2 Chronicles 21

Mien Bible (Thai Script) © Thailand Bible Society, 2007

← Chapter 20 Jump to: Chapter 22 →

1เยโฮซาฟัด เกวย เสย หมี่ อ๊ะ, หย่า หฒัง เจี๊ยน ดาวิด เญย ฒี่ง. นิ่น เญย ตอน, เยโฮลัม, หฑิบ เจี๊ยน นิ่น โหฒว ฮู่ง.

2เยโฮลัม ม่าย จุ๊ เต้า โย์ว, เซ เยโฮซาฟัด เญย ตอน, อาซาลิยา, เยฮีเอน, เสคาลิยา, อาซาลียาฮู, มีคาเอน เหธา เซฟาทิยา. น้าย เต๋ย เหยียด ฒู้ง เซ ยูดา เญย ฮู่ง, เยโฮซาฟัด เญย ตอน.

3นิ่น บัว เญย เตีย เฒาะ เจียม ญ่าน เหธา จ๋าย เญย กะน้าย ธั้ม เญย โหฒว ฒี่ง เหญ่ย ปุน นิ่น บัว, หย่า เฒาะ เยียม ยูดา เว่ย ว้วน เญย ฒี่ง จิว ปุน นิ่น บัว. มป่า นิ่น เฒาะ กั๊วะ จิว ปุน เยโฮลัม, เหว่ย หฒุ เยโฮลัม โหฒว ตอน-โฮล.

4เยโฮลัม เฒว์ย นิ่น เญย เตีย เญย เหว่ย เหลียบ ว้วน ลิ์ว, นิ่น หล่ง หฑุ ด๊าว ไต๋ เหฑ่ง นิ่น เญย โย์ว, หย่า ไต๋ อิสะลาเอน เมี่ยน เญย เหฒีย เต้า เปย๊ย เฒ้ย.

5เยโฮลัม ฝาว เหว่ย โหฒว ฮู่ง วั้ว หฒั่น, นิ่น ตุ๊ ฟ่า เหฒียบ เหญ่ย หฮญัง. นิ่น เยียม เยลูซาเลม กุ๊น เหฮยียด หฮญัง.

6นิ่น เอย เจี๊ยน อิสะลาเอน เญย ฮู่ง เญย หฒะเอ๋ย, เซ ฮนั้ง อาหับ เญย เปย๊า เญย เมี่ยน, เหว่ย หฒุ นิ่น หล่ง อาหับ เญย เซียะ โหฒว เอ๊า. หฒิว เฒี้ยว หมั่ง, นิ่น โหฒว หว่าย สี่.

7มป่า เฒี้ยว เหว่ย นิ่น เหธา ดาวิด เหลียบ เญย แหง่ง หว่า ไม้ อ๋อย เหมียด ดาวิด เญย โต้ว ฒง. นิ่น หย่า แล์ง ปุน ดาวิด เหยียด ลิ์ว ม่าย เฒ้ย-ฟุน โหฒว ฮู่ง.

8ต๋อย เยโฮลัม โหฒว ฮู่ง เญย เฒี่ยง โห่, เอโดม เมี่ยน แหง่ง ยูดา ฯฒฯ เหว่ย นิ่น บัว กั้น เหลียบ ฮู่ง.

9เยโฮลัม ฯฒฯ ต้อ นิ่น เญย จุน-แปง-เปย๊ย เหธา นิ่น เญย เหยียด ฒู้ง เบ๊าะ จ๋า เญย ม์า-เธีย มี่ง เบ๊าะ เอโดม เต่ย-ปูง. เอโดม เมี่ยน เว่ย ก๋อม นิ่น เหธา นิ่น ฒ้าง ม์า-เธีย เญย แปง-เปย๊ย. นิ่น บัว ฯฒฯ ลู่ง ม์วน หฒั่น เจี์ย ต้าย เบ๊าะ ทง เปย๋า.

10ฮนั้ง หน่าย เอโดม แหง่ง เจี๊ยน, ไม้ ปุน ยูดา กุ๊น เถา อี้ จ๋า ฮนอย. วั้ว หฒั่น ลิบนา หย่า ฟี่ ฮนั้ง เญย แหง่ง เจี๊ยน ไม้ ปุน ยูดา กุ๊น, เหว่ย หฒุ เยโฮลัม กวั่ง เฒี้ยว, นิ่น เญย อง-ถาย เญย ทิน-ฮู่ง.

11นิ่น หย่า เยียม ยูดา เญย บง กู้ หงว่าย เหลียบ หฒั่ง เฒี่ยน เญย ต๋อง, ปุน เยลูซาเลม เมี่ยน ไม้ เหฒียบ ฒัวะ เญย โหฒว, หย่า ปุน ยูดา เมี่ยน ป์าม ฒุ์ย ต่อง ทิน-ฮู่ง.

12เยโฮลัม ตุ๊ ฒิบ เฒ้ย โต่ว หว่า เมี่ยน, เอลียา, เฟี้ย เญย เฝียน. เฝียน ก๊อง, “ เฒี้ยว, เม่ย เญย อง-ถาย เญย ทิน-ฮู่ง, ฮนั้ง น้าย ก๊อง. ‘เม่ย ไม้ กัน เม่ย เญย เตีย, เยโฮซาฟัด, ไฟ ยูดา เญย ฮู่ง, อาสา, เญย เจ๊า ยั่ง.

13ต๋าว หฑวน เม่ย กัน อิสะลาเอน เมี่ยน เญย เจ๊า ยั่ง. เม่ย หย่า ต้อ ยูดา เหธา เยลูซาเลม เญย แปะ ฝีง ไม้ เหฒียบ ฒัวะ เญย โหฒว, ฮนั้ง อาหับ เญย เปย๊า ฒง เมี่ยน. เม่ย หย่า ไต๋ เม่ย เญย โย์ว, เซ เม่ย เญย เตีย เญย โต้ว ฒง. นิ่น บัว ฒู้ง เก้า หลง เม่ย.

14เหว่ย น้าย เฒี้ยว อ๋อย ปุน เม่ย เญย แปะ ฝีง, เม่ย เญย เอ๊า, เม่ย เญย น่าม โญ์ว เหธา เม่ย ม่าย เญย เหยียด ฒู้ง กะน้าย หฒุ ต้ม เหฒะ หน่าน.

15เม่ย กั้น อ๋อย ปุ๊ด จ้าง เญย แป่ง เฮนี้ย เญย, เหยียด ฮนอย เป๊ย เหยียด ฮนอย โค้ว, เถา แป่ง ฒู้ง ห่อย เม่ย เญย จ้าง แป๊ด ธ้วด ต้าย.’”

16ฆะฮ้า เฒี้ยว โธะ ฟีลิสะเตีย เมี่ยน เหธา นิด ฟัด เอทีโอเปีย วั้ว เต๋ย อาหลับ เมี่ยน อ๋อย มี่ง เบ๊าะ เยโฮลัม.

17นิ่น บัว ฯฒฯ เบ๊าะ ยูดา, ธ้าง เปียะ แอ๋ง ลู้ เยียม ฮู่ง ติ่น เญย กะน้าย, เลี่ยม นิ่น เญย เอ๊า, นิ่น เญย ตอน เหยียด ฒู้ง. ธ้วด ลิ์ว นิ่น เญย ตอน-ไฝ, อาหัดยา, เยโฮลัม ไม้ เหฒ่ง เหยียด เต้า ตอน อ๊ะ.

18น้าย เต๋ย สี่ เจี๋ย ลิ์ว, ฆะฮ้า เฒี้ยว ปุน เยโฮลัม เญย จ้าง ปุ๊ด แป่ง, เซ ไม้ ไฮ่ หฒ่อ ไม้ หลง เญย แป่ง.

19นิ่น ปุ๊ด แป่ง โค้ว เญย ปวั๊ง อี หฮญัง, จ้าง แป๊ด ธ้วด ต้าย อ๊ะ. เซ้ด เมว์ย เญย เฒี่ยง โห่ นิ่น เตี๊ย โค้ว ไห่ เถา ไต่ หมี่ อ๊ะ. แปะ ฝีง หย่า ไม้ ปั๊ว โต์ว เหว่ย โห่ว นิ่น ฮนั้ง ฒิ่น ด่าง ปั๊ว โต์ว นอ.

20เยโฮลัม ฝาว เหว่ย โหฒว ฮู่ง วั้ว หฒั่น, นิ่น ตุ๊ ฟ่า เหฒียบ เหญ่ย หฮญัง. นิ่น หย่า เยียม เยลูซาเลม กุ๊น เหฮยียด หฮญัง. นิ่น เกวย เสย เญย เฒี่ยง โห่ ไม้ ม่าย หาย เต้า เฑ่า นิ่น. นิ่น บัว ต้อ มี่ง หฒัง เยียม ดาวิด เญย ฒี่ง, มป่า ไม้ หฒัง เยียม ฮู่ง เตี๋ย เญย โฒ้ว-เก้ม.

← Chapter 20 Jump to: Chapter 22 →