bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Samuel 14
2 Samuel 14
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
1
Aur Zarúyáh ke beṭe Yoáb ne táṛ liyá, ki bádsháh ká dil Abísalom kí taraf lagá hai.
2
So Yoáb ne Taqú‘a ko ádmí bhejkar waháṉ se ek dánishmand ‘aurat bulwáí, aur us se kahá, ki Zará sogwálí ká sá bhes karke mátam ke kapṛe pahin le, aur tel na lagá, balki aisí ‘aurat kí tarah ban já jo baṛí muddat se murde ke liye mátam kar rahí ho:
3
aur bádsháh ke pás jákar us se is is tarah kahná. Phir Yoáb ne use jo báteṉ kahní thíṉ sikháíṉ.
4
Aur jab Taqú‘a kí wuh ‘aurat bádsháh se báteṉ karne lagí, to zamín par auṉdhe muṉh hokar girí, aur sijda karke kahá, Ai bádsháh, terí duháí hai.
5
Bádsháh ne us se kahá, Tujhe kyá húá? Us ne kahá, Maiṉ sach much ek bewa ‘aurat húṉ, aur merá shauhar mar gayá hai.
6
Terí lauṉḍí ke do beṭe the; wuh donoṉ maidán par ápas meṉ már píṭ karne lage, aur koí na thá jo un ko chhuṛá detá, so ek ne dúsre ko aisí zarb lagáí ki use már ḍálá.
7
Aur ab dekh, ki sab kunbe ká kunba terí lauṉḍí ke ḳhiláf uṭh khaṛá húá hai, aur wuh kahte haiṉ, ki Us ko jis ne apne bháí ko márá, hamáre hawále kar, táki ham us ko us ke bháí kí ján ke badle jise us ne már ḍálá, qatl kareṉ; aur yúṉ wáris ko bhí halák kar deṉ: is tarah to wuh mere angáre ko jo báqí rahá hai bujhá deṉge, aur mere shauhar ká na to nám na baqiya rú e zamín par chhoṛeṉge.
8
Bádsháh ne us ‘aurat se kahá, Tú apne ghar já, aur maiṉ terí bábat hukm karúṉgá.
9
Taqú‘a kí us ‘aurat ne bádsháh se kahá, Ai mere málik, ai bádsháh, sárá gunáh mujh par aur mere báp ke gharáne par ho; aur bádsháh aur us ká taḳht begunáh rahe.
10
Tab bádsháh ne farmáyá, Jo koí tujh se kuchh kahe, use mere pás le áná, aur wuh phir tujh ko chhúne nahíṉ páegá.
11
Tab us ne kahá, ki Maiṉ ‘arz kartí húṉ, ki bádsháh Ḳhudáwand apne Ḳhudá ko yád kare, ki ḳhún ká intiqám lenewálá âur halák na karne páe, tá na ho ki wuh mere beṭe ko halák kar deṉ. Us ne jawáb diyá, Ḳhudáwand kí hayát kí qasam, tere beṭe ká ek bál bhí zamín par nahíṉ girne páegá.
12
Tab us ‘aurat ne kahá, Zará mere málik bádsháh se terí lauṉḍí ek bát kahe.
13
Us ne jawáb diyá, Kah. Tab us ‘aurat ne kahá, ki Tú ne Ḳhudá ke logoṉ ke ḳhiláf aisí tadbír kyúṉ nikálí hai, kyúṉki bádsháh is bát ke kahne se mujrim sá ṭhahrtá hai, is liye ki bádsháh apne jiláwatan ko phir ghar lauṭákar nahíṉ látá.
14
Kyúṉki ham sab ko marná hai, aur ham zamín par gire húe pání kí tarah ho játe haiṉ jo phir jama‘ nahíṉ ho saktá; aur Ḳhudá kisí kí ján nahíṉ letá, balki aise wasáil nikáltá hai, ki jiláwatan us ke háṉ se nikálá húá na rahe.
15
Aur maiṉ jo apne málik bádsháh se yih bát kahne áí húṉ, to is ká sabab yih hai, ki logoṉ ne mujhe ḍará diyá thá; so terí lauṉḍí ne kahá, ki Maiṉ áp bádsháh se ‘arz karúṉgí; sháyad bádsháh apní lauṉḍí kí ‘arz púrí kare.
16
Kyúṉki bádsháh sunkar zarúr apní lauṉḍí ko us shaḳhs ke háth se chhuṛáegá jo mujhe aur mere beṭe donoṉ ko Ḳhudá kí mírás meṉ se nest kar ḍálná cháhtá hai.
17
So terí lauṉḍí ne kahá, ki Mere málik bádsháh kí bát tasallíbaḳhsh ho; kyúṉki merá málik bádsháh nekí aur badí ke imtiyáz karne meṉ Ḳhudá ke firishte kí mánind hai: so Ḳhudáwand terá Ḳhudá tere sáth ho.
18
Tab bádsháh ne us ‘aurat se kahá, Maiṉ tujh se jo kuchh púchhúṉ, tú us ko zará bhí mujh se mat chhipáná. Us ‘aurat ne kahá, Merá málik bádsháh farmáe.
19
Bádsháh ne kahá, Kyá is sáre mu‘ámale meṉ Yoáb ká háth tere sáth hai? Us ‘aurat ne jawáb diyá, Terí ján kí qasam, ai mere málik bádsháh, koí in bátoṉ se jo mere málik bádsháh ne farmáí haiṉ dahiní yá báíṉ taraf nahíṉ muṛ saktá; kyúṉki tere ḳhádim Yoáb hí ne mujhe hukm diyá, aur usí ne yih sab báteṉ terí lauṉḍí ko sikháíṉ.
20
Aur tere ḳhádim Yoáb ne yih kám is liye kiyá, táki us mazmún ke rang hí ko palaṭ de, aur merá málik dánishmand hai, jis tarah Ḳhudá ke firishte meṉ samajh hotí hai, ki dunyá kí sab bátoṉ ko ján le.
21
Tab bádsháh ne Yoáb se kahá, Dekh, maiṉ ne yih bát mán lí; so tú já, aur us jawán Abísalom ko phir le á.
22
Tab Yoáb zamín par auṉdhá hokar girá, aur sijda kiyá, aur bádsháh ko mubárakbád dí, aur Yoáb kahne lagá, Áj tere bande ko yaqín húá, ai mere málik bádsháh, ki mujh par tere karam kí nazar hai, is liye ki bádsháh ne apne ḳhádim kí ‘arz púrí kí.
23
Phir Yoáb uṭhá, aur Jasúr ko gayá, aur Abísalom ko Yarúshalem meṉ le áyá.
24
Tab bádsháh ne farmáyá, Wuh apne ghar jáe, aur merá muṉh na dekhe. So Abísalom apne ghar gayá, aur wuh bádsháh ká muṉh dekhne na páyá.
25
Aur sáre Isráíl meṉ koí shaḳhs Abísalom kí tarah us ke husn ke sabab se ta‘ríf ke qábil na thá; kyúṉki us ke páṉwoṉ ke talwe se sir ke chánd tak us meṉ koí ‘aib na thá.
26
Aur jab wuh apná sir munḍwátá thá, (kyúṉki har sál ke áḳhir meṉ wuh use munḍwátá thá, is liye ki us ke bál ghane the, so wuh un ko munḍwátá thá:) to apne sir ke bál wazn meṉ sháhí tol ke mutábiq do sau misqál ke barábar pátá thá.
27
Aur Abísalom so tín beṭe paidá húe, aur ek beṭí, jis ká nám Tamar thá: wuh bahut ḳhúbsúrat ‘aurat thí.
28
Aur Abísalom púre do baras Yarúshalem meṉ rahá, aur bádsháh ká muṉh na dekhá.
29
So Abísalom ne Yoáb ko bulwáyá, táki use bádsháh ke pás bheje; par us ne us ke pás áne se inkár kiyá; aur us ne dobára bulwáyá, lekin wuh na áyá.
30
Is liye us ne apne mulázimoṉ se kahá, ki Dekho, Yoáb ká khet mere khet se lagá hai, aur us meṉ jau haiṉ; so jákar us meṉ ág lagá do. Aur Abísalom ke mulázimoṉ ne us khet meṉ ág lagá dí.
31
Tab Yoáb uṭhá, aur Abísalom ke pás us ke ghar jákar us se kahne lagá, Tere ḳhádimoṉ ne mere khet meṉ ág kyúṉ lagá dí?
32
Abísalom ne Yoáb ko jawáb diyá, ki Dekh, maiṉ ne tujhe kahlá bhejá, ki yaháṉ á, táki maiṉ tujhe bádsháh ke pás yih kahne ko bhejúṉ, ki Maiṉ Jasúr se kyúṉ yaháṉ áyá? mere liye ab tak wahíṉ rahná bihtar hotá; so ab bádsháh mujhe apná dídár de, aur agar mujh meṉ koí badí ho, to wuh mujhe már ḍále.
33
Tab Yoáb ne bádsháh ke pás jákar use yih paig̣ám diyá, aur jab us ne Abísalom ko bulwáyá, tab wuh bádsháh ke pás áyá, aur bádsháh ke áge zamín par sarnigún ho gayá; aur bádsháh ne Abísalom ko bosa diyá.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24