2 Chronicles 27

Chinese TTVR (現代台語譯本羅馬字版)

← Chapter 26 Jump to: Chapter 28 →

1Iok-thán chē-ūi ê sî jī-cha̍p-gō͘ hè, tī Iâ-lō͘-sat-léng choh-ông cha̍p-la̍k nî; i ê lāu-bú kiò-chòe Iâ-lō͘-sa, sī Sat-tok ê cha-bó͘-kiáⁿ.

2Iok-thán chòe Siōng Chú khòaⁿ-chòe hó ê sū, chiàu i ê lāu-pē O͘-se-a ê só͘-chòe khì chòe, put-kò bô chhin-chhiūⁿ i ê lāu-pē ji̍p-khì Siōng Chú ê tiān sio-hiuⁿ. Jîn-bîn ê só͘-chòe iû-goân pāi-hoāi.

3Iok-thán khí Siōng Chú sèng-tiān ê Siōng-mn̂g, tī Iâ-lō͘-sat-léng ê Gô-hui-le̍k khok-kiàn siâⁿ-chhiûⁿ,

4koh tī Iû-tāi soaⁿ-tōe khí siâⁿ, tī chhiū-nâ lāi khí iàu-sài kap siú-bōng-tâi.

5I kap A-bûn -lâng ê ông kau-chiàn, tit-tio̍h sèng-lī. Hit-nî, A-bûn -lâng chìn-kòng gûn saⁿ-chheng sì-pah kong-kun, tōa-be̍h kap sió-be̍h kok chi̍t-chheng kong-tùn; tē-jī nî, tē-saⁿ nî, mā án-ni chìn-kòng.

6Iok-thán chiām-chiām kiông-sēng, in-ūi i kian-tēng sūn-ho̍k Siōng Chú — i ê Siōng-tè.

7Iok-thán kî-tha ê sū-chek, chiàn-cheng ê kì-lio̍k, kap i ê só͘-chòe, lóng kì-chài tī Í-sek-lia̍t kap Iû-tāi Lia̍t-ông-sú.

8I chē-ūi ê sî jī-cha̍p-gō͘ hè, tī Iâ-lō͘-sat-léng choh-ông cha̍p-la̍k nî.

9Iok-thán tńg-khì i ê lia̍t-chó͘ hia, an-chòng tī Tāi-pi̍t -siâⁿ. I ê kiáⁿ A-hap-su sòa-chiap i choh-ông.

← Chapter 26 Jump to: Chapter 28 →