2 Chronicles 8

Chinese TTVR (現代台語譯本羅馬字版)

← Chapter 7 Jump to: Chapter 9 →

1Só͘-lô-bûn ēng jī-cha̍p nî khí Siōng Chú ê sèng-tiān kap ông-kiong, oân-kang í-āu,

2Só͘-lô-bûn koh siu-kiàn Hi-lân -ông hō͘ i ê siâⁿ, hō͘ Í-sek-lia̍t -lâng tòa tī hia.

3Só͘-lô-bûn kong-chhú Hap-má Só-pa,

4koh tiông-kiàn tī khòng-iá ê Ta̍t-bo̍k, tī Hap-má khí-chō tún-chek bu̍t-chu ê siâⁿ;

5koh tiông-kiàn Téng Pek Hô-lûn kap Ē Pek Hô-lûn, chiâⁿ-chòe ū chhiûⁿ, ū mn̂g, ū mn̂g-chhòaⁿ ê kian-kò͘ ê siâⁿ.

6Só͘-lô-bûn koh khí-chō Pa-la -siâⁿ kap chin chōe tún-chek kun-iōng-phín ê siâⁿ, í-ki̍p hē chiàn-chhia ê siâⁿ kap hē chiàn-bé ê siâⁿ. Só͘-lô-bûn koh tī Iâ-lō͘-sat-léng, Lê-pa-lūn, kap choân-kok ta̍k só͘-chāi, khí-chō i só͘ ài khí ê kiàn-tio̍k.

7Só͘-ū tòa tī kéng-lāi ê Hek -lâng, A-mô͘-lī -lâng, Pí-lī-sé -lâng, Hi-bī -lâng, Iâ-pò͘-su -lâng chhun--lo̍h-lâi ê hō͘-tāi, m̄-sī sio̍k tī Í-sek-lia̍t,

8bô hō͘ Í-sek-lia̍t -lâng siau-bia̍t--ê, Só͘-lô-bûn kiông-chè in chòe khó͘-kang, kàu kin-á-ji̍t.

9M̄-kú Só͘-lô-bûn bô hō͘ Í-sek-lia̍t -lâng chòe lô͘-lē chòe khó͘-kang; i hō͘ in chòe i ê chiàn-sū, koaⁿ-tiúⁿ, chiàn-chhia-tiúⁿ, bé-peng-tiúⁿ.

10Só͘-lô-bûn -ông ê tok-kang ū nn̄g-pah gō͘-cha̍p lâng.

11Só͘-lô-bûn chiong Ai-ki̍p -ông ê cha-bó͘-kiáⁿ tùi Tāi-pi̍t -siâⁿ poaⁿ ji̍p-khì ūi-tio̍h i khí ê kiong-tiān; in-ūi Só͘-lô-bûn kóng, “Góa ê bó͘ m̄-thang tòa tī Í-sek-lia̍t -ông Tāi-pi̍t ê kiong-tiān; in-ūi Siōng Chú ê iok-kūi só͘ kàu ê só͘-chāi lóng sîn-sèng.”

12Só͘-lô-bûn tī sèng-tiān cháu-lông thâu-chêng só͘ khí Siōng Chú ê chè-tôaⁿ, hiàn sio-hòa-chè hō͘ Siōng Chú;

13chiàu Mô͘-se ê bēng-lēng, tī An-hioh-ji̍t, chhoe-it, kap ta̍k-nî saⁿ piàn ê choeh-kî, chiū-sī Tû-kàⁿ-choeh, Chhit-chhit Siu-koah-choeh, Tah-liâu-choeh, chiàu ta̍k-ji̍t eng-kai hiàn--ê lâi hiàn-chè.

14Koh chiàu i ê lāu-pē Tāi-pi̍t ê kui-lē, hun-phòe chè-si ê pan-chhù kap chit-bū; mā hun-phòe Lī-bī -lâng ê chit-bū, hū-chek siōng-chàn, chiàu ta̍k-ji̍t ê kui-tēng hia̍p-chō͘ chè-si; koh hun-phài siú-ōe, chiàu pan-chhù tī ta̍k-ê mn̂g kò͘-siú. Chiah-ê lóng chiàu Siōng-tè tiōng-iōng ê lâng Tāi-pi̍t ê bēng-lēng an-pâi.

15Bô-lūn koán-lí hú-khò͘, á-sī chòe ta̍k-khoán chit-bū, hiah-ê chè-si kap Lī-bī -lâng lóng bô ûi-ke̍h ông ê bēng-lēng.

16Só͘-lô-bûn khí Siōng Chú sèng-tiān ê kang-sū, tùi hē tōe-ki hit-ji̍t kàu oân-kang, lóng sūn-lī chìn-hêng. Án-ni, Siōng Chú ê tiān chiū oân-sêng.

17Hit-sî, Só͘-lô-bûn khì Í-tong tōe-khu ê hái-káng Í-sûn Ka-pia̍t kap Í-lo̍k.

18Hi-lân phài i ê koaⁿ-oân, chiong chûn kap keng-giām hong-hù ê chûn-oân sàng hō͘ Só͘-lô-bûn. In kap Só͘-lô-bûn ê chûn-oân khì Gô-hui, tùi hia ūn-sàng kim chi̍t-bān gō͘-chheng kong-kun kàu Só͘-lô-bûn -ông hia.

← Chapter 7 Jump to: Chapter 9 →

推荐阅读

注释 2 Chronicles 注释书 → 灵修 2 Chronicles 灵修指南 → 购买此圣经 TTVR (現代台語譯本羅馬字版) 研读本圣经 →