bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Samuel 15
2 Samuel 15
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 16 →
1
Is ke ba‘d aisá húá ki Abísalom ne apne liye ek rath, aur ghoṛe, aur pachás ádmí taiyár kiye jo us ke áge áge dauṛeṉ.
2
Aur Abísalom sawere uṭhkar pháṭak ke ráste ke barábar khaṛá ho játá; aur jab koí aisá ádmí átá, jis ká muqaddama faisale ke liye bádsháh ke pás jáne ko hotá, to Abísalom use bulákar púchhtá thá, ki Tú kis shahr ká hai? aur wuh kahtá, ki Terá ḳhádim Isráíl ke fuláne qabíle ká hai.
3
Phir Abísalom us se kahtá, Dekh, terí báteṉ to ṭhík aur sachchí haiṉ; lekin koí bádsháh kí taraf se muqarrar nahíṉ hai jo terí sune.
4
Aur Abísalom yih bhí kahá kartá thá, ki Kásh maiṉ mulk ká qází banáyá gayá hotá, to har shaḳhs, jis ká koí muqaddama yá da‘wá hotá, mere pás átá, aur maiṉ us ká insáf kartá!
5
Aur jab koí Abísalom ke nazdík átá thá, ki use sijda kare, to wuh háth baṛhákar use pakaṛ letá, aur us ko bosa detá thá.
6
So Abísalom sab Isráílíoṉ se jo bádsháh ke pás faisale ke liye áte the isí tarah pesh átá thá: yúṉ Abísalom ne Isráíl ke logoṉ ke dil moh liye.
7
Aur chálís baras ke ba‘d yúṉ húá, ki Abísalom ne bádsháh se kahá, Mujhe zará jáne de, ki maiṉ apní mannat jo maiṉ ne Ḳhudáwand ke liye mání hai Habrún meṉ púrí karúṉ.
8
Kyúṉki jab maiṉ Arám ke Jasúr meṉ thá, to tere ḳhádim ne yih mannat mání thí, ki agar Ḳhudáwand mujhe phir Yarúshalem meṉ sach much pahuṉchá de, to maiṉ Ḳhudáwand kí ‘ibádat karúṉgá.
9
Bádsháh ne us se kahá, ki Salámat já. So wuh uṭhá, aur Habrún ko gayá.
10
Aur Abísalom ne baní Isráíl ke sab qabíloṉ meṉ jásús bhejkar manádí kará dí, ki Jaise hí tum narsinge kí áwáz suno, to bol uṭhná ki Abísalom Habrún meṉ bádsháh ho gayá hai.
11
Aur Abísalom ke sáth Yarúshalem se do sau ádmí jin ko da‘wat dí gayí thí gaye the; wuh sádadilí se gaye the, aur un ko kisí bát kí ḳhabar nahíṉ thí.
12
Aur Abísalom ne, qurbáníáṉ guzránte waqt, Jiloní Aḳhítuffal ko jo Dáúd ká mushír thá us ke shahr Jiloh se bulwáyá. Yih baṛí bhárí sázish thí, aur fasád baṛh rahá thá, aur Abísalom ke pás log barábar baṛhte hí játe the.
13
Aur ek qásid ne ákar Dáúd ko ḳhabar dí, ki Baní Isráíl ke dil Abísalom kí taraf haiṉ.
14
Aur Dáúd ne apne sab mulázimoṉ se jo Yarúshalem meṉ us ke sáth the kahá, Uṭho, bhág chaleṉ; nahíṉ to, ham meṉ se ek bhí Abísalom se nahíṉ bachegá: chalne kí jaldí karo, na ho ki wuh jhaṭ á le, aur ham par áfat láe, aur shahr ko tah i teg̣ kare.
15
Bádsháh ke ḳhádimoṉ ne bádsháh se kahá, Dekh, tere ḳhádim jo kuchh hamárá málik bádsháh cháhe, use karne ko taiyár haiṉ.
16
Tab bádsháh niklá, aur us ká sárá gharáná us ke píchhe chalá. Aur bádsháh ne das ‘aurateṉ jo harameṉ thíṉ, ghar kí nigahbání ke liye píchhe chhoṛ díṉ.
17
Aur bádsháh niklá, aur sab log us ke píchhe chale, aur wuh Bait Mirháq meṉ ṭhahar gaye.
18
Aur us ke sab ḳhádim us ke barábar se hote húe áge gaye, aur sab Karetí aur sab Faletí aur sab Játí, ya‘ní wuh chha sau ádmí jo Ját se us ke sáth áe the, bádsháh ke sámne áge chale.
19
Tab bádsháh ne Játí Ittai se kahá, Tú hamáre sáth kyúṉ chaltá hai? tú lauṭ já, aur bádsháh ke sáth rah; kyúṉki tú pardesí aur jiláwatan bhí hai; so apní jagah ko lauṭ já.
20
Tú kal hí to áyá hai, so kyá áj maiṉ tujhe apne sáth idhar udhar phiráúṉ, jis hál ki mujhe jidhar já saktá húṉ jáná hai? so tú lauṭ já, aur apne bháiyoṉ ko sáth letá já; rahmat aur sachcháí tere sáth hoṉ.
21
Tab Ittai ne bádsháh ko jawáb diyá, Ḳhudáwand kí hayát kí, aur mere málik bádsháh kí ján kí qasam, jaháṉ kahíṉ merá málik bádsháh ḳhwáh marte ḳhwáh jíte hogá, wahíṉ zarúr terá ḳhádim bhí hogá.
22
So Dáúd ne Ittai se kahá, Chal, pár já. Aur Játí Ittai, aur us ke sab log, aur sab nannhe bachche jo us ke sáth the pár gaye.
23
Aur sárá mulk baland áwáz se royá, aur sab log pár ho gaye; aur bádsháh ḳhud nahr i Qidron ke pár húá, aur sab logoṉ ne pár hokar dasht kí ráh lí.
24
Aur Sadoq bhí, aur us ke sáth sab Láwí, Khudá ke ‘ahd ká sandúq liye húe áe; aur unhoṉ ne Ḳhudá ke sandúq ko rakh diyá; aur Abíyátar úpar chaṛh gayá, aur jab tak sab log shahr se nikal na áe wahíṉ rahá.
25
Tab bádsháh ne Sadoq se kahá, ki Ḳhudá ká sandúq shahr ko wápas le já: pas, agar Ḳhudáwand ke karam kí nazar mujh par hogí, to wuh mujhe phir le áegá, aur use aur apne maskan ko mujhe phir dikháegá:
26
par agar wuh yúṉ farmáe, ki Maiṉ tujh se ḳhush nahíṉ, to dekh, maiṉ házir húṉ; jo kuchh us ko bhalá ma‘lúm ho so mere sáth kare.
27
Aur bádsháh se Sadoq káhin se yih bhí kahá, Kyá tú gaibbín nahíṉ? shahr ko salámat lauṭ já, aur tumháre sáth tumháre donoṉ beṭe hoṉ, Aḳhíma‘z jo terá beṭá hai, aur Yúnatan jo Abíyátar ká beṭá hai.
28
Aur dekh, maiṉ us dasht ke gháṭoṉ ke pás ṭhahrá rahúṉgá, jab tak tumháre pás se mujhe haqíqat i hál kí ḳhabar na mile.
29
So Sadoq aur Abíyátar Ḳhudá ká sandúq Yarúshalem ko wápas le gaye, aur wahíṉ rahe.
30
Aur Dáúd koh i Zaitún kí chaṛháí par chaṛhne lagá, aur rotá já rahá thá; us ká sir ḍhaká thá, aur wuh naṉge páṉw chal rahá thá; aur wuh sab log jo us ke sáth the un meṉ se har ek ne apná sir ḍháṉk rakkhá thá: wuh úpar chaṛhe, aur rote játe the.
31
Aur kisí ne Dáúd ko batáyá, ki Aḳhítuffal bhí mufsidoṉ meṉ shámil aur Abísalom ke sáth hai. Tab Dáúd ne kahá, Ai Ḳhudáwand, maiṉ tujh se minnat kartá húṉ, ki Aḳhítuffal kí saláh ko bewuqúfí se badal de.
32
Jab Dáúd choṭí par pahuṉchá, jaháṉ Ḳhudá ko sijda kiyá karte the, to Arkí Húsí, apní qabá pháṛe aur sir par ḳhák ḍále, us ke istiqbál ko áyá.
33
Aur Dáúd ne us se kahá, Agar tú mere sáth jáe, to mujh par bár hogá:
34
par agar tú shahr ko lauṭ jáe, aur Abísalom se kahe, ki Ai bádsháh, maiṉ terá ḳhádim húṉgá, jaise maiṉ guzre zamáne meṉ tere báp ká ḳhádim rahá waise hí ab terá ḳhádim húṉ; to tú merí ḳhátir Aḳhítuffal kí mashwarat ko bátil kar degá.
35
Aur kyá waháṉ tere sáth Sadoq aur Abíyátar káhin na hoṉge? so jo kuchh tú bádsháh ke ghar meṉ sune, use Sadoq aur Abíyátar káhinoṉ ko batá dená.
36
Dekh, waháṉ un ke sáth un ke donoṉ beṭe haiṉ, ya‘ní Sadoq ká beṭá Aḳhíma‘z, aur Abíyátar ká beṭá Yúnatan; so jo kuchh tum suno, use un kí ma‘rifat mujhe kahlá bhejná.
37
So Dáúd ká dost Húsí shahr meṉ áyá; aur Abísalom bhí Yarúshalem meṉ pahuṉch gayá.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24