṛhegá.
19
Par jab Dáúd ne apne mulázimoṉ ko ápas meṉ phusphusáte dekhá, to Dáúd samajh gayá, ki laṛká mar gayá: so Dáúd ne apne mulázimoṉ se púchhá, Kyá laṛká mar gayá? Unhoṉ ne jawáb diyá, Mar gayá.
20
Tab Dáúd zamín par se uṭhá, aur g̣usl karke us ne tel lagáyá, aur poshák badlí, aur Ḳhudáwand ke ghar meṉ jákar sijda kiyá. Phir wuh apne ghar áyá, aur us ke hukm dene par unhoṉ ne us ke áge roṭí rakkhí, aur us ne kháí.
21
Tab us ke mulázimoṉ ne us se kahá, Yih kaisá kám hai jo tú ne kiyá? Jab wuh laṛká jítá thá, to tú ne us ke liye roza rakkhá, aur rotá bhí rahá; aur jab wuh laṛká mar gayá, to tú ne uṭhkar roṭí kháí.
22
Us ne kahá, ki Jab tak wuh laṛká zinda thá, maiṉ ne roza rakkhá, aur maiṉ rotá rahá; kyúṉki maiṉ ne sochá, Kyá jáne, Ḳhudáwand ko mujh par rahm á jáe, ki wuh laṛká jítá rahe?
23
Par ab to wuh mar gayá, pas, maiṉ kis liye roza rakkhúṉ? kyá maiṉ use lauṭá saktá húṉ? maiṉ to us ke pás jáúṉgá, par wuh mere pás nahíṉ lauṭne ká.
24
Phir Dáúd ne apní bíwí Batsaba‘ ko tasallí dí, aur us ke pás gayá, aur us se suhbat kí; aur us ke ek beṭá húá, aur Dáúd ne us ká nám Sulaimán rakkhá: aur wuh Ḳhudáwand ká piyárá húá.
25
Aur us ne Nátan nabí kí ma‘rifat paig̣ám bhejá; so us ne us ká nám Ḳhudáwand kí ḳhátir Yadídiyáh rakkhá.
26
Aur Yoáb baní ‘Ammon ke Rabbah se laṛá, aur us ne dáru’s saltanat ko le liyá.
27
Aur Yoáb ne qásidoṉ kí ma‘rifat Dáúd ko kahlá bhejá, ki Maiṉ Rabbah se laṛá, aur maiṉ ne páníoṉ ke shahr ko le liyá.
28
Pas ab tú báqí logoṉ ko jama‘ kar, aur is shahr ke muqábil ḳhaimazan ho, aur us par qabza kar le; tá na ho, ki maiṉ is shahr ko sar karúṉ, aur wuh mere nám se kahláe.
29
Tab Dáúd ne sab logoṉ ko jama‘ kiyá, aur Rabbah ko gayá, aur us se laṛá, aur use le liyá.
30
Aur us ne un ke bádsháh ká táj us ke sir par se utár liyá; us ká wazn sone ká ek qintár thá; aur us meṉ jawáhir jaṛe húe thé; so wuh Dáúd ke sir par rakkhá gayá. Aur wuh us shahr se lúṭ ká bahut sá mál nikál láyá.
31
Aur us ne un logoṉ ko jo us meṉ the báhar nikálkar un ko ároṉ, aur lohe ke heṉgoṉ, aur lohe ke kulháṛoṉ ke níche kar diyá, aur un ko íṉṭoṉ ke pazáwe meṉ se chalwáyá; aur us ne baní ‘Ammon ke sab shahroṉ se aisá hí kiyá. Phir Dáúd aur sab log Yarúshalem ko lauṭ áe.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24