2 Chronicles 5

Chinese TTVR (現代台語譯本羅馬字版)

← Chapter 4 Jump to: Chapter 6 →

1Án-ni, Só͘-lô-bûn -ông oân-sêng Siōng Chú sèng-tiān it-chhè ê kang. Só͘-lô-bûn chiong i ê lāu-pē Tāi-pi̍t só͘ hiàn ê kim, gûn, kap khì-khū lóng tòa ji̍p-khì hē tī Siōng-tè sèng-tiān ê hú-khò͘.

2Hit-sî, Só͘-lô-bûn tiàu-chi̍p Í-sek-lia̍t ê tiúⁿ-ló, ta̍k chi-cho̍k ê siú-léng, í-ki̍p ta̍k chong-cho̍k ê cho̍k-tiúⁿ lâi Iâ-lō͘-sat-léng, beh gêng-chiap Siōng Chú ê iok-kūi, tùi Sek-an ê Tāi-pi̍t -siâⁿ ūn khí-lâi sèng-tiān.

3Chhit-ge̍h ê choeh-kî, Í-sek-lia̍t -lâng lóng chū-chi̍p tī ông hia.

4Í-sek-lia̍t ê tiúⁿ-ló lóng lâi, hiah-ê Lī-bī -lâng chiū kng iok-kūi khí--lâi.

5Chè-si kap Lī-bī -lâng chiong iok-kūi, hōe-bō͘, í-ki̍p pò͘-pîⁿ lāi it-chhè sèng ê khì-khū kng-ji̍p sèng-tiān.

6Só͘-lô-bûn -ông kap chū-chi̍p tī i hia ê Í-sek-lia̍t choân hōe-chiòng, tī iok-kūi chêng hiàn gû, iûⁿ chòe chè-mi̍h, chè-mi̍h chōe kah bōe-sǹg--tit.

7Chè-si kng Siōng Chú ê iok-kūi ji̍p lōe-tiān, chiū-sī Chì-sèng-só͘, hē tī chí-tēng ê só͘-chāi, thiⁿ-sài ki-lō͘-pek si̍t-kó͘ ē-bīn.

8Ki-lō͘-pek tī hē iok-kūi ê só͘-chāi ê téng-bīn thí-khui in ê si̍t, jia-khàm iok-kūi kap kng iok-kūi ê kǹg.

9Kǹg chin tn̂g, kǹg-bé tī lōe-tiān chêng ê sèng-só͘ khòaⁿ ōe tio̍h, tùi gōa-bīn chiū bōe-tàng khòaⁿ--tio̍h; kàu kin-á-ji̍t kǹg iáu tī hia.

10Iok-kūi lāi-bīn chí-ū nn̄g tè chio̍h-pán, í-gōa lóng bô pa̍t-hāng mi̍h; chio̍h-pán sī Í-sek-lia̍t -lâng chhut Ai-ki̍p -tōe, Siōng Chú tī Hô-lia̍t-soaⁿ kap in li̍p-iok ê sî Mô͘-se só͘ hē--ê.

11Só͘-ū tī sèng-tiān bô-lūn sio̍k tó chi̍t ê pan-chhù ho̍k-sāi ê chè-si, lóng í-keng kiat-chēng ka-kī. In tùi sèng-tiān chhut--lâi ê sî,

12Lī-bī -lâng ê tiong-kan hū-chek hiàn-si--ê, chiū-sī A-sat, Hi-bān, Iâ-tō͘-tùn, í-ki̍p in ê hō͘-tāi kap chhin-cho̍k, lóng chhēng iù-môa-pò͘ ê saⁿ, khiā tī chè-tôaⁿ ê tang-pêng, the̍h nâ-poa̍h, sek, kap khîm; koh ū pah-jī ê chè-si the̍h lat-pah kap in chòe-hé tī hia.

13Hiah-ê pûn lat-pah--ê, chhiùⁿ-koa--ê, hô-hâi chôe-siaⁿ, chheng-chàn kám-siā Siōng Chú. In ēng lat-pah, nâ-poa̍h, ga̍k-khì phōaⁿ-chàu, tōa-siaⁿ chheng-chàn Siōng Chú kóng: Siōng Chú chì-siān, I ê chû-ài sòa kàu éng-oán. Hit-sî, Siōng Chú ê tiān hō͘ hûn chhiong-móa;

14in-ūi án-ni, chè-si bōe-tàng kè-sio̍k ho̍k-sāi; Siōng Chú ê êng-kng chhiong-móa Siōng-tè ê tiān.

← Chapter 4 Jump to: Chapter 6 →

推荐阅读

注释 2 Chronicles 注释书 → 灵修 2 Chronicles 灵修指南 → 购买此圣经 TTVR (現代台語譯本羅馬字版) 研读本圣经 →