2 Chronicles 12

Mien Bible (Thai Script) © Thailand Bible Society, 2007

← Chapter 11 Jump to: Chapter 13 →

1เลโหโบอัม เญย กั๊วะ เหลียบ ว้วน หย่า เฮ้น เญย เฒี่ยง โห่, นิ่น กวั่ง เฒี้ยว เญย เล์ย-หลัด. แปะ ฝีง หย่า กัน เจี๊ยน กวั่ง.

2เลโหโบอัม โหฒว ฮู่ง ตะฮม์ หฮญัง วั้ว หฮญัง, หลาย นิ่น บัว ไม้ เหฒียบ ฒัวะ เญย กัน เฒี้ยว, อียิบ เญย ซิซัก ฮู่ง ต้าย เบ๊าะ เยลูซาเลม.

3ม่าย เหยียด ธิน หญี่ แป๊ะ จ๋า เบ๊าะ จ๋า เญย ม์า-เธีย, จุ๊ หว่าน เต้า เก้ ม์า เญย แปง, เหธา เยียม อียิบ กัน นิ่น ต้าย เญย ลิเบีย เมี่ยน, สุคีอิม เมี่ยน, เหธา เอทีโอเปีย เมี่ยน ธั้ม! ไห่, ฒู้ง ซ้าว ไม้ ฮี่ง.

4ซิซัก ฮู่ง ธ้าง ตุ๊ เยียม ยูดา เต่ย เว่ย ว้วน เญย ฒี่ง แอ๋ง ต้าย เถา เยลูซาเลม.

5วั้ว หฒั่น โต่ว หว่า เมี่ยน, เซไมอา, มี่ง ล์อ เลโหโบอัม เหธา ยูดา เญย หฒวัง เปย๊ย เฒ้ย. หลาย ซิซัก เญย เจ๊า-โหล่ว นิ่น บัว กั๊บ ฒุ้น เยียม เยลูซาเลม. เซไมอา ก๊อง บั๋ว นิ่น บัว, “ เฒี้ยว ฮนั้ง น้าย นอ ก๊อง บั๋ว เม่ย บัว, ‘เม่ย บัว กวั่ง เยีย, เยีย ฯฒฯ กวั่ง เม่ย บัว หฒุ เยียม ซิซัก เญย ปั์ว-เดี๊ย.’”

6อิสะลาเอน เญย หฒวัง เปย๊ย เฒ้ย เหธา ฮู่ง เตี๋ย เหญี่ยม กั้น โหฒว ไฝ แอ๋ง ก๊อง, “ เฒี้ยว โหฒว ตุ๊ หอบ.”

7เฒี้ยว ปวัด นิ่น บัว เหญี่ยม กั้น โหฒว ไฝ, เซไมอา ฯฒฯ ตุ๊ ฒิบ เฒี้ยว เญย หว่า. เฒี้ยว ก๊อง, “เยีย ปวัด นิ่น บัว เหญี่ยม กั้น โหฒว ไฝ, เยีย ฯฒฯ ไม้ เหมียด นิ่น บัว. ฒู้ง อ๋อย เหฌียว เต๋ย นิ่น บัว, ไม้ เฉีย เจี์ย เถา ต้าว ฯฒฯ ไม้ ปุน ซิซัก เหมียด เยลูซาเลม.

8มป่า นิ่น บัว หธ่อ อ๋อย หฒุ เยียม นิ่น เญย ปั์ว-เดี๊ย ฯฒฯ ไฮ่ ฮิ้ว ตุ๊ ฟู-สู เยีย เหธา ฟู-สู กั้น นอม กั๊วะ เญย เมี่ยน ฮนั้ง หาย นอ กั้น หญู่ง.”

9อียิบ เญย ฮู่ง, ซิซัก, ฯฒฯ ต้าย เบ๊าะ เยลูซาเลม. นิ่น เฒาะ เยียม หฒั่ง เฒี้ยว เญย เปย๊า กะญั์ว เหธา ฮู่ง ติ่น กะญั์ว เหยียด ฒู้ง จ๋าย เญย กะน้าย. นิ่น เฒาะ หญู่งๆ, เลี่ยม ซาโลมอน โหฒว ต้าย เญย เจียม-ท้อง-ป้าย.

10เลโหโบอัม ฮู่ง ฯฒฯ หล่ง ต้ง ซิ โหฒว ท้อง-ป้าย ตี๊ เจียม-ท้อง-ป้าย จิว ปุน โก๋ว ฮู่ง ติ่น ฒั้ว แก้ง เญย แปง-เปย๊ย.

11ฮู่ง เตี๋ย หาย หฒั่น เปียะ หฒั่ง เฒี้ยว เญย เปย๊า, โก๋ว ฮู่ง ติ่น เญย แปง ต้อ น้าย เต๋ย ท้อง-ป้าย มี่ง. ฆะฮ้า นิ่น บัว แอ๋ง ต้อ หฑวน อัน เจี๊ยน แปง ฒั้ว ฮู่ง ติ่น เญย ต๋อง.

12เลโหโบอัม เหญี่ยม กั้น โหฒว ไฝ เญย เฒี่ยง โห่, เฒี้ยว ไม้ เฉีย เจี์ย นิ่น อ๊ะ. ไม้ ตาน บัวะ น้าย, ยูดา หย่า ตุ๊ หลง.

13เลโหโบอัม ฮู่ง เยียม เยลูซาเลม เหลียบ กั้น โหฒว ฮู่ง ว้วน เญย. เลโหโบอัม เจี์ย กอน กุ๊น วั้ว หฒั่น, หฮญัง-เจ๊ย ตุ๊ เฝย เหฒียบ เยี้ยด หฮญัง. นิ่น หย่า เยียม เยลูซาเลม กุ๊น เหฒียบ เธี้ยด หฮญัง. เยลูซาเลม เซ เฒี้ยว เยียม อิสะลาเอน เญย หฒวัง ฝีง บุด๋ง กิ๊น ธ้วด ต้าย เหว่ย เหลียบ นิ่น เญย เม่ง. เลโหโบอัม เญย มา เซ อัมโมน เมี่ยน, บั๋ว เห่ว นาอามา.

14เลโหโบอัม โหฒว หว่าย สี่, เหว่ย หฒุ นิ่น ไม้ เหลียบ ตี่ง เฮญี้ยว ล์อ เฒี้ยว.

15เลโหโบอัม โหฒว เญย สี่ เยียม กอน เถา เซ้ด เมว์ย, เฟี้ย เจี๊ยน โต่ว หว่า เมี่ยน, เซไมอา, เญย โซว-ตาน เหธา หมั่ง ฒิ่น โฮ์ วั้ว เต้า อิดโด เญย โซว-ตาน. เลโหโบอัม เหธา เยโลโบอัม หฒั่นๆ ม่าย เบ๊าะ จ๋า เญย สี่.

16เลโหโบอัม เกวย เสย หมี่ อ๊ะ, หย่า หฒัง เจี๊ยน เยียม ดาวิด เญย ฒี่ง. นิ่น เญย ตอน, อาบียา, หฑิบ เจี๊ยน โหฒว ฮู่ง.

← Chapter 11 Jump to: Chapter 13 →