bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
2 Samuel 13
2 Samuel 13
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 14 →
1
Aur is ke ba‘d aisá húá, ki Dáúd ke beṭe Abísalom kí ek ḳhúbsúrat bahin thí, jis ká nám Tamar thá; us par Dáúd ká beṭá Amnon ‘áshiq ho gayá.
2
Aur Amnon aisá kuṛhne lagá, ki wuh apní bahin Tamar ke sabab se bímár paṛ gayá; kyúṉki wuh kuṉwárí thí; so Amnon ko us ke sáth kuchh karná dushwár ma‘lúm húá.
3
Aur Dáúd ke bháí Sim‘ah ká beṭá Yonadab Amnon ká dost thá: aur Yonadab baṛá chálák ádmí thá.
4
So us ne us se kahá, Ai bádsháhzáde, tú kyúṉ din ba din dublá hotá játá hai? kyá tú mujhe nahíṉ batáegá? Tab Amnon ne us se kahá, ki Maiṉ apne bháí Abísalom kí bahin Tamar par ‘áshiq húṉ.
5
Yonadab ne us se kahá, Tú apne bistar par leṭ já; aur bímárí ká bahána kar le, aur jab terá báp tujhe dekhne áe, to tú us se kahná, Merí bahin Tamar ko zará áne de, ki wuh mujhe kháná de, aur mere sámne kháná pakáe, táki maiṉ dekhúṉ, aur us ke háth se kháúṉ.
6
So Amnon paṛ gayá, aur us ne bímárí ká bahána kar liyá, aur jab bádsháh us ko dekhne áyá, to Amnon ne bádsháh se kahá, Merí bahin Tamar ko zará áne de, ki wuh mere sámne do púriyáṉ banáe, táki maiṉ us ke háth se kháúṉ.
7
So Dáúd ne Tamar ke ghar kahlá bhejá, ki Tú abhí apne bháí Amnon ke ghar já, aur us ke liye kháná paká.
8
So Tamar apne bháí Amnon ke ghar gayí; aur wuh bistar par paṛá húá thá. Aur us ne áṭá liyá, aur gúṉdhá, aur us ke sámne púriyáṉ banáíṉ, aur un ko pakáyá.
9
Aur tawe ko liyá, aur us ke sámne un ko unḍel diyá, par us ne kháne se inkár kiyá. Tab Amnon ne kahá, ki Sab ádmíoṉ ko mere pás se báhar kar do. So har ek ádmí us ke pás se chalá gayá.
10
Tab Amnon ne Tamar se kahá, ki Kháná koṭhrí ke andar le á, táki maiṉ tere háth se kháúṉ. So Tamar wuh púriyáṉ jo us ne pakáí thíṉ uṭhákar un ko koṭhrí meṉ apne bháí Amnon ke pás láí.
11
Aur jab wuh un ko us ke nazdík le gayí, ki wuh kháe, to us ne use pakaṛ liyá, aur us se kahá, Ai merí bahin, mujh se wasl kar.
12
Us ne kahá, Nahíṉ, mere bháí, mere sáth jabr na kar; kyúṉki Isráílíoṉ meṉ koí aisá kám nahíṉ honá cháhiye; tú aisí hamáqat na kar.
13
Aur bhalá, maiṉ apní ruswáí kaháṉ liye phirúṉgí? aur tú bhí Isráílíoṉ meṉ ahmaqoṉ meṉ se ek kí mánind ṭhahregá; so tú bádsháh se ‘arz kar, kyúṉki wuh mujh ko tujh se rok nahíṉ rakkhegá.
14
Lekin us ne us kí bát na mání: aur chúṉki wuh us se zoráwar thá, is liye us ne us ke sáth jabr kiyá, aur us se suhbat kí.
15
Phir Amnon ko us se baṛí saḳht nafrat ho gayí; kyúṉki us kí nafrat us ke jazba e ‘ishq se kahíṉ baṛhkar thí. So Amnon ne us se kahá, Uṭh, chalí já.
16
Wuh kahne lagí, Aisá na hogá; kyúṉki yih zulm, ki tú mujhe nikáltá hai, us kám se jo tú ne mujh se kiyá, badtar hai. Par us ne us kí ek na suní.
17
Tab us ne apne ek mulázim ko jo us kí ḳhidmat kartá thá, bulákar kahá, Is ‘aurat ko mere pás se báhar nikál de, aur píchhe darwáze kí chaṭkaní lagá de.
18
Aur wuh rangbarang ká joṛá pahine húe thí, kyúṉki bádsháhoṉ kí kuṉwárí beṭiyáṉ aisí hí poshák pahintí thíṉ. G̣araz, us ke ḳhádim ne us ko báhar kar diyá, aur us ke píchhe chaṭkaní lagá dí.
19
Aur Tamar ne apne sir par ḳhák ḍálí, aur apne rangbarang ke joṛe ko jo pahine húe thí chák kiyá, aur sir par háth dharkar rotí húí chalí.
20
Us ke bháí Abísalom ne us se kahá, Kyá terá bháí Amnon tere sáth rahá hai? Ḳhair, ai merí bahin, ab chupkí ho rah, kyúṉki wuh terá bháí hai, aur is bát ká g̣am na kar. So Tamar apne bháí Abísalom ke ghar meṉ bekas paṛí rahí.
21
Aur jab Dáúd bádsháh ne yih sab báteṉ suníṉ, to niháyat g̣usse húá.
22
Aur Abísalom ne apne bháí Amnon se kuchh burá bhalá na kahá, kyúṉki Abísalom ko Amnon se nafrat thí, is liye ki us ne us kí bahin Tamar ke sáth jabr kiyá thá.
23
Aur aisá húá, ki púre do sál ke ba‘d, bheṛoṉ ke bál katarnewále Abísalom ke háṉ Ba‘l Hasor meṉ the jo Ifráím ke pás hai; aur Abísalom ne bádsháh ke sab beṭoṉ ko da‘wat dí.
24
So Abísalom bádsháh ke pás ákar kahne lagá, Tere ḳhádim ke háṉ bheṛoṉ ke bál katarnewále áe haiṉ; so maiṉ minnat kartá húṉ, ki bádsháh ma‘ apne mulázimoṉ ke apne ḳhádim ke sáth chale.
25
Tab bádsháh ne Abísalom se kahá, Nahíṉ, mere beṭe; ham sab ke sab na chaleṉ, tá na ho ki tujh par ham bojh ho jáeṉ. Aur wuh us se bajidd húá; taubhí wuh na gayá, par use du‘á dí.
26
Tab Abísalom ne kahá, Agar aisá nahíṉ ho saktá, to mere bháí Amnon ko to hamáre sáth jáne de. Bádsháh ne us se kahá, Wuh tere sáth kyúṉ jáe?
27
Lekin Abísalom aisá bajidd húá, ki us ne Amnon aur sab bádsháhzádoṉ ko us ke sáth jáne diyá.
28
Aur Abísalom ne apne ḳhádimoṉ ko hukm diyá, ki Dekho, jab Amnon ká dil mai se sarúr meṉ ho, aur maiṉ tum ko kahúṉ, ki Amnon ko máro, to tum use már ḍálná; ḳhauf na karná; kyá maiṉ ne tum ko hukm nahíṉ diyá? Diler aur bahádur bane raho.
29
Chunáṉchi Abísalom ke naukaroṉ ne Amnon se waisá hí kiyá, jaisá Abísalom ne hukm diyá thá. Tab sab bádsháhzáde uṭhe, aur har ek apne ḳhachchar par chaṛhkar bhágá.
30
Aur wuh hanoz ráste hí meṉ the, ki Dáúd ke pás yih ḳhabar pahuṉchí, ki Abísalom ne sab bádsháhzádoṉ ko qatl kar ḍálá hai, aur un meṉ se ek bhí báqí nahíṉ bachá.
31
Tab bádsháh ne uṭhkar apne kapṛe pháṛe, aur zamín par paṛ gayá, aur us ke sab mulázim kapṛe pháṛe húe us ke huzúr khaṛe rahe.
32
Tab Dáúd ke bháí Sim‘ah ká beṭá Yonadab kahne lagá, ki Merá málik yih ḳhayál na kare, ki unhoṉ ne sab jawánoṉ ko jo bádsháhzáde haiṉ már ḍálá hai, is liye ki sirf Amnon hí mará hai, kyúṉki Abísalom ke intizám se usí din se yih bát ṭhán lí gayí thí, jab us ne us kí bahin Tamar ke sáth jabr kiyá thá.
33
So merá málik bádsháh aisá ḳhayál karke, ki sab bádsháhzáde mar gaye, is bát ká g̣am na kare, kyúṉki sirf Amnon hí mará hai.
34
Aur Abísalom bhág gayá. Aur us jawán ne jo nigahbán thá, apní áṉkheṉ uṭhákar nigáh kí, aur kyá dekhá, ki bahut se log us ke píchhe kí taraf se paháṛ ke dáman ke ráste se chale á rahe haiṉ.
35
Tab Yonadab ne bádsháh se kahá, ki Dekh, bádsháhzáde á gaye; jaisá tere ḳhádim ne kahá thá, waisá hí hai.
36
Us ne apní bát ḳhatm hí kí thí, ki bádsháhzáde á pahuṉche, aur chillá chillákar rone lage, aur bádsháh aur us ek sab mulázim bhí zár zár roe.
37
Lekin Abísalom bhagkar Jasúr ke bádsháh ‘Ammíhod ke beṭe Talmí ke pás chalá gayá. Aur Dáúd har roz apne beṭe ke liye mátam kartá rahá.
38
So Abísalom bhágkar Jasúr ko gayá, aur tín baras tak wahíṉ rahá.
39
Aur Dáúd bádsháh ke dil meṉ Abísalom ke pás jáne kí baṛí árzú thí, kyúṉki Amnon kí taraf se use tasallí ho gayí thí, is liye ki wuh mar chuká thá.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24